دوم تیموتائوس 4:16 - کتاب مقدس به زبان مازندرانی - گویش شرقی

¹⁶ مِ اَوِّلین دفاعِ دِله، هیچ کی مِ پِشت دَر نییَمو، بلکه همه مِ ره وِل هاکاردِنه. نَکِنه این، وِشونِ حِساب بَنوِشته بَووه.

گیله ماز

¹⁶ می اوَّلین دفاعِ دِلِه، هیچکی می پُشت دَر نومَه، بلکه هَمِه مَرِه وِل هَکُردنِ. نَکُنِه این اوشانه حِساب بَنوِیشتِه هَبو.

کتاب مقدس به زبان مازندرانی - گویش غربی

¹⁶ می اوَّلین دفاعی دِلِه، هیچکی می پِشت دَر نیمو، بَلگی هَمه مِنِه وِل هاکِردنِه. نَکِنِه هَین وشونی حِساب بَنوِشت بَوو.

دوم تیموتائوس 4:16 Iomraidhean Croise

مَرقُس 14:50

بعد تِمومِ شاگِردون وه ره سَر بییِشتِنه و دَر بُوردِنه.

لوقا 12:11

وَختی شِما ره یَهودیونِ عبادتگاه ها و حاکمون و اونایی که اِقتدار دارنِنهِ پَلی وَرنِنه، نِگرون نَبوئین که چی طی شه جِم دِفاع هاکانین یا چی بارین،

اِنجیلِ یوحنا 16:32

مووقه ای رِسنه، که حَییقَتاً هم همین اَلان هم بَرِسیه، که شِما همه پَخشِ پِلا بونِنی و هر کِدوم شه سِره شونِنی و مِ ره تینا اییِلنِنی؛ ولی مِن تینا نیمِه، چوون آسِمونی پییِر مِ هِمراه دَره.

اعمال رَسولان 22:1

«ای بِرارون و ای پیِیرون، مِ دِفاعیه که اَلان شِمه عَرض رِسِندِمبه ره گوش هادین.»

اعمال رَسولان 25:16

«وِشونِ بااوتِمه رومیون دِله رَسم نییه که متهمی ره قبل از اون که شه شاکیونِ هِمراه روب رو بَووه و بَتونه اِتهامایی که وه ره زَندِنه ره شه جِم دفاع هاکانه، تَسلیم هاکانِن.

اعمال رَسولان 7:60

بعد زانو بَزو و بِلِندِ صِدائه هِمراه بااوته «خِداوندا، این گِناه ره وِشونِ حِساب نیار.» اینِ بااوته و جان هِدا.

اوّلین نامِه قُرنتیانی سِه 13:5

مِحَبَّت بی اَدِب نییه و شه مَنفعتِ دِمبال دَنییه؛ مِحَبَّت غیظ نَکانده و کینه به دِل نَینه؛

اوّلین نامِه قُرنتیانی سِه 9:3

مِ دِفاع، اونایی روب رو که مِ خَوِری قِضاوت کاندِنه، این‌ِ.

دوّمین نامه قرنتیانِ وَسین 7:11

چوون که بَوینین این غُصّه ای که خِدائه وِسه بییه، شِمه دِله چه شور و شوقی بار بیارده: البته همین شور و شوقِ که نِشون دِنه که تقصیرکار نینی. چه غیظِ دِله چه تَرسِ دِله چه حَسرتِ دِله، چه غیرتِ دِله و چه مِجازاتِ دِله. هر لحاظِ جِم ثابت هاکاردینی که اون قضیهِ دِله بی‌تقصیر بینی.

فیلیپیان 1:17

ولی اون اَوِّلین دَسه، چِش و هم چِشیِ سَر مَسیح ره موعظه کاندِنه، نا خوارِ نیّتِ هِمراه، چوون خیال کاندِنه که مِ عِذاب ها ره زِندونِ دِله ویشتر کاندِنه.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

دوم تیموتائوس 1:15

خَوِر دارنی که تِمومِ آسیائه مَنطقهِ مَردِم، مِ ره وِل هاکاردِنه، که وِشون میون فیگِلوس و هِرموگِنِس هم دَرِنه.

دوم تیموتائوس 4:10

چوون دیماس این دِنیائه دوس داشتنِ خاطِری مِ ره وِل هاکارده و تِسالونیکیِ شَهر بورده. کْریسکیس غَلاطیهِ مَنطقه بورده و تیتوس هم دَره دَلماتیهِ مَنطقه شونه.

دوم تیموتائوس 4:15

تِ هم وه جِم دوری هاکان، چوون اَمه پِیغومِ هِمراه بَدجور مخالفت هاکارده.

اول پِطرُس 3:15

بلکه شه دلِ دِله خِداوند مَسیحِ، قُدّوس بِشمارین و وه ره اِحترام بییِلین و هَمِش آماده بوئین تا هر کی اون امیدِ دلیلِ، که شِمه دِله دَره ره، بَپِرسه، وه ره جِواب هادین، البته اِحترام و نرمیِ هِمراه.