دوّمین نامه قرنتیانِ وَسین 8:19 - کتاب مقدس به زبان مازندرانی - گویش شرقی

¹⁹ و نا فِقَط این، بلکه اون بِرار کِلیساهائه طَرِفِ جِم تعیین بَییه تا این کارِ خیر که اونِ اِنجام هِدائِن و اداره هاکاردِن اَمه وظیفه ئه، اَمه هِمراه همسَفِر بَووه. اون کاری که خِداوندِ جِلالِ وِسه هَسه و اَمه خیرخواهی ره هم سِراغ دِنه.

گیله ماز

¹⁹ و نه فقط این، بلکه اون اَداش کلیساهایِ طرفِ جی تعیین هَبا تا هَین کارِ خیری که اونه انجام هَدَئن و ادارِه هَکُردَن اَمی وظیفِئه، اَمی همره همسفر هَبو. اون کاری که خداوندِ جلالِ وَسینِ و اَمی خیرخواهی رِه هَم نِشان دَنِه.

کتاب مقدس به زبان مازندرانی - گویش غربی

¹⁹ و نا فقط هَین، بَلگی هون بِرار کلیساهایی طرفی جا تعیین بَوِه تا هَین کارِ خیری گه وی اَنجام هادائن و ادارِه هاکِردَن اَمِه وظیفِئه، اَمِه هَمرا همسفر بَوون. هون کاری گه خِداوندی جلالی سِئه و اَمِه خیرخواهی رِه هَم دِنِه.

دوّمین نامه قرنتیانِ وَسین 8:19 Iomraidhean Croise

اعمال رَسولان 14:23

وِشون هر کلیسائه دِله مَشایخی ره ایموندارونِ وِسه بییشتِنه و دِعا و روزهِ هِمراه وِشونِ خِداوندی که وه ره ایمون بیارده بینهِ دَس بِسپارِسِنه.

اعمال رَسولان 15:22

پَس رَسولون و مشایخ، تِمومِ کلیسائه هِمراه تَصمیم بَییتِنه شه دِله مَردایی ره انتخاب هاکانِن و وِشونِ پولُس و بَرنابائه هِمراه اَنطاکیهِ شَهر بَفرِسِن. پَس یهودائه مَعروف به بَرسابا و سیلاسِ که بِرارونِ دِله رَهبِر بینه ره، انتخاب هاکاردِنه.

اعمال رَسولان 15:25

پَس اِما یَک دِل این طی صِلاح بَدیمی که مردایی ره اِنتخاب هاکانیم و وِشونِ شه عزیزون، بَرنابا و پولُسِ هِمراه، شِمه پَلی بَفرِسیم،

اعمال رَسولان 19:22

بعد شه همکارونِ جِم دِ نَفِر، تیموتائوس و اِراستوسِ، مقدونیه بَفرِسیه و شه چَن وَخت آسیائه مَنطقهِ دِله بَمونِسه.

اعمال رَسولان 19:29

تِمومِ شَهرِ دِله بَلوا بَییه! تِمومِ مَردِم هَمدَس بَینه و مسابقاتِ میدونِ سَمت هجوم بَوِردِنه. وِشون گایوس و آریستارخُسِ که اَهلِ مَقدونیه و پولُسِ هِمراهون بینه ره کَشینه و شه هِمراه وَردِنه.

رومی ایشون 5:11

نا فِقَط این، بلکه اِما که اَمه خِداوند عیسیِ مَسیحِ طَریقِ جِم، خِدائه آشتی اَمه نَصیب بَییه، خِدائه دِله هم خِشالی کامبی.

رومی ایشون 5:3

نا فِقَط این، بلکه سختیهائه دِله هم خِشالی کامبی، چوون دومبی که سختیها صبر ‌به بار یارنه

دوّمین نامه قرنتیانِ وَسین 4:15

اینا همه شِمه خاطِریِ، تا هر اِندا که خِدائه فِیض مَردِمِ وِسه ویشتر و ویشتر بونه، شِکر هاکاردِن هم خِدائه جِلالِ وِسه ویشتر بَووه.

دوّمین نامه قرنتیانِ وَسین 8:11

پَس اِسا این کارِ تِموم هاکانین، تا ذوق و شوقی که این کارِ وِسه داشتِنی، وه تِموم هاکاردِن، شِمه تِوانِ مالی‌ِ هِمراه جور بَووه.

دوّمین نامه قرنتیانِ وَسین 8:12

چوون اگه ذوق و شوق دَووه، اون آدِمِ هَدیه طبقِ اونچی که دارنه قبول بونه، نا طبقِ اونچی که نِدارنه.

دوّمین نامه قرنتیانِ وَسین 8:20

اِما خَله مِواظِبیمی که این خدمِتِ دِله که هَدیه هائه جَمع هاکاردِنِ، که دِلِ جِم هَسه و اَمه طَریقِ اِداره بونه، هیچکس اَمه جِم ایراد نَیره

دوّمین نامه قرنتیانِ وَسین 9:2

چوون دومبه چه ذوق و شوقی این کارِ وِسه دارنِنی و اینِ وِسه هم مقدونیهِ ایموندارونِ پَلی شِما ره اِفتخار هاکاردِمه. وِشونِ بااوتِمه که شِما پارسال تا اَلان، اَخائیهِ مَنطقهِ دِله هَدیه هِدائِنِ وِسه حاضر بینی. شِمه این غیرت، خَله از وِشونِ هم، این کارِ وِسه تحریک هاکارده.

دوّمین نامه قرنتیانِ وَسین 9:8

و خِدا تونده هر نعمتی ره شِمه وِسه خَله ویشتر هاکانه تا همه چیِ دِله، هَمِش شه احتیاجِ اِندا دارین و هر خوارِ کارِ دِله، فِراوونیِ هِمراه دارین.