دوم تیموتائوس 2:20 - کتاب مقدس به زبان مازندرانی - گویش شرقی

²⁰ یِتا گَتِ سِره دِله، فِقَط طِلا و نِقره ظرفا دَنیه، بلکه چویی و گلی هم دَره؛ بعضی از اونا مهمِ کارائه وِسه به کار اِنِنه و بعضیا هم دَمِ دَسیِ وِسه.

گیله ماز

²⁰ ایتا گَتِه سِرِه یه دِلهِ، فقط طَلا و نُقرِه ظُروف دَنیِه، بلکه چویی و گِلی هم دَرِه؛ بعضی از اوشان مُهِمِ کارانِ وَسین بکار هَنه و بعضیان هم دَم دَسی یه وَسین.

کتاب مقدس به زبان مازندرانی - گویش غربی

²⁰ یَتِه گَتِه خِنِه ای دِلِه، فقط طِلا و نِقرِه ظَرفا دَنیِه، بَلگی چُویی و گِلی هَم دَرِه؛ بعضی از اونِن مِهِمِ کارایی سِه بکار اِنِه و بعضیا هَم دَمِ دَسی ای سِه.

دوم تیموتائوس 2:20 Iomraidhean Croise

اِنجیلِ یوحنا 8:49

عیسی جِواب هِدا: «مِن دِو نِدارمه، بلکه شه پییِرِ حِرمت اییِلمه، ولی شِما مِ ره بی‌ حِرمَتی کاندینی.

رومی ایشون 9:20

ولی ای آدِم، تِ کی ای، که خِدائه هِمراه دِهون به دِهون بونی؟ «مگه مخلوق تونده شه خالقِ باره چه مِ ره این طی بِساتی؟»

اوّلین نامِه قُرنتیانی سِه 3:9

چوون اِما فِقَط خِدائه همکارونیمی. شِما خِدائه کِشت و کارِ زِمین و خِدائه ساختمونِنی.

دوّمین نامه قرنتیانِ وَسین 4:7

ولی این گنج ها ره گِلی پیلکاهائه دِله دارمی، تا مَعلوم بوئه که این گَتِ قِدرَت، خِدائه جِم هَسه نا اَمه جِم.

اِفِسُسیان 2:22

و شِما هم هَمدییه هِمراه مَسیحِ دِله بنا بونِنی تا یِتا سِره بَووین که خِدا شه روحِ طَریق، وه دِله موندِنه.

اول تیموتائوس 3:15

تا اگه مِ بییَموئِن عَقِب دَکِته، بَدونی که خِدائه خانوادهِ میون که زِنده خِدائه کلیسا و حَییقَتِ سِتون و پِی هَسه، چی طی وِنه رِفتار هاکارد.

اول پِطرُس 2:5

شه شِما هم زنده سنگائه وارینی، که یِتا روحانی عمارت شِمه جِم بِساته بونه تا مِقدَّسِ کاهنونِ واری بوئین تا عیسی مَسیحِ طَریقِ جِم، روحانی قِروونی ها که خِدا اونا ره قبول کانده، پیشکش هاکانین