دوّمین نامه قرنتیانِ وَسین 5:13 - کتاب مقدس به زبان مازندرانی - گویش شرقی

¹³ چوون اگه شه عَقلِ از دَس هِدامی، خِدائه خاطِریِ؛ و اگه عاقلِمی، شِمه خاطِریِ.

گیله ماز

¹³ اَگِه اَمی عقلِ از دَس هَدَیم، خُدایِ خاطریِه، و اگه عاقِلیم، شِیمی خاطریِه.

کتاب مقدس به زبان مازندرانی - گویش غربی

¹³ چون اگه شی عقلِ از دَس هادامی، خِدایی خاطریِه، و اگه عاقِلمی، شِمِه خاطریِه.

دوّمین نامه قرنتیانِ وَسین 5:13 Iomraidhean Croise

مَرقُس 3:21

وَختی عیسیِ فامیلون اینِ بِشنُسِنه، بوردِنه تا وه ره شه هِمراه بَوِرِن، چوون گاتِنه: «خِل بَییه.»

رومی ایشون 12:3

چوون اون فیضِ طَریقِ جِم که مِ ره هِدا بَییه، شِما هر کِدومِ گامبه که شه ره اونچی که هسینیِ جِم ویشتر، نَدونین، بلکه هر کِدوم اون ایمونِ اِندا که خِدا شِما ره هِدا، دِرِس قِضاوِت هاکانین.

دوّمین نامه قرنتیانِ وَسین 11:1

کاش شِما یه ذِره نادونی ره مِ دِله تِحَمّل کاردینی، مِ ره تِحَمّل هاکانین!

دوّمین نامه قرنتیانِ وَسین 12:11

مِن یِتا نادون بیمه! شِما مِ ره مجبور هاکاردینی، چوون که وِنه مِ جِم تَعریف کاردینی. چوون هرچَن که هیچی نیمه ولی اون «گَتِ رَسولونِ» جِم هیچی کم نِدارمه.

دوّمین نامه قرنتیانِ وَسین 12:6

هر چَن اگه بِخوائِم اِفتخار هاکانِم، نادون نیمه، چوون حَییقَتِ گامبه. ولی این کارِ جِم دوری کامبه تا نَکِنه یه نَفِر خیال هاکانه که مِن، اون چی که مِ دِله وینده و مِ جِم اِشنُنه، گَت تِرِمه.

دوّمین نامه قرنتیانِ وَسین 7:12

پَس هر چَن که این نامه ره شِمه وِسه نَنوِشتِمه، ولی نا اون آدِمِ خاطِری که بَدی هاکارده و یا نا اون آدِمی وِسه که وه ره بدی بَییه، بلکه اینِ وِسه بییه که خِدائه حِضور شِمه اون غیرت که اَمه وِسه دارنِنی، دیار بَووه.

کولُسیان 1:24

اِسا اون زجرهایی که شِمه خاطِری کَشِمبهِ وِسه خِشالِمه، و وه تَنِ خاطِری که کلیسائه، اونچی که مَسیحِ عِذاب هائه دِله کم هَسه ره شه جِسمِ دِله تلافی کامبه.

اوّل تِسالونیکیان 1:5

چوون اَمه اِنجیل فِقَط گَبِ هِمراه شِما ره نَرِسیه، بلکه قِوَّت دِله و روح‌القدسِ دِله و اطمینانِ کاملِ هِمراه شِما ره بَرِسیه، هَمون طی که دوندِنی شِمه خاطِری چی طی شِمه میون رِفتار هاکاردیمی.

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.