دوم تیموتائوس 2:21 - کتاب مقدس به زبان مازندرانی - گویش شرقی

²¹ پَس اگه یه نَفِر شه ره این چیائه جِم پاک هاکانه، ظرفیِ که مهمِ کارائه وِسه استفاده بونه، مِقَدَّس و مفیدِ ظَرف، صاحبخانه وِسه و هر خوارِ کارِ وِسهِ آماده ئه.

گیله ماز

²¹ پَس اگه یِنَفر خودِشِه این چیزانِ جی پاک هَکونه، ظرفیه که مُهِمِ کارانِ وَسین استفاده بونه، مُقَدَّس و مفیدِ ظَرف صابسِرِه یه وَسین و هر خُجیرِ کارِ وَسین آمادِئه.

کتاب مقدس به زبان مازندرانی - گویش غربی

²¹ پَس اگه ینفر شِرِه هَین چیایی جا پاک هاکِنِه، ظرفیه گه مِهِمِ کارایی سِه استفاده وونِه، مِقَدَّس و مفیدِ ظَرف صابخِنه ای سِه و هر خِبِ کاری سِه آمادِئه.

دوم تیموتائوس 2:21 Iomraidhean Croise

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

اوّلین نامِه قُرنتیانی سِه 5:7

شه ره کهنه خمیرمایهِ جِم پاک هاکانین تا تازه خمیر بوئین، هَمون طی که واقعاً هم فَطیرِنی. چوون مَسیح، اَمه پِسَخِ وره، قِروونی بَییه.

دوّمین نامه قرنتیانِ وَسین 7:1

پَس ای عزیزون، اِسا که اِما این وعده‌ها ره دارمی، بِئین شه ره هر جسم و روحِ ناپاکیِ جِم پاک هاکانیم و خِدائه تَرسِ هِمراه، مِقَدّس بییَنِ کامل هاکانیم.

دوّمین نامه قرنتیانِ وَسین 9:8

و خِدا تونده هر نعمتی ره شِمه وِسه خَله ویشتر هاکانه تا همه چیِ دِله، هَمِش شه احتیاجِ اِندا دارین و هر خوارِ کارِ دِله، فِراوونیِ هِمراه دارین.

اِفِسُسیان 2:10

چوون اِما خِدائه دَسِ کاریمی، و مَسیحْ عیسیِ دِله خَلق بَیمی تا خوارِ کارا هاکانیم، اون کارایی که خِدا قبلتر آماده هاکارده تا اونائه دِله قَدِم بییِلیم.

اول تیموتائوس 6:11

ولی تِ که مَردِ خِدایی، این چیائه جِم فِرار هاکان، و صالحی، دینداری، ایمون، مِحَبَّت، پایداریی و ملایمتِ دِمبال دَواش.

دوم تیموتائوس 2:16

ولی دِنیائه مِفت گَب هائه جِم دوری هاکان، چوون مَردِمِ ویشتر و ویشتر بی‌دینیِ سَمت کَشِنِنه.

دوم تیموتائوس 2:20

یِتا گَتِ سِره دِله، فِقَط طِلا و نِقره ظرفا دَنیه، بلکه چویی و گلی هم دَره؛ بعضی از اونا مهمِ کارائه وِسه به کار اِنِنه و بعضیا هم دَمِ دَسیِ وِسه.

دوم تیموتائوس 3:17

تا مَردِ خِدا کامل بَووه و هر خوارِ کارِ وِسه آماده.

دوم تیموتائوس 4:11

فِقَط لوقا مِ هِمراه دَره. مَرقُسِ بَیر و شه هِمراه بیار، چوون وه مِ خِدمِتِ وِسه خَله به کار اِنه.

تیتوس 3:1

وِشونِ یاد بیار که حاکِمون و صاحب منصبون مطیع بوئِن و هر خوارِ کارِ وِسه آماده بوئِن؛

تیتوس 3:14

بییِل اَمه مَردِم یاد بَیرِن اِحتیاجاتِ بَرطَرِف هاکاردِنِ وِسه، شه ره خوارِ کارائه وَقف هاکانِن و بی‌ثمر نَبوئِن.

تیتوس 3:8

این گَبِ بونه اِعتماد هاکارد. و تِ جِم خوامبه که این چیائه سَر اصرار داری، تا اونایی که خِدا ره ایمون بیاردِنهِ حِواس دَووه که شه ره خوارِ کارائه وِسه وَقف هاکانِن، این چیا مَردِمِ وِسه خوارِ و فایده دارنه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اول پِطرُس 1:7

تا شِمه ایمونِ اِصالت، آزمودِ دِله ثابت بَووه و اون روز که عیسی مَسیحِ ظِهور کانده حَمد و ثناء و جِلال و اِحترامِ باعث بَووه، هَمون ایمون که طِلائه جِم خَله با ارزش ترِ که هرچَن از بین شونه، ولی تشِ هِمراه آزمود بونه.

اوّل یوحنا 3:3

هر کی وه ره این طی امیدی دارنه، شه ره پاک کانده، هَمون طی که وه پاکِ.