دوّمین نامه قرنتیانِ وَسین 7:12 - کتاب مقدس به زبان مازندرانی - گویش شرقی

¹² پَس هر چَن که این نامه ره شِمه وِسه نَنوِشتِمه، ولی نا اون آدِمِ خاطِری که بَدی هاکارده و یا نا اون آدِمی وِسه که وه ره بدی بَییه، بلکه اینِ وِسه بییه که خِدائه حِضور شِمه اون غیرت که اَمه وِسه دارنِنی، دیار بَووه.

گیله ماز

¹² پَس هر چَن که این نامِه رِه شیمی وَسین بَنویشتِم ولی نه اون آدمِ خاطِری که بَدی هَکُردِه و یا نه اون آدمِ وَسین که اونه بَدی هَبا، بَلکه اینه وَسین با که خُدایِ وَر شیمی اون غیرت که اَمی وَسین دارین آشکار هَبو.

کتاب مقدس به زبان مازندرانی - گویش غربی

¹² پَس هر چَن گه هَین نامِه رِه شِمِسِه بَنوِشتِمِه ولی نا هون آدمی خاطری گه بَدی هاکِردِه و یا نا هون آدمی سِه گه وِرِه بَدی بَوِه، بَلگی هَینِسه وِه گه خِدایی حِضور شِمِه هون غیرت گه اَمِسِه دارِنی آشکار بَوو.

دوّمین نامه قرنتیانِ وَسین 7:12 Iomraidhean Croise

دوّمین نامه قرنتیانِ وَسین 11:11

و چه وِسه؟ یعنی این که شِما ره دوس نِدارمه؟ خِدا دونده که شِما ره دوس دارمه!

دوّمین نامه قرنتیانِ وَسین 11:28

علاوه بر اینا، تِمومِ کلیساهائه نِگرونیِ بارِ، که مِ دوشِ سَر سنگینی کانده.

دوّمین نامه قرنتیانِ وَسین 2:17

چوون که اِما اون آدِمونِ واری نیمی که منفِعتِ وِسه خِدائه کِلامِ روشِنِنه، بلکه اِما خِدائه چِشِ پَلی مَسیحِ دِله گَب زَمبی، اون آدِمونی واری که خالصِ نیّت دارنِنه و خِدائه طرِفِ جِم هَسِنه.

دوّمین نامه قرنتیانِ وَسین 2:9

چوون اینِ وِسه اینِ شِمه وِسه بَنوِشتِمه که شما ره آزمود هاکانِم و بَوینِم، هر چیِ دِله اِطاعت کاندینی یا نا؟

دوّمین نامه قرنتیانِ وَسین 7:8

چوون حَتَّی اگه مِن شه نامهِ هِمراه، شِما ره غُصّه دار هاکاردِمه، شه هاکارده جِم پشیمون نیمه - با این که اَت کم پشیمون بَیمه - این وِسه که ویمبه مِ اون نامه شِما ره غُصّه دار هاکارده هر چَن فِقَط اَت کم.

اول تیموتائوس 3:5

چوون اگه کِسی نَدونه که چی طی وِنه شه خانِواده ره بَچِرخونه، چی طی تونده خِدائه کلیسائه مِراقب بوئه؟