دوّمین نامه قرنتیانِ وَسین 3:1 - کتاب مقدس به زبان مازندرانی - گویش شرقی

¹ مگه اَت کَش دییه شه خَوِری تَعریف هاکاردِنِ شِروع کامبی؟ یا بَعضیائه واری، لازمِ شِما ره سفارش نامه هادیم یا شِمه جِم سفارش‌نامه بَیریم؟

گیله ماز

¹ مَگِه یِدَفِه دیگه اَمی جی تعریف هَکُردَن شِروع کانیم؟ یا بعضیانِ مِثان، لازمِ شِمِره سفارش نامه هَدیم یا شِیمی جی سِفارش نامِه هَگیریم؟

کتاب مقدس به زبان مازندرانی - گویش غربی

¹ مَگِه یَکَش دییَر شیجا تعریف هاکردَنِ شِرو کِمّی؟ یا بعضیایی تَرا، لازِمِ شِمارِ سِفارش نامِه هادیم یا شِمِه جا سِفارش نامِه هایریم؟

دوّمین نامه قرنتیانِ وَسین 3:1 Iomraidhean Croise

اعمال رَسولان 18:27

وَختی آپولُس قَصد هاکارده اَخائیهِ مَنطقه بوره، بِرارون وه ره تَشویق هاکاردِنه و شاگردونِ وِسه بَنوِشتِنه وه ره ‌گرمیِ هِمراه قبول هاکانِن. وَختی آپولُس اونجه بَرِسیه، اونایی که فیضِ جِم ایمون بیارده بینه ره خَله کُمِک هاکارده.

رومی ایشون 16:1

اَمه خواخِر فیبیِ سِفارشِ شِما ره کامبه. وه کِنخْریهِ شَهرِ کلیسائه خادمونِ جِم هَسه.

اوّلین نامِه قُرنتیانی سِه 10:33

هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

اوّلین نامِه قُرنتیانی سِه 16:3

وَختی بییَمومه، اون آدِمایی که شِما وِشونِ اِطمینان دارنِنی ره مَعرفی نامه هایی دِمبه و وِشونِ شِمه هدایائه هِمراه اورشَلیمِ شَهر فِرِسِندِمبه.

اوّلین نامِه قُرنتیانی سِه 3:10

اون فیضی که خِدا مِ ره هِدائه هِمراه، ماهرِ معماری واری پی بَکِندیمه و یه نَفِر دییه اون پیِ سَر، ساختمون سازِنه. هر کی وِنه مِواظب بوئه که چی طی سازِنه.

اوّلین نامِه قُرنتیانی سِه 4:15

چوون حَتّی اگه هِزارون مَلِّم مَسیح دِله دارین، ولی خَله پییِرون نِدارنِنی، چوون مِن اِنجیلِ طَریق، عیسی مَسیحِ دِله شِمه پییِر بَیمه.

دوّمین نامه قرنتیانِ وَسین 10:12

نا اینکه اِما جِرأت هاکانیم شه ره اون کِسایی جِم بَدونیم که شه جِم تَعریف کاندِنه و شه ره هَمدییهِ هِمراه مقایسه کاندِنه. ولی اون مووقه اونایی که شه ره هَمدییهِ هِمراه سَبِک سنگین کاندِنه و شه ره هَمدییه هِمراه مقایسه کاندِنه نِفَهمِنه.

دوّمین نامه قرنتیانِ وَسین 10:18

چوون اونی که شه جِم تَعریف هاکانه، قبول نَبونه بلکه اون آدِمی قبول بونه که خِدا وه جِم تَعریف هاکانه.

دوّمین نامه قرنتیانِ وَسین 10:8

چوون حَتَّی اگه یه ذِرّه ویشتر شه اِقتدارِ اِفتخار هاکانِم شرمنده نَبومبه. اون اِقتِدار که خِداوند شِمه بِنا هاکاردِنِ وِسه مِ ره هِدا، نا شِمه نابودیِ وِسه.

دوّمین نامه قرنتیانِ وَسین 12:11

مِن یِتا نادون بیمه! شِما مِ ره مجبور هاکاردینی، چوون که وِنه مِ جِم تَعریف کاردینی. چوون هرچَن که هیچی نیمه ولی اون «گَتِ رَسولونِ» جِم هیچی کم نِدارمه.

دوّمین نامه قرنتیانِ وَسین 12:19

مگه تا اینجه این فِکرِ دِله دَئینی که تَقِلّا کامبی شِمه روب رو شه جِم دفاع هاکانیم؟ اِما خِدائه پَلی کِسایی واری گَب زَمبی که مَسیح دِله دَرِ‌نه، و هر اونچی کامبی، ای عزیزون، شِمه ایمونِ تقویتِ وِسه هَسه.

دوّمین نامه قرنتیانِ وَسین 2:17

چوون که اِما اون آدِمونِ واری نیمی که منفِعتِ وِسه خِدائه کِلامِ روشِنِنه، بلکه اِما خِدائه چِشِ پَلی مَسیحِ دِله گَب زَمبی، اون آدِمونی واری که خالصِ نیّت دارنِنه و خِدائه طرِفِ جِم هَسِنه.

دوّمین نامه قرنتیانِ وَسین 5:12

اِما نِخوامبی اَت کَش دییه شه خَوِری تَعریف هاکانیم، بلکه خوامبی یِتا دلیل بیاریم که اِما ره اِفتخار هاکانین، تا بَتونین کساییِ جِوابِ که ظاهرِ اِفتخار کاندِنه ره هادین، نا اونچی که دِلِ دِله دَره ره.