دوّم تِسالونیکیان 3:8 - کتاب مقدس به زبان مازندرانی - گویش شرقی

⁸ و هیچ کسِ نونِ، مِفتِ نَخاردیمی، بلکه سَختی و زَحمِتِ هِمراه شو و روز کار هاکاردیمی، تا هیچ کِدوم از شِمائه سربار نَوویم.

گیله ماز

⁸ و هیچکسِ نانِ، مُفتی نُخاردیم، بلکِه سختی و زحمتِ هَمرَه شُو و روز کار هَکُردیم، تا هیچکِدام از شیمی سَربار نَبیم.

کتاب مقدس به زبان مازندرانی - گویش غربی

⁸ و هیچکسی نونِ مِفتی نَخاردِمی، بلگی سختی و زحمتی هَمرا شُو و روز کار هاکِردِمی، تا هیچکِدیم از شِمایی سَربار نَووئیم.

دوّم تِسالونیکیان 3:8 Iomraidhean Croise

اِنجیلِ مَتّی 6:11

اَمه هر روزه نونِ اَمروز اِما ره هاده.

اعمال رَسولان 18:3

و اینِ خاطِری که وه هم وِشونِ واری چادِر‌ دوته، وِشونِ پَلی بَمونِسه و کارِ مَشغول بَییه.

اعمال رَسولان 20:34

شه شِما دوندِنی که شه دَسِ هِمراه، شه و شه هَمراهونِ نیازها ره فِراهم هاکاردِمه.

اوّلین نامِه قُرنتیانی سِه 4:12

شه دَسائه هِمراه کار کامبی و زَحمِت کَشِمبی. وَختی اِما ره نَفرین هاکانِن، وِشونِ وِسه دِعائه خیر کامبی؛ و وَختی آزار بَوینیم، تِحَمّل کامبی؛

اوّلین نامِه قُرنتیانی سِه 9:4

مگه حَق نِدارمی بَخُریم و بَنوشیم؟

دوّمین نامه قرنتیانِ وَسین 11:27

سختی و تنگیِ دِله، خَله شوها نَخواتِن بَکِشیمه؛ وِشنایی و تِشناییِ دِله، ویشترِ وختا بی‌غذا بیمه و سِرما دِله لِخت و پَتی بیمه.

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

اِفِسُسیان 4:28

دِز دییه دِزی نَکِنه، بلکه زَحمِت بَکِشه، و شه دَسائه هِمراه صداقتِ هِمراه کار هاکانه، تا بَتونه یه چی مِحتاجونِ هَم، هاده.

اوّل تِسالونیکیان 2:9

چوون شِما ای بِرارون، اَمه زَحمِت و کار هاکاردِن شِمه‌ یاد دَره، که شو و روز کار کاردیمی تا اون مووقه که خِدائه انجیلِ شِمه وِسه موعظه کامبی، هیچ کسِ سربار نَبوئیم.

اوّل تِسالونیکیان 4:11

و آرزو هاکانین که آرومِ زندگی دارین و شِمه سَر شِمه کارِ دِله دَووه و هَمون‌ طی که شِما ره دَستور هِدامی، شه دَسائه هِمراه کار هاکانین.

دوّم تِسالونیکیان 3:12

اِسا، خِداوند عیسی مَسیحِ اسمِ دِله، این طی آدِمونِ حِکم کامبی و وِشونِ تَشویق کامبی که آرووم و قِرار بَیرِن و شه روزی ره دَربیارِن.