دوم تیموتائوس 4:5 - کتاب مقدس به زبان مازندرانی - گویش شرقی

⁵ ولی تِ همه چیِ دِله هوشیار باش؛ عِذاب ها ره طاقت بیار؛ اِنجیلِ اِعلام هاکاردِنِ کارِ اِنجام هاده و شه خدمِتِ کاملاً تِموم هاکان.

گیله ماز

⁵ وَلی تو همه چی یه دِلِه هوشیار هَبو؛ عذابِشانِ طاقت بیار؛ انجیلِ اعلام هکُردنِ کارِ انجام هَدِه و تی خِدمَتِ کاملاً به انجام بَرِسان.

کتاب مقدس به زبان مازندرانی - گویش غربی

⁵ ولی تو هَمه چی ای دِلِه هوشیار واش؛ عذابیشونِه طاقت بیار؛ اِنجیلی اعلام هاکردنی کارِ اَنجام هادِه و شی خِدمَتِ کامِلاً تُوم هاکِن.

دوم تیموتائوس 4:5 Iomraidhean Croise

اِنجیلِ مَتّی 25:16

اون مَردی که شه صَد سالِ دَسمِزِ اِندا بَییته بییه، دَرجا بُورده و اونِ هِمراه تجارت هاکارده و شه اَربابِ پولِ دِ بِرابر هاکارده.

مَرقُس 13:34

اون روزِ بییَموئِن یِتا مَردی ره موندِنه که خوانه سَفِر بوره. وه وَختی که دَره شه سِرهِ جِم شونه سِره اِختیارِ شه نوکِرونِ دَس دِنه و هر کِدومِ یِتا وظیفه دِنه و دَربونِ هَم دَستور دِنه که بیدار بَمونه.

مَرقُس 13:37

اونچی شِما ره گامبه، همه ره گامبه: بیدار بوئین!»

لوقا 12:37

خِش به حال نوکِرونی که وَختی وِشونِ اَرباب بَرگِردِنه، وِشونِ بیدار و هوشیار بَوینه. حَییقَتِاً، شِما ره گامبه، وه شه خِدمِت هاکاردِنِ لِواسِ پوشِنه؛ و وِشونِ سِفره سَر نیشِندِنه و اِنه وِشونِ جِم پذیرایی کانده.

اعمال رَسولان 21:8

فِردائه اون روز، اونجه جِم بوردیمی و قیصریهِ شَهر بییَمومی. مُبَشر فیلیپُس سِره بوردیمی که یِتا از اون هَفت نَفِری بییه که خِدمِتِ وِسه انتخاب بَییه بییه و وه پَلی بَمونِسیمی.

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

اِفِسُسیان 4:11

و وه بییه که رَسولون هِدا، پِیغَمبِرون، مِواشِرون، چَپونون و مَلِّمون هِدا،

اِفِسُسیان 4:12

تا مِقدَّسینِ خدمِتِ کارِ وِسه، آماده هاکانِن، مَسیحِ تَنِ بنائه وِسه،

کولُسیان 1:25

که طبقِ نظارتِ خِدمِت که خِدا مِ ره بِسپارِسه، کلیسائه خادِم بَیمه، تا خِدائه کِلامِ، کامل شِما ره بِشناسونِم

کولُسیان 4:17

و آرخیپوسِ بارین: «مِواظِب باش تا خدمتی ره که خِداوندِ دِله تِ ره بِسپارِسه بَییه ره کامل اِنجام هادی.»

اوّل تِسالونیکیان 5:6

پَس بقیهِ واری شه ره خو نَزِنیم، بلکه بیدار و هوشیار بوئیم.

اول تیموتائوس 4:12

نییِل تِ جَوونی ره هیچ‌کی کِچیک بِشماره، بلکه گَب بَزوئِنِ دِله، کِردارِ دِله، مِحبّتِ دِله، ایمونِ دِله و پاکیِ دِله، تِمومِ ایموندارونِ وِسه سرمخش باش.

اول تیموتائوس 4:15

این چیا ره اِنجام هاده و شه ره اونِ وَقف هاکان تا تِ تَرقی همه وِسه مَعلوم بَووه.

دوم تیموتائوس 1:8

پَس، از اینکه اَمه خِداوندِ شِهادت هادی یا مِن که وه خاطِری زِندونِ دِله دَکِتِمه عار نِدار، بلکه تِ هم خِدائه قِوَّتِ هِمراه، انجیلِ خاطِری عِذابِ بَکِشیِنِ دِله شَریک باش.

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.

دوم تیموتائوس 2:3

مَسیحْ عیسی خوارِ سربازِ واری، عِذاب هائه دِله شَریک باش.

دوم تیموتائوس 4:17

ولی خِداوند مِ هِمراه بییه و مِ ره قِوَّت هِدا تا اون پِیغوم، مِ طَریقِ جِم کاملاً اِعلام بَووه و تِمومِ غیر یَهودیون اونِ بِشنُئِن. و این طی شیرِ دِهونِ جِم دَر بوردِمه.

نامِه مَسیحینی عبرانی نِژادی سِه 13:17

شه رَهبرونِ جِم اِطاعت هاکانین و وِشونِ تَسلیم بوئین؛ چوون وِشون شِمه جانهائه جِم محافظت کاندِنه و وِنه حِساب پَس هادِن. بییِلین این کارِ، خِشالیِ هِمراه هاکانِن نا آه و نالهِ هِمراه، چوون این شِمه نفع نییه.

اول پِطرُس 1:13

پَس شه فکرا ره اِنجام هِدائِنِ وِسه حاضر هاکانین، و هوشیار بوئین و شِمه امید کاملاً اون فیضی سَر دَووه که عیسی مَسیحِ ظِهورِ مووقه شِما ره هِدا بونه.

یوحنایِ مکاشفه 3:2

بیدار بَواش و اونچیِ که به جا بَمونِسه و دَره مییِرنه ره، تقویت هاکان! چوون که تِ اَعمالِ، شه خِدائه دیدِ پَلی کامل نَدیمه.