دوم یوحنا 1:8 - کتاب مقدس به زبان مازندرانی - گویش شرقی

⁸ هوشیار بوئین تا اون کارِ ثَمِره که اِما هاکاردیمی ره به باد نَدین، بلکه یِتا کامل پاداش بَیرین.

گیله ماز

⁸ هوشیار هَبین تا اون کارِ ثَمرِه که اَما هَکُردیم رِه به باد نَدین، بلکه ایتا کامِل پاداشِ هَگیرین.

کتاب مقدس به زبان مازندرانی - گویش غربی

⁸ هوشیار ووئین تا هون کاری ثَمرِه گه اَما هاکِردِمی رِه به باد نَدین، بَلگی یَتِه کامِلِ پاداش بَیرین.

دوم یوحنا 1:8 Iomraidhean Croise

اِنجیلِ مَتّی 24:4

عیسی جِواب هِدا: «مِواظِب بوئین کِسی شِما ره از راه به دَر نَکِنه.

مَرقُس 13:23

پَس شِمه حواس دَووه، چوون قبلتر تِمومِ اینا ره شِما ره بااوتِمه.

مَرقُس 13:9

«ولی شِما شه مواظب بوئین، چوون شِما ره مَحکمهِ تحویل دِنِنه و عبادتگاه هائه دِله زَندنه و مِ خاطِری فرموندارون و پادشاهونِ پَلی اِیست کاندینی تا وِشونِ روب رو شِهادِت هادین.

لوقا 19:19

وه ره هم بااوته: ”پِنج تا شَهرِ حکومَت هاکان.“

لوقا 21:8

عیسی بااوته: «مِواظب بوئین کِسی شِما ره گُمراه نَکِنه؛ چوون خَیلیا مِ اسم هِمراه اِنِنه و ادعا کاندِنه ”مِن مسیحِمه“ و گانِنه ”دِنیا آخِر بَرِسیه“. وِشونِ دِمبال نَشوئین.

اِنجیلِ یوحنا 4:36

اَلان، دروگر شه دَسمِزِ گِرنه و اَبدی زندگیِ وِسه مَحصول جَمع کانده، تا اونی که کارِنه و اونی که درو کانده با هم خِشال بَووِن.

اوّلین نامِه قُرنتیانی سِه 15:8

و سَر آخِر مِ وِسه هم، چِلیکِ وَچه ای واری که نارَس دِنیا بییَمو بوئه، ظاهر بَییه.

اوّلین نامِه قُرنتیانی سِه 3:14

اگه کاری که اون پیِ سَر بِساته بَییه، به جا بَمونه، اون آدِم شه پاداشِ گِرنه.

اوّلین نامِه قُرنتیانی سِه 3:8

اونی که کارِنه و اونی که اوه دِنه، هر دِتا یِتا هَسِنه و هر کِدوم شه زَحمِت بَکِشیِ اِندا، پاداش گِرنِنه.

غَلاطیان 3:4

مگه تِمومِ اون عِذاب ها ره، بیخودی تِحَمُّل هاکاردینی؟ مگه اینکه راس راسی بیخودی زَحمِت بَکِشی بوئین!

غَلاطیان 4:11

تَرسِمبه زَحمِتی که شِمه وِسه بَکِشیمه، بیخودی بوئه.

فیلیپیان 3:16

اِما وِنه طبق هر اونچی که به دَس بیاردیمی، رِفتار هاکانیم.

نامِه مَسیحینی عبرانی نِژادی سِه 10:32

ولی اون قدیمِ روزا ره ‌شه یاد بیارین، اون مووقه که تازه نورانی بَییه بینی؛ شِما یِتا سختِ مبارزهِ دِله، عِذابِ هِمراه طاقت بیاردینی.

نامِه مَسیحینی عبرانی نِژادی سِه 10:35

پَس شه اطمینانِ جِم دَس نَکِشین، چوون یِتا گَتِ پاداش شه دِمبال دارنه.

نامِه مَسیحینی عبرانی نِژادی سِه 12:15

مواظب بوئین هیچ کس خِدائه فیضِ بَییتِنِ دِله شکست نَخُره تا هیچ تَلِ ریشه ای، رشد نَکِنه و دردسرِ باعث نَووه و خَیلیا ره نَجس نَکِنه

یوحنایِ مکاشفه 3:11

«مِن زود اِمبه. اونچی که دارنی ره قایم دار تا کِسی تِ تاجِ تِ جِم نَیره.