دوّم تِسالونیکیان 3:2 - کتاب مقدس به زبان مازندرانی - گویش شرقی

² تا شَرورِ آدِمون و گِناهکارونِ جِم آزاد بَوویم، چوون شِما همه ایمون نِدارنِنی.

گیله ماز

² تا شَرورِ آدمان و گُناهکارانِ جی آزاد هَبیم، چون همه ایمان نِدارَن.

کتاب مقدس به زبان مازندرانی - گویش غربی

² تا شَرورِ آدمن و گِناهکارنی جا آزاد بَووئیم، چون هَمه ایمون نارِنِه.

دوّم تِسالونیکیان 3:2 Iomraidhean Croise

اِنجیلِ مَتّی 17:17

عیسی بااوته: « ای مُنحرِف و بی ایمونِ قوم، تا كی وِنه شِمه هِمراه دَووِم، تا کی شِما ره تِحَمُّل هاکانِم؟ ریکا ره مِ پَلی بیارین.»

اِنجیلِ مَتّی 23:23

«وای به حال شِما ای توراتِ مَلِّمون و عُلِمائه فَریسی دِرو! شِما نَعنا و شیفید و زیره ره دَه به یِک دِنِنی، ولی شَریعتِ مُهمتَرین اَحکامِ که عِدالَت و رَحمِت و امانت هَسه ره، نَدید گِرنِنی. اونا ره وِنه به جا بیارین، بِدونِ این که اینائه اِنجامِ دِله غفلت هاکانین.

لوقا 18:8

شِما ره گامبه خَله زود، وِشونِ داد رِسِنه. ولی وَختی اِنسانِ ریکا بِیّه، زِمینِ سَر ایمونی پی دا کانده؟»

اعمال رَسولان 13:45

ولی وَختی یَهودیون جَمیِّتِ ها ره بَدینه، حَسودیِ جِم پِر بَینه و بی‌ حِرمتیِ هِمراه هر چی پولُس گاته ره مخالفت هاکاردِنه.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 14:2

ولی یهودیونی که ایمون نیارده بینه، غیرِ یَهودیونِ تَحریک هاکاردِنه و وِشونِ فِکرِ، بِرارونِ علیه، مَسموم هاکاردِنه.

اعمال رَسولان 17:5

ولی یَهودیون حَسودی هاکاردِنه و چَن تا شَریرِ آدِمونِ، بازارِ جِم، جَمع هاکاردِنه، اَت دسه لاتِ لوت راه دینگونه و شَهرِ دِله بَلوا هاکاردِنه. وِشون پولُس و سیلاسِ پی دا هاکاردِنِ وِسه یاسونِ سِره هجوم بَوِردِنه تا وِشونِ جَمیِّتِ دلهِ جِم بیرون بیارِن.

اعمال رَسولان 25:27

چوون عقلانی نییه یِتا زِندونی ره اِمپراطورِ پَلی بَفرِسِم ولی نَنویسِم وه اتهاما چیه.»

اعمال رَسولان 28:24

بَعضیا وه گَبِ قبول هاکاردِنه، ولی بَقیه ایمون نیاردِنه.

رومی ایشون 10:16

ولی تِمومِ وِشون اِنجیلِ قبول نَکاردِنه، چوون اِشعیائه پِیغَمبِر، کِتابِ دِله گانه: «اِی خِداوند، کیِ که اَمه پِیغومِ باوِر هاکارده؟»

رومی ایشون 15:31

تا یَهودیهِ بی ایمونونِ جِم جانِ سالم به‌دَر بَوِرِم و مِ خِدمَت اورشَلیمِ وِسه، مِقدّسینِ پَلی قبول بَووه.

اوّلین نامِه قُرنتیانی سِه 15:32

اگه مِن اَفِسُسِ شَهرِ آدِمون که وَحشیِ حیوونونِ وارینه، جَنگ هاکاردِمه، مِ وِسه چه سودی داشته. آدِمیِ دید، گَب زَمبه اگه مِرده ها زنده نَوونِنه، «بِئین بَخُریم و بَنوشیم چوون فِردا مییِرمی.»

اوّل تِسالونیکیان 2:18

چوون اِما خواسیمی شِمه پَلی بِئیم - مِن، شه پولُس، چَن کَش خواسِمه بِیِّم - ولی شیطان نییِشته.

دوم تیموتائوس 4:17

ولی خِداوند مِ هِمراه بییه و مِ ره قِوَّت هِدا تا اون پِیغوم، مِ طَریقِ جِم کاملاً اِعلام بَووه و تِمومِ غیر یَهودیون اونِ بِشنُئِن. و این طی شیرِ دِهونِ جِم دَر بوردِمه.