دوّمین نامه قرنتیانِ وَسین 12:14 - کتاب مقدس به زبان مازندرانی - گویش شرقی

¹⁴ اَلان آمادِمه سِوّمین کَش شِمه بَدیئِنِ وِسه بِیِّم، و هیچ باری شِمه دوشِ سَر نییِلمه. چوون شِمه مال و اَموالِ دِمبال دَنیمه، بلکه شه شِما ره خوامبه. چوون که وَچونِ وظیفه نییه که شه پییِر مارِ وِسه مال و اموال جَمع هاکانِن، بلکه پییِر مارِ وظیفه ئه.

گیله ماز

¹⁴ اَسِه آمادِه اَم سوّمین دفه شِیمی بَدییَنِ وَسین بییَم، و هیچ باری شِیمی دوش سَر نییَم. چون شِیمی مال واموال دُمّال دَنییَم، بلکه خودِ شِمِره خَنَم. چون که وَچِه هان وَظیفِه نییِه خودِشان پیر و مآره وَسین مال و اموال جَم هَکُنَن، بلکه پیَر و مآر وظیفِئِه.

کتاب مقدس به زبان مازندرانی - گویش غربی

¹⁴ اَلَن آمادِمِه سوّمین کَش شِمِه بَئیَنی سِه بیئِم، و هیچ باری شِمِه دوشی سَر نِلمِه. چون شِمِه مال و اَموالی دِمال دَنیمِه، بَلگی شِه شِمارِ خوایمِه. چونگه وَچیلِه ای وظیفِه نیِه گه شی پیر و ماری سِه مال و اَموال جَم هاکِنِن، بَلگی پیر و ماری وظیفِئه.

دوّمین نامه قرنتیانِ وَسین 12:14 Iomraidhean Croise

اعمال رَسولان 20:33

مِن هیچ کَسِ نِقره و طِلا و یا لِواسِ چِش نِداشتِمه.

اوّلین نامِه قُرنتیانی سِه 10:24

هیچ‌کی شه نَفعِ دِمبال دَنی بوئه، بلکه شه هَمسادهِ نَفعِ دِمبال دَووه.

اوّلین نامِه قُرنتیانی سِه 10:33

هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

اوّلین نامِه قُرنتیانی سِه 11:34

اگه یه نَفِرِ وِشنائه، شه سِره دِله غِذا بَخُره تا شِمه دورِ هم جَمع بَیِّن، مَحکومیتِ باعث نَووه. وَختی شِمه پَلی بِیّم، بَقیه چیائه خَوِری، گامبه که چی هاکانین.

اوّلین نامِه قُرنتیانی سِه 16:5

بعد از این که مقدونیهِ مَنطقهِ جِم بُگذِشتِمه شِمه پَلی اِمبه، چوون مقدونیه جِم رد بومبه.

اوّلین نامِه قُرنتیانی سِه 4:19

ولی اگه خِدا بِخوائه، خَله زود شِمه پَلی اِمبه و نا فِقَط این مَغرورونِ گَبِ وِسه، بلکه تا وِشونِ قِوَّتِ هم پِی بَوِرِم.

اوّلین نامِه قُرنتیانی سِه 9:12

اگه بَقیه حَق دارنِنه این طی چیا ره شِمه جِم بِخوائِن، مگه اِما ویشتر حَق نِدارمی؟ با این وجود اِما این حَقِ جِم اِستفاده نَکاردیمی، بلکه هر چی ره تَن هِدامی تا مَسیحِ اِنجیلِ راهِ سَر یِتا مانع نییِشته بوئیم.

اوّلین نامِه قُرنتیانی سِه 9:18

پَس مِ پاداش چیِ؟ اینکه اِنجیلِ مجانی موعظه هاکانِم و اون حَقِّ حقوقی که اونِ جِم دارمه ره اِستفاده نَکِنِم.

اوّلین نامِه قُرنتیانی سِه 9:19

چوون با اینکه همه چیِ جِم آزادِمه، شه ره همهِ نوکِر هاکاردِمه تا خیلیا ره مَسیحِ وِسه به دَس بیارِم.

دوّمین نامه قرنتیانِ وَسین 1:15

چوون اینِ جِم مطمئِن بیمه، خواسِمه اَوِّل شِمه بَدیئِن وِسه بِیِّم تا دِوّمین کَشِ وِسه فیضِ تجربه هاکانین.

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

دوّمین نامه قرنتیانِ وَسین 12:13

چوون که چیِ دِله، دییه کلیساهائه جِم، کمتر شِما ره لِطف بَییه، به جز اینکه مِن، شِمه دوشِ سَربار نَبیمه؟ مِ اشتِباه ره بِبَخشین!

غَلاطیان 4:19

مِ عزیزِ وَچون، که اَی هم شِمه وِسه بِزائنِ دَردِ دارمه تا اون مووقه که مَسیح شِمه دِله شکل بَیره،

فیلیپیان 4:1

پَس، مِ بِرارون که شِما ره دوس دارمه و شِمه بَدیئِنِ وِسه مشتاقِمه، ای شِما که مِ خِشالی و مِ سَرِ تاجِنی، ای عزیزون، این طی خِداوندِ دِله قایم ایست هاکانین.

فیلیپیان 4:17

نا اینکه هدیهِ دِمبال دَووِم، بلکه یِتا ثَمِرِ دِمبال دَرِمبه که شِمه اعتبارِ خِدائه پَلی زیاد کانده.

اوّل تِسالونیکیان 2:11

چوون شِما دوندِنی که اِما چی طی یِتا پییِرِ واری که شه وَچونِ هِمراه رِفتار کانده.

اوّل تِسالونیکیان 2:8

اِما اَنده شِما ره دوس داشتیمی که ذوقِ هِمراه حاضر بیمی نا فِقَط خِدائه اِنجیلِ شِما ره بَرِسونیم، بلکه شه جانِ هم شِمه راهِ وِسه بییِلیم، چوون شِما خَله اَمه وِسه عزیز بینی.