دوم یوحنا 1:12 - کتاب مقدس به زبان مازندرانی - گویش شرقی

¹² هر چَن خَله چیا دارمه که شِمه وِسه بَنِویسِم، ولی نِخوامبه مِرَکَّب و کاغذِ هِمراه بوئه. بلکه امید دارمه شِمه پَلی بِیِّم و رو در رو گَب بَزِنیم تا اَمه خِشالی کامل بَووه.

گیله ماز

¹² هَر چَن خِیلی چیزا دارَم که شِمِره بَنویسَم، وَلی نَخَنَم مُرَکَب و کاغذِ هَمرَه هَبو. بلکه اُمید دارَم شِیمی وَرجه بییَم و رُو دَر رُو گَب بَزِنیم تا اَمیی خُشحالی کامِل هَبو.

کتاب مقدس به زبان مازندرانی - گویش غربی

¹² هر چَن خِیلی چیا دارمِه گه شِمِسِه بَنویسَم، ولی نَخوایمِه مِرَّکَب و کاغذی هَمرا ووئِه. بَلگی اِمید دارمِه شِمِه وَر بیئِم و رُو دَر رُو گَب بَزِنیم تا اَمِه خِشالی کامِل بَوو.

دوم یوحنا 1:12 Iomraidhean Croise

اِنجیلِ یوحنا 15:11

این چیا ره شِما ره بااوتِمه تا مِ خِشالی، شِمه دِله دَووه و شِمه خِشالی کامل بَووه.

اِنجیلِ یوحنا 16:12

«هَمتی خَله چیا دارمه که شِما ره بارِم، ولی اَلان وه بِشنُسِنِ طاقتِ نِدارنِنی.

اِنجیلِ یوحنا 16:24

تا اَلان مِ اسمِ هِمراه هیچی نِخواسینی؛ بِخوائین تا پی دا هاکانین که شِمه خِشالی کامل بَووه.

اِنجیلِ یوحنا 17:13

ولی اِسا تِ پَلی اِمبه و این گبا ره مووقه ای زَمبه که هَمتی این دِنیائه دِله دَرِمبه، تا مِ خِشالی ره شه دلِ دِله کامل دارِن.

اِنجیلِ یوحنا 3:29

آروس، دومادِ وِسه هَسه، دومادِ رَفِق که اِیست هاکارده و وه ره گوش دِنه، دومادِ صِدائه جِم خَله خِشالی کانده. مِ خِشالی هم همین طی کامل بَییه .

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

دوم تیموتائوس 1:4

وَختی تِ اَسری ها ره شه یاد یارمه، آرزو کامبه تِ ره بَوینِم تا خِشالیِ جِم پِر بَووِم.

فیلیمون 1:22

ضمناً، یِتا اِتاق هم مِ وِسه حاضر هاکان، چوون امید دارمه که خِدا شِمه دِعاها ره مستجاب کانده، مِ ره شِمه پَلی بَردِگاردِنه.

نامِه مَسیحینی عبرانی نِژادی سِه 13:19

شِمه جِم خوامبه ویشتر و ویشتر دِعا هاکانین تا هر چی زودتر شِمه پَلی بَردَگِردِم.

نامِه مَسیحینی عبرانی نِژادی سِه 13:23

وِنه بَدونین که اَمه بِرار تیموتائوس آزاد بَییه. اگه وه زود بِیّه، وه هِمراه شِمه بَدیئِنِ وِسه اِمبه.

اوّل یوحنا 1:4

اِما اینِ شِمه وِسه نِویسِمبی تا اَمه خِشالی کامل بَووه.

سوّم یوحنا 1:10

پَس اگه مِن بِیِّم، کارایی که وه کانده ره رسیدگی کامبه، چوون غَرِضِ هِمراه اَمه علیه گانه و اینِ هم قانع نَییه، بِرارونِ هم قبول نَکانده؛ و وه، بِرارونی هَم که خوانِنه وِشونِ قبول هاکانِنه ئه دَمِ گِرنه و کلیسائه جِم بیرون کانده.