دوّمین نامه قرنتیانِ وَسین 4:3 - کتاب مقدس به زبان مازندرانی - گویش شرقی

³ حَتّی اگه اَمه اَنجیل نامفهومِ، اونائه وِسه نامفهومِ که هِلاکتِ راه دِله دَرِنه.

گیله ماز

³ حتی اَگِه اَمیی اِنجیل نامفهومِ، اوشانه وَسین نامفهومِ که هَلاکتِ راهِ دِلِه دَرِن

کتاب مقدس به زبان مازندرانی - گویش غربی

³ حتّی اگه اَمِه اِنجیل نامفهومِ، اونانیسِه نامفهومِ گه هَلاکتی راهی دِلِه دَرِنِه.

دوّمین نامه قرنتیانِ وَسین 4:3 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

رومی ایشون 2:16

این اون روزِ دِله اِتفاق کَفِنه که خِدا طبقِ اون اِنجیلی که مِن اِعلام کامبه، آدِمونِ رازها ره عیسیِ مَسیحِ طَریقِ جِم قِضاوِت کانده.

اوّلین نامِه قُرنتیانی سِه 1:18

چوون صَلیبِ پِیغوم، اونایی وِسه که هِلاک بونِنه، نادونیِ، ولی اَمه وِسه که نِجات گِرمی، خِدائه قِوَّتِ.

اوّلین نامِه قُرنتیانی سِه 2:6

با این وجود، اِما گَتِ آدِمونِ میون حِکمتِ گامبی، هَر چَن نا حکمتی که این زِمونه جِم بوئه یا اونایی که این زِمونهِ حاکِمِنه جِم هَسِنه، که بَمردَنِ محکومِنه،

دوّمین نامه قرنتیانِ وَسین 2:12

وَختی تْروآسِ شَهر بوردِمه، تا مَسیحِ اِنجیلِ موعظه هاکانِم، با این که خِداوند اونجه یِتا گَتِ دروازه مِ وِسه واز هاکارده.

دوّمین نامه قرنتیانِ وَسین 3:14

ولی وِشونِ فکرها تاریک بَییه چوون، هَمون نِقاب، عتیقِ عَهدِ بَخوندِسِنِ مووقه تا اَمروز به جا بَمونِسه و بَییته نَییه، چوون فِقَط مَسیحِ دِله بَییته بونه.

دوّمین نامه قرنتیانِ وَسین 4:4

این دِنیائه خِدا، بی ایمونونِ فکرها ره کور هاکارده تا مَسیحِ جِلالِ انجیلِ نورِ، که خِدائه دیمِ ره نَوینِن.

اوّل تِسالونیکیان 1:5

چوون اَمه اِنجیل فِقَط گَبِ هِمراه شِما ره نَرِسیه، بلکه قِوَّت دِله و روح‌القدسِ دِله و اطمینانِ کاملِ هِمراه شِما ره بَرِسیه، هَمون طی که دوندِنی شِمه خاطِری چی طی شِمه میون رِفتار هاکاردیمی.

اول تیموتائوس 1:11

اون تعلیمی که مِوارکِ خِدائه پر جِلالِ اِنجیلِ مطابقِ، که مِ ره بِسپارِسه بَییه.