دوّمین نامه قرنتیانِ وَسین 5:6 - کتاب مقدس به زبان مازندرانی - گویش شرقی

⁶ پَس هَمِش اَمه دِل گرمِ، اِما دومبی تا وَختی که این تَنِ دِله سِره دارمی، خِداوندِ جِم دوریمی،

گیله ماز

⁶ پَس اَما هَمِش دِل گَرمیم، اَما دانیم تا وقتیکه این تَنِ دِلِه سِرِه داریم خداوندِ جی دور هیسیم،

کتاب مقدس به زبان مازندرانی - گویش غربی

⁶ پَس هَمِش اَمِه دِل گَرمِ. اَما دِمّی تا وختی گه هَین تَنی دِلِه خِنِه دارمی، خِداوندی جا دورمی،

دوّمین نامه قرنتیانِ وَسین 5:6 Iomraidhean Croise

دوّمین نامه قرنتیانِ وَسین 5:1

اِسا دومبی هر وَخت این خیمه یعنی اَمه زِمینی سِره که اونِ دِله زندگی کامبی له بوره، خِدائه جِم یِتا عمارت دارمی، یِتا سِره که دَسِ هِمراه بِساته نَییه و آسمونِ دِله اَبدیِ.

دوّمین نامه قرنتیانِ وَسین 5:8

اَره، اَمه دِل حسابی گرمِ و اینِ بهتر دومبی که این تَنِ جِم دور بوئیم و خِداوندِ هِمراه سِرهِ دِله زندگی هاکانیم.

نامِه مَسیحینی عبرانی نِژادی سِه 10:35

پَس شه اطمینانِ جِم دَس نَکِشین، چوون یِتا گَتِ پاداش شه دِمبال دارنه.

نامِه مَسیحینی عبرانی نِژادی سِه 11:13

وِشون همه ایمونِ دِله بَمِردِنه، بدون اینکه وعده‌ها ره بَیرِن، ولی اونا ره از دور بَدینه و سِلام بااوتِنه. و قبول هاکاردِنه که زِمینِ سَر غَریبِنه.

نامِه مَسیحینی عبرانی نِژادی سِه 13:14

چوون اِما اینجه یِتا شَهر نِدارمی که به جا بَمونه بلکه شوقِ هِمراه اون شَهرِ اِنتِظارِ کَشِمبی که اِنه.

اول پِطرُس 5:1

مِن که شه، یِتا از مشایخِمه و مَسیحِ رَنج هائه شاهد بیمه و اون جِلالی دِله که ظاهر بونه شریکِمه، مشایخی که شِمه میون دَرِنه ره سفارش کامبه:

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.