دوم تیموتائوس 1:7 - کتاب مقدس به زبان مازندرانی - گویش شرقی

⁷ چوون خِدا، تَرسِ روحِ اِما ره نِدا، بلکه قِوَّت و مِحَبَّت و نَفسِ دَمِ بَئیتِنِ روحِ، هِدا.

گیله ماز

⁷ چون خُدا، ترسِ روحِ اَمَرِهِ نَده بلکه قُوَّت و مُحبت و نَفسِ جلوه بِیتَین روحِ هَدَه.

کتاب مقدس به زبان مازندرانی - گویش غربی

⁷ چون خِدا، ترسی روحِ اَمارِه نَدا بَلگی قِوَّت و مِحبت و نَفسی دَمِ بَیتنی روحِ هادا.

دوم تیموتائوس 1:7 Iomraidhean Croise

لوقا 10:19

اِسا شِما ره اقتدار دِمبه که مَرها و عَقرِبها ره شه لینگِ بِن لِه هاکانین و دِشمِنِ تِمومِ قِوَّتِ از بین بَوِرین، هیچی شِما ره آسیب نَرِسِندِنه.

لوقا 15:17

سَر آخِر شه پَلی بااوته: ” مِ پییِرِ خَله از کارگرون، اضافی غِذا هم دارنِنه و مِن اینجه وِشناییِ جِم دَره تَلِف بومبه.

لوقا 24:49

اِسا مِن اونچی ره که مِ آسِمونی پییِر شِما ره وَعده هِدا بییه ره شِمه وِسه رِسِندمبه؛ ولی این شَهرِ دِله بَمونین تا مووقه ای که خِدائه قِوَّتِ اَعلیِ جِم، شه تَن دَکُنین.»

لوقا 8:35

پَس مَردِم بیرون بییَمونه تا اونچی ره اتّفاق دَکِته بییه ره بَوینِن، وَختی عیسیِ پَلی بَرِسینه و بَدینه اون مَردی که دِوها وه جِم در بییَمو بینه، لِواس دَپوشیه و عاقل عیسیِ لینگِ پَلی نیشته، بَترسینه.

اِنجیلِ یوحنا 14:27

شِمه وِسه آرامش و سِلامتی به‌جا اییِلمه؛ شه آرامش و سِلامتی ره شِما ره دِمبه. اونچی مِن شِما ره دِمبه، نا اون طیِ که دِنیا شِما ره دِنه. شِمه دِل پَریشون نَبوئه و نییِلین شِمه دِل تَرس دَکِفه.

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

اعمال رَسولان 20:24

ولی مِن، هم جانِ و هم زندگی ره شه وسه بی‌ارزش دومبه، فِقَط اگه بَتونِم شه دوره ره تِموم هاکانِم و خِدمِتیِ که عیسیِ خِداوندِ جِم بَییتِمه ره سَراِنجام بَرِسونِم و خِدائه فیضِ خَوِرِ خِشِ شِهادت هادِم.

اعمال رَسولان 21:13

ولی پولُس جِواب هِدا: «این چه کاریِ که کاندینی؟ چه شه بِرمهِ هِمراه مِ دلِ اِشکِنِنی؟ مِن حاضِرِمه عیسیِ خِداوندِ اسمِ خاطِری نا فِقَط زِندون بُورِم، بلکه اورشَلیمِ دِله بَمیرِم.»

اعمال رَسولان 26:11

خَله وختا وِشونِ مِجازاتِ وِسه، عبادتگاه هائه دِله شیمه و تَقِلّا کاردِمه و وِشونِ مجبور کاردِمه کفر بارِن. مِ خَشم اَنده بییه که حَتّی تا غریبه هائه شهرها هم وِشونِ تعقیب کاردِمه.

اعمال رَسولان 26:25

ولی پولُس جِواب هِدا: «عالیجناب فِستوس، مِن خِل نیمه، بلکه عَقلِ هِمراه حَییقِتِ گامبه.

اعمال رَسولان 6:8

استیفان، فِیض و قِوَّتِ جِم پِر بییه و قومِ دِله خَله عجیبِ کارا و معجزات کارده.

اعمال رَسولان 9:22

ولی شائول روز به روز ویشتر قِوَّت گِته و دَمشقِ یَهودیونِ وِسه دلیلِ هِمراه ثابت کارده که عیسی، هَمون مَسیحِ موعود هَسه.

رومی ایشون 5:5

و امید اَمه شرمندگیِ باعث نَوونه، چوون خِدائه مِحبَّت، روح القدوسِ طریقِ جِم که اِما ره هِدا بَییه، اَمه دلهائه دِله دَشِندی بَییه.

رومی ایشون 8:15

چوون که شِما نوکریِ روحِ نَییتِنی تا اَی هم بَتِرسین، بلکه شِما ریکائونِ مقامِ دِله فرزندخوندگیِ روحِ بَییتِنی که اونِ طَریقِ جِم داد زَمبی: «بابا، مِ پییِر.»

اوّلین نامِه قُرنتیانی سِه 2:4

و مِ گَب ها و مِ پِیغوم، حَکیمونه کَلِماتِ هِمراه که قانع کانده، نَییه، بلکه خِدائه روح و خِدائه قِوَّتِ هِمراه بااوتِمه

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

کولُسیان 1:8

وه اِما ره شِمه مِحبّتِ جِم که خِدائه روحِ دِله ئه، باخَوِر هاکارده.

نامِه مَسیحینی عبرانی نِژادی سِه 2:15

و تِمومِ اونایی که مَرگِ تَرسِ خاطِری، تِمومِ شه عمرِ اسیری بَکِشینه، آزاد هاکانه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اوّل یوحنا 4:18

مِحَبَّتِ دِله تَرس دَنیه، بلکه کاملِ مِحَبَّت، تَرسِ بیرون کانده؛ چوون تَرس تنبیهِ جِم سَرچِشمه گِرنه و اونی که تَرسِنه، مِحبَّتِ دِله کامل نَییه.