دوّمین نامه قرنتیانِ وَسین 8:10 - کتاب مقدس به زبان مازندرانی - گویش شرقی

¹⁰ مِن شه نَظِرِ این جَریانِ خَوِری گامبه: این شِمه ‌نَفعِ، پارسال شِما نا فِقط این کارِ خیرِ اِنجامِ دِله، بلکه وه اِنجامِ ذوق و شوقِ دِله هم پیشقَدِم بینی.

گیله ماز

¹⁰ پَس می نَظَرِه این جریانِ باره گونَم، این شِیمی نفعِ: پارسال، شما نه فقط این کارِ خیرِ انجامِ دِلِه، بلکِه اونه انجامِ ذوق و شوقِ دِلِه هم پیش قدم بِین.

کتاب مقدس به زبان مازندرانی - گویش غربی

¹⁰ مِن شی نَظَرِ هَین جریانی خَوَری گِمِه: هَین شِمِه نفعِ: پارسال، شِما نا فقط هَین کارِ خیری انجامی دِلِه، بلگی وی انجامی ذوق و شوقی دِلِه هَم پِش قدم وِنی.

دوّمین نامه قرنتیانِ وَسین 8:10 Iomraidhean Croise

اِنجیلِ مَتّی 10:42

و هر کی یِتا اَزین کِچیکونِ اینِ خاطری که مِ شاگردِ، حَتَّی یِتا پیالِه بِچا اوه هاده، به هیچ وَجه شه اَجرِ از دَس نَدِنه.»

اِنجیلِ یوحنا 11:50

و فِکر نَکاندینی که شِمه صِلاح اینِ که یه نَفِر مَردِم وِسه بَمیره، تا این که تِمومِ قوم نابود بَووِن.»

اِنجیلِ یوحنا 16:7

با این وجود حَییقَتِ شِما ره گامبه، شِمه نَفعِ که مِن بُورِم. چوون اگه نَشوئِم، اون پِشتیبون شِمه پَلی نِننه؛ ولی اگه بُورِم وه ره شِمه پَلی رِسِندِمبه.

اِنجیلِ یوحنا 18:14

قیافا هَمونی بییه که یَهودیونِ بااوته: بِهتَرِ یه نَفِر قومِ وِسه بَمیره.

اوّلین نامِه قُرنتیانی سِه 10:23

«همه چی جایزِ» - ولی همه چی فایده نِدارنه. «همه چی جایزِ» - ولی همه چی بَنا نَکانده.

اوّلین نامِه قُرنتیانی سِه 16:2

هر هفتهِ اَوِّلین روز، هر کِدوم از شِما، شه درآمدِ اِندا، یه چی کِنار بییِلّه، جَمع هاکانه، تا اون مووقه که شِمه پَلی اِمبه، لازم نَبوئه هدایا جَمع هاکانین.

اوّلین نامِه قُرنتیانی سِه 6:12

«مِ وِسه همه چی جایزِ،» ولی همه چی فایده نِدارنه. «مِ وِسه همه چی جایزِ» ولی نییِلمه هیچی مِ سَر حَریف بَووه.

اوّلین نامِه قُرنتیانی سِه 7:25

و ولی اَذِب هائه خَوِری، خِداوندِ جِم حِکمی نِدارمه؛ ولی به عنوان کِسی که خِداوندِ رَحمِتِ طریق قابل اعتمادِ، شه گَبِ زَمبه.

اوّلین نامِه قُرنتیانی سِه 7:40

با این وجود، مِن فکر کامبه، اگه شی نَکِنه، خِشبختَرِ؛ و گمون کامبه که مِنِم خِدائه روحِ دارمه!

دوّمین نامه قرنتیانِ وَسین 12:1

مِن وِنه همین طی اِفتخار هاکانِم؛ هرچن اونِ جِم منفعتی نَوِرمه، اَلان شه افتخارِ رؤیاها و خِداوندِ مکاشفاتِ بااوتِنِ هِمراه ادامه دِمبه.

دوّمین نامه قرنتیانِ وَسین 8:6

اینِ وِسه، تیتوسِ جِم بَخواسیمی هَمون‌ طی که قبلتر، شه، اَوِّلین قدمها ره بَییته بییه، اَلان هم شِمه میون اون کارِ خِیرِ کاملاً تِموم هاکانه.

دوّمین نامه قرنتیانِ وَسین 8:8

مِن اینِ شِما ره حِکم نَکامبه، بلکه خوامبه بَقیهِ غیرتِ طَریقِ جِم ثابت هاکانِم که شِمه مِحَبَّت خالصِ.

دوّمین نامه قرنتیانِ وَسین 9:2

چوون دومبه چه ذوق و شوقی این کارِ وِسه دارنِنی و اینِ وِسه هم مقدونیهِ ایموندارونِ پَلی شِما ره اِفتخار هاکاردِمه. وِشونِ بااوتِمه که شِما پارسال تا اَلان، اَخائیهِ مَنطقهِ دِله هَدیه هِدائِنِ وِسه حاضر بینی. شِمه این غیرت، خَله از وِشونِ هم، این کارِ وِسه تحریک هاکارده.

فیلیپیان 4:17

نا اینکه هدیهِ دِمبال دَووِم، بلکه یِتا ثَمِرِ دِمبال دَرِمبه که شِمه اعتبارِ خِدائه پَلی زیاد کانده.

نامِه مَسیحینی عبرانی نِژادی سِه 13:16

خواری هاکاردِنِ جِم و بَقیه ره شَریک هاکاردِن، اونچیِ دِله که دارنِنیِ جِم کِتاهی نَکِنین، چوون خِدا این طی قِروونی هائه جِم راضیِ.