دوّمین نامه قرنتیانِ وَسین 7:3 - کتاب مقدس به زبان مازندرانی - گویش شرقی

³ مِن اینِ نارمه تا شِما ره مَحکوم هاکانِم. چوون که شِما ره قبلتر بااوتِمه که اَمه دلِ دِله جا دارنِنی تا هَمدییهِ هِمراه بَمیریم و هَمدییهِ هِمراه زندگی هاکانیم.

گیله ماز

³ مَن این نَگونَم تا شِمِره محکوم هَکُنَم. چونکه شِمِرِه پیشتَر باگوتَم که جوری اَمی دِل میَن جا دارین که حاضریم شیمی هَمرَه بَمیریم و شیمی هَمره زندگی هَکنیم.

کتاب مقدس به زبان مازندرانی - گویش غربی

³ مِن هَینِ نُمِه تا شِمارِ محکوم هاکِنِم. چونگه شِمارِ پِشتَر بُتِمِه گه اَمِه دِلی دِلِه جا دارِنی تا همدیری هَمرا بَمیریم و همدیری هَمرا زندگی هاکِنیم.

دوّمین نامه قرنتیانِ وَسین 7:3 Iomraidhean Croise

دوّمین نامه قرنتیانِ وَسین 11:11

و چه وِسه؟ یعنی این که شِما ره دوس نِدارمه؟ خِدا دونده که شِما ره دوس دارمه!

دوّمین نامه قرنتیانِ وَسین 12:15

مِن خِشالیِ هِمراه شِمه جانهائه وِسه خرج کامبه و حَتَّی شه جانِ هم اییِلمه. اگه مِن شِما ره ویشتر دوس دارمه، مگه وِنه شِما مِ ره کمتِر دوس دارین؟

دوّمین نامه قرنتیانِ وَسین 13:10

همینِ وِسه، مِن این چیا ره وَختی شِمه پَلی دَنیمه شِمه وِسه نِویسِمبه تا وَختی شِمه پَلی بییَمومه، مجبور نَبوئِم شه اِقتدارِ جِم تِندیِ هِمراه رِفتار هاکانِم، اون اِقتداری که خِداوند نا خِراب هاکاردِنِ وِسه، بلکه بنا هاکاردِنِ وِسه مِ ره هِدا.

دوّمین نامه قرنتیانِ وَسین 3:2

شِما شه اَمه سفارش‌نامه هَسینی، یِتا نامه که اَمه دِل سَر بَنوِشِته بَییه که همه توندِنه اونِ بَخونِن و بِشناسِن.

دوّمین نامه قرنتیانِ وَسین 7:12

پَس هر چَن که این نامه ره شِمه وِسه نَنوِشتِمه، ولی نا اون آدِمِ خاطِری که بَدی هاکارده و یا نا اون آدِمی وِسه که وه ره بدی بَییه، بلکه اینِ وِسه بییه که خِدائه حِضور شِمه اون غیرت که اَمه وِسه دارنِنی، دیار بَووه.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

اوّل تِسالونیکیان 2:8

اِما اَنده شِما ره دوس داشتیمی که ذوقِ هِمراه حاضر بیمی نا فِقَط خِدائه اِنجیلِ شِما ره بَرِسونیم، بلکه شه جانِ هم شِمه راهِ وِسه بییِلیم، چوون شِما خَله اَمه وِسه عزیز بینی.