دوّمین نامه قرنتیانِ وَسین 3:2 - کتاب مقدس به زبان مازندرانی - گویش شرقی

² شِما شه اَمه سفارش‌نامه هَسینی، یِتا نامه که اَمه دِل سَر بَنوِشِته بَییه که همه توندِنه اونِ بَخونِن و بِشناسِن.

گیله ماز

² شُما خودتان اَمی سِفارش نامه هیسین، ایتا نامِه که اَمیی دِلِ سَر بَنویشتِه هَبا که همه تانَن اونِه بخوانَن و بِفَهمَن.

کتاب مقدس به زبان مازندرانی - گویش غربی

² شِما شِه اَمِه سِفارش نامِه هَسِّنی، یَتِه نامِه گه اَمِه دِلی سَر بَنوِشت بَوِه گه هَمه بَتِنِّنِه اونِه بَخونِن و بِشناسِن.

دوّمین نامه قرنتیانِ وَسین 3:2 Iomraidhean Croise

رومی ایشون 1:8

اَوّلاً که، شه خِدا ره عیسیِ مَسیحِ طَریقِ جِم، شِما همهِ خاطِری شِکر کامبه، چوون شِمه ایمونِ آوازه تِمومِ دِنیائه دِله دَپیته.

اوّلین نامِه قُرنتیانی سِه 3:10

اون فیضی که خِدا مِ ره هِدائه هِمراه، ماهرِ معماری واری پی بَکِندیمه و یه نَفِر دییه اون پیِ سَر، ساختمون سازِنه. هر کی وِنه مِواظب بوئه که چی طی سازِنه.

دوّمین نامه قرنتیانِ وَسین 11:11

و چه وِسه؟ یعنی این که شِما ره دوس نِدارمه؟ خِدا دونده که شِما ره دوس دارمه!

دوّمین نامه قرنتیانِ وَسین 12:15

مِن خِشالیِ هِمراه شِمه جانهائه وِسه خرج کامبه و حَتَّی شه جانِ هم اییِلمه. اگه مِن شِما ره ویشتر دوس دارمه، مگه وِنه شِما مِ ره کمتِر دوس دارین؟

دوّمین نامه قرنتیانِ وَسین 3:1

مگه اَت کَش دییه شه خَوِری تَعریف هاکاردِنِ شِروع کامبی؟ یا بَعضیائه واری، لازمِ شِما ره سفارش نامه هادیم یا شِمه جِم سفارش‌نامه بَیریم؟

دوّمین نامه قرنتیانِ وَسین 7:3

مِن اینِ نارمه تا شِما ره مَحکوم هاکانِم. چوون که شِما ره قبلتر بااوتِمه که اَمه دلِ دِله جا دارنِنی تا هَمدییهِ هِمراه بَمیریم و هَمدییهِ هِمراه زندگی هاکانیم.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

اوّل تِسالونیکیان 1:8

چوون نا فِقَط خِداوندِ کِلام شِمه طریق مقدونیه و اَخائیه مَنطقه هائه دِله دَپیته، بلکه شِمه ایمون داشتن به خِدا، تِک هائه سَر دَکِته، جوری که دییه لازم نییه اِما یه چی باریم.