دوم یوحنا 1:5 - کتاب مقدس به زبان مازندرانی - گویش شرقی

⁵ اِسا، عزیزِ خانِم، تِ جِم یِتا دَرخواست دارمه. نا اون که یِتا تازهِ حِکم تِ وِسه بَنویسِم، بلکه هَمون حِکم که از اَوِّل داشتیمی، که هَمدییه ره مِحَبَّت هاکانیم.

گیله ماز

⁵ اَسِه، عزیزِ بانو، تی جی ایتا خواهِش دارَم. نه اونکه ایتا تازِه حُکم تِرِهِ بَنویسَم، بلکه همون حُکم که اَز اوَّل داشتم، که هَمدِیگَرِ مُحَبَت هَکُنیم.

کتاب مقدس به زبان مازندرانی - گویش غربی

⁵ اِسا، عزیزِ خانِم، تیجا یَتِه دَرخواس دارمِه. نا اونگه یَتِه تازِه حِکم تِنِه بَنویسَم، بَلگی هَمون حِکم گه از اوَّل داشتِمی، گه هَمدِیَرِ مِحَبَت هاکِنیم.

دوم یوحنا 1:5 Iomraidhean Croise

اِنجیلِ یوحنا 15:12

«مِ حِکم اینِ که هَمدییه ره مِحَبَّت هاکانین، هَمون طی که مِن شِما ره مِحَبَّت هاکاردِمه.

اِنجیلِ یوحنا 15:17

مِن این چیا ره شِما ره حِکم کامبه که هَمدییه ره مِحَبَّت هاکانین.

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

اِفِسُسیان 5:2

و مِحَبَّتِ هِمراه رِفتار هاکانین، هَمون طی که مَسیح هم اِما ره مِحَبِّت هاکارده و شه جانِ اَمه وِسه، قِروونی و خِش عطرِ هدیهِ واری خِدا ره پیشکش هاکارده.

اوّل تِسالونیکیان 4:9

اِسا بِرارونه مِحبَّتِ خَوِری شِما نیاز نِدارنِنی که یه نَفِر یه چی شِمه وِسه بَنویسه، چوون شِما شه خِدائه جِم یاد بَییتِنی که هَمدییه ره دوس دارین،

نامِه مَسیحینی عبرانی نِژادی سِه 13:1

بِرارونه مِحَبَّت شِمه میون برقِرار بوئه.

اول پِطرُس 4:8

همه جِم مهمتر، هَمدییه ره جان و دِلِ هِمراه دوس دارین، چوون دوس داشتِن یَته خَله گِناهونِ پوشِندِنه.

پطرسی دِوّمین نامِه 1:7

و دینداری هِمراه، بِرارونه دوس داشتِن و بِرارونه دوس داشتِنِ هِمراه، مِحَبَّت.

اوّل یوحنا 3:11

این هَمون پِیغومیِ که از اَوِّل بِشنُسینی، که وِنه هَمدییه ره دوس داریم.

اوّل یوحنا 3:23

و وه حِکم اینِ که وه ریکا عیسی مَسیحِ اسمِ ایمون بیاریم و هَمدییه ره مِحَبَّت هاکانیم، هَمون طی که اِما ره دَستور هِدا.

اوّل یوحنا 4:20

اگه کِسی گانه که خِدا ره دوس دارمه و شه بِرارِ جِم بیزارِ، اون آدِم دِراغ زَنه. چوون اون کِسی که شه بِرار که وینده ره دوس نِدارنه، نَتونده خِدایی که نَدیئه ره دوس داره.

دوم یوحنا 1:1

شیخِ جِم، مِحتَرَمِ خانِم و وه وَچونِ که ’حَییقَتِ‘ دِله وِشونِ دوس دارمه - و نا فِقَط مِن، بلکه تِمومِ اونایی که حَییقَتِ بِشناسینه -