دوّمین نامه قرنتیانِ وَسین 13:10 - کتاب مقدس به زبان مازندرانی - گویش شرقی

¹⁰ همینِ وِسه، مِن این چیا ره وَختی شِمه پَلی دَنیمه شِمه وِسه نِویسِمبه تا وَختی شِمه پَلی بییَمومه، مجبور نَبوئِم شه اِقتدارِ جِم تِندیِ هِمراه رِفتار هاکانِم، اون اِقتداری که خِداوند نا خِراب هاکاردِنِ وِسه، بلکه بنا هاکاردِنِ وِسه مِ ره هِدا.

گیله ماز

¹⁰ اینِ وَسین، این چیزان رِه وقتی شیمی وَر دَنییَم شِمِرِه نِویسِنَم تا وَختی شِیمی وَرجه بومَم، مَجبور نَبوم می اقتدارِ جی تُندی یه هَمرَه رفتار هَکُنَم، اون اقتدارِی که خداوند نه ویران هَکُردَن وَسین، بَلکِه بَنا هَکُردَن وَسین مَرِه هَدَه.

کتاب مقدس به زبان مازندرانی - گویش غربی

¹⁰ هَینسِه، مِن هَین چیارِه وختی شِمِه وَر دَنیمِه شِمِسِه نِویسِمِه تا وختی شِمِه وَر بیمومِه، مَجبور نَووم شی اقتداری جا تِنّی ای هَمرا رفتار هاکِنِم، هون اقتداری گه خِداوَند نا ویرون هاکِردَنی سِه، بَلگی بَنا هاکِردَنی سِه مِنِه هادا.

دوّمین نامه قرنتیانِ وَسین 13:10 Iomraidhean Croise

اوّلین نامِه قُرنتیانی سِه 4:21

کِدومتا ره خوانِنی؟ چوِ هِمراه شِمه پَلی بِیِّم یا یِتا آروومِ روح و مهروونیِ هِمراه؟

اوّلین نامِه قُرنتیانی سِه 5:4

وَختی شِما خِداوند عیسی مَسیحِ اسمِ هِمراه دورِ هم جَمع بونِنی و روحِ دِله شِمه میون دَرِمبه، خِداوند عیسی مَسیحِ قِوَّتِ هِمراه،

دوّمین نامه قرنتیانِ وَسین 10:2

مِن شِمه جِم اِلتماس کامبه که مووقه ای که شِمه پَلی اِمبه، مجبور نَووِم شِمه هِمراه جِسارتِ هِمراه گَب بَزِنِم جوری که مَردِمِ جِم بَعضیا گَمون کاندِنه که اِما آدِمیِ فکرِهائه هِمراه دَره رِفتار کامبی.

دوّمین نامه قرنتیانِ وَسین 10:4

چوون که اَمه جنگِ اسلحه ها، جِسمِ جِم نییه بلکه خِدائه قِوَّتِ دارنه تا قلعه ها ره نابود هاکانه.

دوّمین نامه قرنتیانِ وَسین 10:8

چوون حَتَّی اگه یه ذِرّه ویشتر شه اِقتدارِ اِفتخار هاکانِم شرمنده نَبومبه. اون اِقتِدار که خِداوند شِمه بِنا هاکاردِنِ وِسه مِ ره هِدا، نا شِمه نابودیِ وِسه.

دوّمین نامه قرنتیانِ وَسین 13:2

مِن شه دِوّمین دیدارِ دِله که اونجه دَیمه، کِسایی ره که قبلاً گِناه هاکارده بینه، و بَقیه ره هم هِشدار هِدامه که اگه اَلان هم که اونجه دَنیمه، اَی هم هِشدار دِمبه که اَت کَش دییه شِمه پَلی بِیِّم، وِشونِ رحم نَکامبه.

دوّمین نامه قرنتیانِ وَسین 13:8

چوون نَتومبی حَییقتِ علیه هیچ کاری هاکانیم، بلکه هر چی کامبی حَییقتِ وِسه هَسه.

دوّمین نامه قرنتیانِ وَسین 2:3

مِن جوری شِمه وِسه نامه بَنوِشتمه تا مووقه ای که شِمه پَلی اِمبه، اونایی که وِنه مِ ره خِشال هاکانِن، مِ غُصّه باعث نَووِن. چوون که شِما همهِ جِم مطمئِن بیمه که مِ خِشالی، شِما همهِ خِشالیِ.

دوّمین نامه قرنتیانِ وَسین 6:6

راسگوییِ هِمراه، خِدائه قِوَّتِ هِمراه، صبرِ هِمراه، مهروونیِ هِمراه، روح‌القُدُسِ هِمراه، بی منّتِ مِحَبَّت هِمراه،

تیتوس 1:13

این شهادت راسِ. پَس وِشونِ بَدجور سَراکو هاکان تا ایمونِ دِله دِرِس بوئِن.