دوم یوحنا 1:6 - کتاب مقدس به زبان مازندرانی - گویش شرقی

⁶ و مِحَبَّت اینِ که اِما طِبق وه اَحکام زندگی هاکانیم. اَره، هَمون‌ طی که از اَوِّل بِشنُسینی، وه حِکم اینِ که مِحَبَّتِ دِله زندگی هاکانین.

گیله ماز

⁶ وَ مُحَبت اینه که اَما طِبقِ اونه اَحکام زندگی هَکُنیم. آرِه، هَمونجور که اَز اوَّل بِشنَوِسّین اونه حُکم اینه که مُحبتِ دِلِه زندگی هَکنید.

کتاب مقدس به زبان مازندرانی - گویش غربی

⁶ و مِحَبت هَینِه گه اَما طِبقِ وی اَحکام زندگی هاکِنیم. اَرِه، هَمونجور گه از اوَّل بِشنُسِنی وی حِکم هَینِه گه مِحَبتی دِلِه زندگی هاکِنین.

دوم یوحنا 1:6 Iomraidhean Croise

اِنجیلِ یوحنا 14:15

«اگِه مِ ره دوس دارنِنی، مِ اَحکامِ به جا بیارین.

اِنجیلِ یوحنا 14:21

اونی که مِ اَحکامِ دارنه و اونا ره به جا یارنه، وه هَمون تائه که مِ ره دوس دارنه؛ و اونی که مِ ره دوس دارنه، مِ پییِر وه ره دوس دارنه و مِنِم وه ره دوس دارمه و شه ره وه ره سِراغ دِمبه.»

اِنجیلِ یوحنا 14:23

عیسی بااوته: «اگه کِسی مِ ره دوس داره، مِ کِلامِ به جا یارنه و مِ پییِر وه ره دوس دارنه، و اِما وه پَلی اِمبی و وه هِمراه زندگی کامبی.

اِنجیلِ یوحنا 15:10

اگه مِ اَحکامِ به جا بیارین، مِ مِحبّتِ دِله موندِنِنی؛ هَمون طی که مِن شه پییِرِ اَحکامِ به جا یارمه و وه مِحَبَّتِ دِله موندِمبه.

اِنجیلِ یوحنا 15:14

اگه اونچی شِما ره حِکم کامبه ره اِنجام هادین، مِ رَفِقونِنی.

اوّل یوحنا 2:24

بییِلین اونچی که از اَوِّل بِشنُسینی شِمه دِله بَمونه؛ اگه اونچی از اَوِّل بِشنُسینی شِمه دِله بَمونه، شِما هم، پییِر و ریکائه دِله موندِنِنی.

اوّل یوحنا 2:5

ولی هر کی که وه کِلامِ به جا یارنه، حَییقَتاً خِدائه مِحَبَّت، وه دِله کامل بَییه. این طی اِما دومبی که وه دِله دَرِمبی:

اوّل یوحنا 2:7

ای عزیزون، مِن یِتا تازه حِکم، شِمه وِسه نَنِویسِمبه، بلکه یِتا قدیمی حِکم که از اَوِّل داشتینی. این قدیمی حِکم، هَمون پِیغومِ که بِشنُسینی.

اوّل یوحنا 5:15

و اگه دومبی که هر اونچی وه جِم بِخوائیم اِما ره اِشنُنه، پَس مِطمَئِنیمی اونچی که وه جِم بَخواسیمی ره بَییتیمی.

اوّل یوحنا 5:3

چوون خِدائه دوس داشتن اینِ که وه اَحکامِ عَمِل هاکانیم و وه اَحکام سنگین نییه.

دوم یوحنا 1:5

اِسا، عزیزِ خانِم، تِ جِم یِتا دَرخواست دارمه. نا اون که یِتا تازهِ حِکم تِ وِسه بَنویسِم، بلکه هَمون حِکم که از اَوِّل داشتیمی، که هَمدییه ره مِحَبَّت هاکانیم.