دوّمین نامه قرنتیانِ وَسین 5:12 - کتاب مقدس به زبان مازندرانی - گویش شرقی

¹² اِما نِخوامبی اَت کَش دییه شه خَوِری تَعریف هاکانیم، بلکه خوامبی یِتا دلیل بیاریم که اِما ره اِفتخار هاکانین، تا بَتونین کساییِ جِوابِ که ظاهرِ اِفتخار کاندِنه ره هادین، نا اونچی که دِلِ دِله دَره ره.

گیله ماز

¹² آما نَخَنیم باز اَمی جی تعریف هَکُنیم، بلکِه خَنیم ایتا دلیل شِمِرِه بیاریم که اَمَرِه فَخر هَکُنید، تا بِتَّنید اوشانه جَواب که ظاهرِ فخر کانَن رِه هَدین، نه اونچه که دِلِ میَن دَرِه رِه.

کتاب مقدس به زبان مازندرانی - گویش غربی

¹² اَما نَخوایمی یَکَش دییَر شی خَوَری تَعریف هاکِنیم، بَلگی خوایمی یَتِه دلیل بیاریم گه اَمارِه اِفتخار هاکِنین تا بَتِنّین اونانی جِواب گه ظاهرِ افتخار کِنِنِه رِه هادین، نا اونچی گه دِلی دِلِه دَرِه رِه.

دوّمین نامه قرنتیانِ وَسین 5:12 Iomraidhean Croise

دوّمین نامه قرنتیانِ وَسین 1:14

هَمون‌ طی که شِما اِما ره تا حدّی بِشناسینی، تا اَمه خِداوند عیسیِ روزِ دِله شِما اِما ره اِفتخار هاکانین، هَمون طی که اِما شِما ره اِفتخار کامبی.

دوّمین نامه قرنتیانِ وَسین 10:12

نا اینکه اِما جِرأت هاکانیم شه ره اون کِسایی جِم بَدونیم که شه جِم تَعریف کاندِنه و شه ره هَمدییهِ هِمراه مقایسه کاندِنه. ولی اون مووقه اونایی که شه ره هَمدییهِ هِمراه سَبِک سنگین کاندِنه و شه ره هَمدییه هِمراه مقایسه کاندِنه نِفَهمِنه.

دوّمین نامه قرنتیانِ وَسین 10:18

چوون اونی که شه جِم تَعریف هاکانه، قبول نَبونه بلکه اون آدِمی قبول بونه که خِدا وه جِم تَعریف هاکانه.

دوّمین نامه قرنتیانِ وَسین 10:7

هارِشین، بَوینین شِمه چِشِ روب رو چی دَره. اگه یه نَفِر مطمئنه که مَسیحِ وِسه هَسه، اون آدِم وِنه بَدونه هَمون طی که وه مَسیحِ وِسه ئه اِما هم مَسیحِ وِسه هَسیمی.

دوّمین نامه قرنتیانِ وَسین 10:8

چوون حَتَّی اگه یه ذِرّه ویشتر شه اِقتدارِ اِفتخار هاکانِم شرمنده نَبومبه. اون اِقتِدار که خِداوند شِمه بِنا هاکاردِنِ وِسه مِ ره هِدا، نا شِمه نابودیِ وِسه.

دوّمین نامه قرنتیانِ وَسین 12:11

مِن یِتا نادون بیمه! شِما مِ ره مجبور هاکاردینی، چوون که وِنه مِ جِم تَعریف کاردینی. چوون هرچَن که هیچی نیمه ولی اون «گَتِ رَسولونِ» جِم هیچی کم نِدارمه.

دوّمین نامه قرنتیانِ وَسین 3:1

مگه اَت کَش دییه شه خَوِری تَعریف هاکاردِنِ شِروع کامبی؟ یا بَعضیائه واری، لازمِ شِما ره سفارش نامه هادیم یا شِمه جِم سفارش‌نامه بَیریم؟

دوّمین نامه قرنتیانِ وَسین 6:4

بلکه هر کاری دِله که کامبی، سِراغ دِمبی که خِدائه نوکرون هَسیمی: خَله تِحَمّلِ هِمراه، مصیبتائه دِله، سختیائه و بِلاهائه دِله،

فیلیپیان 1:26

تا وَختی که اَت کَش دییه شِمه پَلی بِیّم، شِمه اِفتخار، مَسیحْ عیسیِ دِله مِ خاطری ویشتر و ویشتر بَووه.