دوّم تِسالونیکیان 2:7 - کتاب مقدس به زبان مازندرانی - گویش شرقی

⁷ چوون این بی‌دینیِ راز همین اَلان هم دَره کار کانده، فِقَط تا مووقه ای که، اونی که تا اَلان وه دَمِ گِرنه، از بین بوره.

گیله ماز

⁷ چون این بی‌دینی یه راز همین اَلآن هَم دَرِه کار کانه، فقط تا موقِه ایی که، اونیکه تا اَلآن اونه جُلوهِ گیرنِه، از بِین بوشو.

کتاب مقدس به زبان مازندرانی - گویش غربی

⁷ چون هَین بی‌دینی ای راز همین اَلَن هَم دِ کار کِنِّه، فقط تا موقِه ای گه، اونیگه تا اَلَن وی دَمِ گیرنِه، از بِین بورِه.

دوّم تِسالونیکیان 2:7 Iomraidhean Croise

اعمال رَسولان 20:29

دومبه بعد از مِ بوردِن، دَرِّندهِ ورگ ها شِمه میون اِنِنه که گلّه ره رَحم نَکاندِنه.

دوّم تِسالونیکیان 2:6

شِما دوندِنی که اَلان چی وه دَمِ گِرنه، تا وه، شه وَختِ مووقه بِیّه.

اول تیموتائوس 3:16

راس راسی که دینداریِ راز خَله گَتِ: وه که جِسمِ دِله ظاهر بَییه، خِدائه روحِ طَریقِ جِم تایید بَییه، فرشته ها وه ره بَدینه، قومهائه میون اِعلام بَییه، دِنیائه دِله وه ره ایمون بیاردِنه، جِلالِ هِمراه، بالا، بَوِرده بَییه.

اوّل یوحنا 2:18

وَچون، این آخِرین ساعتِ و هَمون طی که بِشنُسینی ’ضِدّمسیح‘ اِنه، اَلان هم خَله از ضدِّ مَسیحون بییَمونه، اینجه جِم فَهمِمبی که آخِرین ساعتِ.

اوّل یوحنا 4:3

و هر روحی که عیسی ره اِعتراف نَکانده، خدائه جِم نییه، این هَمون ’ضدّمسیحِ‘ روحِ که بِشنُسینی اِنه و اَلان هم دِنیائه دِله دَره.

یوحنایِ مکاشفه 17:5

و وه پیشونیِ سَر این مرموزِ اسم بَنوِشته بَییه بییه: «گَتِ بابِل، فاحشه ها و زِمینِ زِشتی هائه مار.»

یوحنایِ مکاشفه 17:7

ولی فرشته مِ ره بااوته: «چه اَنده تَعجِّب هاکاردی؟ مِن اون زِنائه راز و اون وحشی جانورِ رازِ که هفتا کَلّه و ده تا شاخ دارنه و زِنا وه سَر سِوارِ ره تِ وِسه گامبه.