دوم یوحنا 1:10 - کتاب مقدس به زبان مازندرانی - گویش شرقی

¹⁰ اگه کِسی شِمه پَلی بِیّه و این تعلیمِ نیاره، وه ره شه سِره راه نَدین و وه ره خِش بییَموئی، نارین؛

گیله ماز

¹⁰ اَگه کَسی شِیمی وَرجه بیه و این تَعلیمِ نیارِه، اونه شیمی سِرِه را نَدین و اونه خُش آمد نَگین؛

کتاب مقدس به زبان مازندرانی - گویش غربی

¹⁰ اگه کَسی شِمِه وَر بیِه و هَین تَعلیمِ نیارِه، وِرِه شی خِنِه راه نَدین و وِرِه خِش بیموئی نُئین؛

دوم یوحنا 1:10 Iomraidhean Croise

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اوّلین نامِه قُرنتیانی سِه 16:22

لعنت به کِسی که خِداوندِ دوس نِدارنه. اَمه خِداوند، بِرو!

اوّلین نامِه قُرنتیانی سِه 5:11

ولی اَلان شِمه وِسه نِویسِمبه که کِسیِ هِمراه که شه ره بِرار گانه، ولی بی عِفتِ یا حَریصِ، بِت‌پَرسِ یا فحش دِنه، عَرِق خوار یا حیله گر هَسه، رفتِ آمِد نَکِنین و این طی آدِمِ هِمراه حَتّی همسِفره نَووین.

دوّم تِسالونیکیان 3:14

اگه یه نَفِر اونچی که این نامهِ دِله که اِما گامبی ره اِطاعت نَکِنه، وه ره نِشون هاکانین و وه هِمراه رفتِ آمد نَکِنین تا خجالت بَکِشه.

دوّم تِسالونیکیان 3:6

ای بِرارون، اَمه خِداوندْ عیسی مَسیحِ اِسمِ هِمراه شِما ره حِکم کامبی که هر بِراری جِم که تنبلی کانده و طِبق اون چی که اَمه جِم بَییتِنی رِفتار نَکانده، دوری هاکانین.

تیتوس 3:10

اون کسِ خَوِری که سیوایی دِم دِنه اَت کَش، و بعد دِ کَش وه ره هِشدار هاده، و بعد از اون وه هِمراه رفتِ آمد نَکِن.

دوم یوحنا 1:11

چوون اونی که وه ره خِش بییَموئی باره، وه شَریرِ اَعمالِ دِله شَریک بونه.

سوّم یوحنا 1:10

پَس اگه مِن بِیِّم، کارایی که وه کانده ره رسیدگی کامبه، چوون غَرِضِ هِمراه اَمه علیه گانه و اینِ هم قانع نَییه، بِرارونِ هم قبول نَکانده؛ و وه، بِرارونی هَم که خوانِنه وِشونِ قبول هاکانِنه ئه دَمِ گِرنه و کلیسائه جِم بیرون کانده.