دوّمین نامه قرنتیانِ وَسین 12:15 - کتاب مقدس به زبان مازندرانی - گویش شرقی

¹⁵ مِن خِشالیِ هِمراه شِمه جانهائه وِسه خرج کامبه و حَتَّی شه جانِ هم اییِلمه. اگه مِن شِما ره ویشتر دوس دارمه، مگه وِنه شِما مِ ره کمتِر دوس دارین؟

گیله ماز

¹⁵ مَن خُشحالی یه هَمرَه تمامِ می مال و اموال رِه شِیمی جانِ راهِ دِلِه خَرج کانَم و حتی می جان رِه هَم شیمی جی دریغ نُکانَم. اَگِه مَن شِمِره اینقَدَر دوس دارَم، مگه شُما بایِسّی مَرِه کمتر دوس بِدارین؟

کتاب مقدس به زبان مازندرانی - گویش غربی

¹⁵ مِن خِشالی ای هَمرا شِمِه جانی سِه خَرج کِمِّه و شی جانِ هَم اِلمِه. اگه مِن شِمارِ ویشتَر دوس دارمِه، مگِه شِما وِنِه مِنِه کمتر دوس دارین؟

دوّمین نامه قرنتیانِ وَسین 12:15 Iomraidhean Croise

رومی ایشون 9:3

چوون که کاشکی مِن شه بِرارونِ راهِ دِله، اونایی که مِ هم نِژادِنه، لَعنِت بَووِم و مَسیحِ جِم سیوا بَووِم.

دوّمین نامه قرنتیانِ وَسین 1:14

هَمون‌ طی که شِما اِما ره تا حدّی بِشناسینی، تا اَمه خِداوند عیسیِ روزِ دِله شِما اِما ره اِفتخار هاکانین، هَمون طی که اِما شِما ره اِفتخار کامبی.

دوّمین نامه قرنتیانِ وَسین 1:6

اگه اِما مصیبتِ دِله دَرِمبی، شِمه تسلّی و نِجاتِ خاطِریِ؛ و اگه تسلّی دارمی، اَی شِمه تسلّیِ وِسه ئه، و این، اون مووقه به کار اِنه که شِما اون عِذاب هایی ره که اِما کَشِمبی ره صبر و حوصله هِمراه تِحَمُّل کاندینی.

دوّمین نامه قرنتیانِ وَسین 11:11

و چه وِسه؟ یعنی این که شِما ره دوس نِدارمه؟ خِدا دونده که شِما ره دوس دارمه!

دوّمین نامه قرنتیانِ وَسین 12:14

اَلان آمادِمه سِوّمین کَش شِمه بَدیئِنِ وِسه بِیِّم، و هیچ باری شِمه دوشِ سَر نییِلمه. چوون شِمه مال و اَموالِ دِمبال دَنیمه، بلکه شه شِما ره خوامبه. چوون که وَچونِ وظیفه نییه که شه پییِر مارِ وِسه مال و اموال جَمع هاکانِن، بلکه پییِر مارِ وظیفه ئه.

دوّمین نامه قرنتیانِ وَسین 12:9

ولی خِداوند مِ ره بااوته: «مِ فِیض تِ وِسه وَسّه، چوون مِ قِوَّت، ضعف هائه دِله کامل بونه.» پَس اینِ وِسه مِن قبل از این خِشالیِ هِمراه شه ضعف ها ره اِفتخار کامبه تا مَسیحِ قِوَّت مِ سَر بَمونه.

دوّمین نامه قرنتیانِ وَسین 2:3

مِن جوری شِمه وِسه نامه بَنوِشتمه تا مووقه ای که شِمه پَلی اِمبه، اونایی که وِنه مِ ره خِشال هاکانِن، مِ غُصّه باعث نَووِن. چوون که شِما همهِ جِم مطمئِن بیمه که مِ خِشالی، شِما همهِ خِشالیِ.

دوّمین نامه قرنتیانِ وَسین 4:12

پَس مَرگ اَمه دِله کار کانده، ولی زندگی شِمه دِله.

دوّمین نامه قرنتیانِ وَسین 7:2

اِما ره شه دلِ دِله جا هادین. اِما هیچ کیِ حَق، بَدی نَکاردیمی، هیچ کیِ خِراب نَکاردیمی و هیچ کیِ جِم سوء استفاده نَکاردیمی.

دوّمین نامه قرنتیانِ وَسین 7:3

مِن اینِ نارمه تا شِما ره مَحکوم هاکانِم. چوون که شِما ره قبلتر بااوتِمه که اَمه دلِ دِله جا دارنِنی تا هَمدییهِ هِمراه بَمیریم و هَمدییهِ هِمراه زندگی هاکانیم.

غَلاطیان 4:10

روزا و ماهها و فصلها و سالها ره دارنِنی!

فیلیپیان 2:17

حَتّی اگه لازم بَووه که مِ خون یِتا‌ پیشکشِ واری، شِمه ایمونِ قِروونیِ وِسه دَشِندی بَووه، ذوق دارمه و شِما هَمهِ هِمراه خِشالی کامبه.

کولُسیان 1:24

اِسا اون زجرهایی که شِمه خاطِری کَشِمبهِ وِسه خِشالِمه، و وه تَنِ خاطِری که کلیسائه، اونچی که مَسیحِ عِذاب هائه دِله کم هَسه ره شه جِسمِ دِله تلافی کامبه.

اوّل تِسالونیکیان 2:8

اِما اَنده شِما ره دوس داشتیمی که ذوقِ هِمراه حاضر بیمی نا فِقَط خِدائه اِنجیلِ شِما ره بَرِسونیم، بلکه شه جانِ هم شِمه راهِ وِسه بییِلیم، چوون شِما خَله اَمه وِسه عزیز بینی.

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.

نامِه مَسیحینی عبرانی نِژادی سِه 13:17

شه رَهبرونِ جِم اِطاعت هاکانین و وِشونِ تَسلیم بوئین؛ چوون وِشون شِمه جانهائه جِم محافظت کاندِنه و وِنه حِساب پَس هادِن. بییِلین این کارِ، خِشالیِ هِمراه هاکانِن نا آه و نالهِ هِمراه، چوون این شِمه نفع نییه.