پطرسی دِوّمین نامِه 2:4 - کتاب مقدس به زبان مازندرانی - گویش شرقی

⁴ چوون اگه خِدا، اون فرشته هائه سَر که گِناه هاکاردِنه ره رَحم نَکارده، بلکه، وِشونِ جَهَنِمِ سیاه چالِ دِله، ظِلِمادِ تاریکی بِسپارِسه تا داوِریِ وِسه وِشونِ دارِن؛

گیله ماز

⁴ چون اَگِه خُدا اون فِرِشتِگانِ سَر که گُناه هَکُردَن رَحم نَکُردِه، بلکه اوشانه جَهنِمِ سیاهچالِه دِلهِ ظُلماتِ بِسپارسِّه تا داوری یه وَسین اوشانه بِدارَن؛

کتاب مقدس به زبان مازندرانی - گویش غربی

⁴ چون اگه خِدا هون فِرِشتِگونی سَر گه گِناه هاکِردِنِه رَحم نَکِردِه، بَلگی وِشونِه جَهِنِمی سیاهچالی دِلِه ظِلمادی تاریکی بِسپارسِه تا داوری ای سِه وِشونِه دارِن؛

پطرسی دِوّمین نامِه 2:4 Iomraidhean Croise

اِنجیلِ مَتّی 25:41

«اون وَخت اونایی که وه چَپِ وَر دَرِنه ره گانه: ”اِی مَلعونون، مِ جِم دور بَووین و اَبدیِ تَشِ دِله که اِبلیس و وه فِرِشته هائه وِسه آماده بَییه بُورین

اِنجیلِ مَتّی 8:29

اون دِ نَفِر دادِ هِمرا بااوتِنه: «اِی خِدائه ریکا، اَمه هِمراه چی كار دارنی؟ اینجه بییَموئی تا اِما ره قبل از وَختِ قِرار زَجر هادی؟»

مَرقُس 5:7

وه شونگ بَکِشیه و بااوته: «ای عیسی، خِدائه متعالِ ریکا، مِ هِمراه چی کار دارنی؟ تِ ره خِدا ره قَسِم دِمبه مِ ره عِذاب نَدی!»

لوقا 10:18

عیسی وِشونِ بااوته: «مِن شیطانِ بَدیمه که برقِ واری آسِمونِ جِم جِر دَکَته.

لوقا 8:31

دِوها خواهِشِ هِمراه عیسی جِم بَخواسِنه که وِشونِ جَهنِمِ دِله دِم نَده.

اِنجیلِ یوحنا 8:44

شِما شه پییِر اِبلیسِ وَچونِنی و خوانِنی شه پییِرِ خواسه ها ره به جا بیارین. وه از اَوِّل قاتل بییه و حَییقَتِ هِمراه کاری نِدارنه، چوون هیچ حَییقَتی وه دِله دَنیه. هر وَخت دِراغ زَنده، شه ذاتِ جِم گانه؛ چوون دِراغ زَن و دراغ زَن هائه پییِرِ.

رومی ایشون 11:21

چوون اگه خِدا طبیعی چله ها ره رَحم نَکارده، تِ ره هم رَحم نَکانده.

رومی ایشون 8:32

وه که شه ریکا ره دریغ نَکارده، بلکه وه ره اِما همهِ وِسه فِدا هاکارده، چی طی وه دَس دِلوازیِ هِمراه، همه چی ره اِما ره نَدِنه؟

پطرسی دِوّمین نامِه 2:11

با اینکه فرشته ها که وِشونِ قِوَّت و اِقتدار گَت تِرِ، خِداوندِ پَلی، کفرِ هِمراه وِشونِ حِکم نَکاندِنه.

پطرسی دِوّمین نامِه 2:5

و اگه قدیمِ دِنیا ره رَحم نَکارده، بلکه نوحِ که عِدالتِ پِیغومِ بیارده، هَفت نَفِر دییهِ هِمراه حِفظ هاکارده، بعد اون طوفانِ، بی دینونِ دِنیائه سَر بیارده ؛

پطرسی دِوّمین نامِه 2:9

پَس خِداوند دونده چی طی صالحِ آدِمونِ آزمودهائه جِم نِجات هاده و گِناهکارونِ داوِریِ روزِ مکافات وِسه داره،

اوّل یوحنا 3:8

اونی که گِناهِ دِله زندگی کانده اِبلیسِ جِم هَسه، چوون اِبلیس از هَمون اَوِّل گِناهکار بییه. اینِ وِسه خِدائه ریکا ظِهور هاکارده تا اِبلیسِ کارا ره باطل هاکانه.

یهودائه نامه 1:13

وِشون دریائه پِرتلاطِمِ موجِ وارینه که وِشونِ بَدِ اعمال، دریائه کفِ واری بیرون زَنده و سَرگردونِ ستاره هایی وارینه که اَبدی ظِلِماد، وِشونِ وِسه تعیین بَییه.

یهودائه نامه 1:6

وه، فرشته هایی که شه اون اِقتدارِ مقامِ دِله نَموندِسِنه، بلکه شه دِرِسِ مَنزلِ وِل هاکاردِنه، اَبدی زَنجیلِ هِمراه دَوِسه و محاکمهِ وِسه، اون گَتِ روزِ دِله، ظِلِمادِ دِله وِشونِ داشته.

یوحنایِ مکاشفه 20:10

و اِبلیس، که وِشونِ گول بَزو بییه، تَش و گوگردِ دریاچهِ دِله دِم هِدا بَییه، اون جه که اون وحشی جانور و دِراغی پِیغَمبِر دِم هِدا بَییه بینه. اینا شو و روز تا اَبد و تا اَبد عِذاب کَشِنِنه.