دوّمین نامه قرنتیانِ وَسین 2:13 - کتاب مقدس به زبان مازندرانی - گویش شرقی

¹³ ولی اَی آروم و قِرار نِداشتِمه چوون شه بِرار تیتوسِ پی دا نَکاردِمه. پَس اونجهِ مَردِمِ هِمراه خِداحافظی هاکاردِمه، مقدونیهِ مَنطقه بوردِمه.

گیله ماز

¹³ وَلی باز آرام و قرار نِداشتَم، چون می آداش تیتوسِ پیدا نَکوردَم. پَس اوجِه یه مَردمِ همرهَ خدافظی هَکُردِم، مَقدونیه یه منطقه یه سمت بَشَم.

کتاب مقدس به زبان مازندرانی - گویش غربی

¹³ ولی اَی آروم و قرار ناشتِمِه، چون شی بِرار تیتوسِ نَنگیتِمِه. پَس اوجِه ای مَردِنی هَمرا خِدافظی هاکِردِمِه، مَقدونیه ای مَنطقِه ای سِه بوردِمِه.

دوّمین نامه قرنتیانِ وَسین 2:13 Iomraidhean Croise

مَرقُس 6:46

عیسی بَعدِ از اینکه جَمیِّتِ راهی هاکارده، شه کوهِ سَر بُورده تا دِعا هاکانه.

اعمال رَسولان 21:6

بعد از اینکه خداحافظی هاکاردیمی، کَشتیِ سِوار بَیمی، و وِشون هم شه سِره بَردَگِردِسِنه.

رومی ایشون 15:26

چوون مقدونیه و اَخائیهِ کِلیساها خوانِنه، اورشَلیمِ مِقَدِّسینِ فقیرونِ وِسه کُمِکِ مالی جَمع هاکانِن.

دوّمین نامه قرنتیانِ وَسین 12:18

مِن تیتوسِ جِم خواهش هاکاردِمه شِمه پَلی بِیّه و اَمه بِرارِ هم وه هِمراه بَفرِسیمه. مگه تیتوس شِمه جِم منفِعتی بَوِرده؟ مگه اِما یِتا روحِ دِله عَمِل نَکامبی؟ مگه یِتا راهِ هَمدییهِ هِمراه نَشیمی؟

دوّمین نامه قرنتیانِ وَسین 7:13

اینِ وِسه هَسه که اِما تَسِلّی دارمی. علاوه بر اَمه تَسِلّی، اِما تیتوسِ بَدیئِنِ جِم ویشتر خِشال بیمی، چوون که وه روح شِما همهِ خاطِری، تازه بَییه.

دوّمین نامه قرنتیانِ وَسین 7:14

چوون که مِن وه پَلی، هر لحاظ شِما ره اِفتخار هاکاردِمه و شِما مِ ره شرمنده نَکاردینی، بلکه هَمون‌ طی که هر اون چی شِما ره بااوتیمی دِرِس بییه، ثابت بَییه که اَمه اِفتخار تیتوسِ پَلی به جا بییه.

دوّمین نامه قرنتیانِ وَسین 8:16

ولی خِدا ره شِکر کامبه که اون غیرتی که مِن شِمه وِسه دارمه تیتوسِ دلِ دِله هم دَره.

دوّمین نامه قرنتیانِ وَسین 8:23

تیتوسِ خَوِری وِنه بارِم که شِمه اون خِدمِت هاکاردِنِ دِله مِ شَریک و همکارِ؛ اَمه برارونِ خَوِری هم وِنه بارِم که وِشون کلیساهائه بَفرِسیه و مَسیح جِلال‌ِنه.

دوّمین نامه قرنتیانِ وَسین 8:6

اینِ وِسه، تیتوسِ جِم بَخواسیمی هَمون‌ طی که قبلتر، شه، اَوِّلین قدمها ره بَییته بییه، اَلان هم شِمه میون اون کارِ خِیرِ کاملاً تِموم هاکانه.

غَلاطیان 2:1

بَعدِ چهارده سال، اَت کَش دییه بَرنابائه هِمراه اورشَلیم بوردِمه و تیتوسِ هم شه هِمراه بَوِردِمه.

غَلاطیان 2:3

ولی حَتّی تیتوس که مِ هِمراه دَییه، با اینکه یونانی بییه، وه ره مَجبور نَکاردِنه که خَتنه بَووه.

دوم تیموتائوس 4:10

چوون دیماس این دِنیائه دوس داشتنِ خاطِری مِ ره وِل هاکارده و تِسالونیکیِ شَهر بورده. کْریسکیس غَلاطیهِ مَنطقه بورده و تیتوس هم دَره دَلماتیهِ مَنطقه شونه.

تیتوس 1:4

تیتوس وِسه، که طبقِ ایمونی که اِما همهِ نَصیب بَییه، مِ حَییقی وچه ئه: فِیض و صِلح و سِلامتی خِدائه پییِرِ و اَمه نِجات​دهنده مَسیحِ عیسیِ طَرِف جِم تِ وِسه بِیّه.