دوّمین نامه قرنتیانِ وَسین 11:8 - کتاب مقدس به زبان مازندرانی - گویش شرقی

⁸ مِن دییه کلیساهائه ره غارِت هاکاردِمه و وِشونِ جِم کُمِکِ مالی بَییتِمه تا شِما ره خِدمِت هاکانِم.

گیله ماز

⁸ مَن دیگَر کلیساها رِه غارت هَکُردَم و اوشانِ جی کمکِ مالی بِیتَم، تا بَتَّنَم شِمِرِه خِدمَت هَکُنَم.

کتاب مقدس به زبان مازندرانی - گویش غربی

⁸ مِن دییَر کلیساهارِه غارت هاکِردِمِه و وِشونی جا کِمکِ مالی بَیتِمِه، تا شِمارِ خِدمَت هاکِنِم.

دوّمین نامه قرنتیانِ وَسین 11:8 Iomraidhean Croise

اوّلین نامِه قُرنتیانی سِه 4:12

شه دَسائه هِمراه کار کامبی و زَحمِت کَشِمبی. وَختی اِما ره نَفرین هاکانِن، وِشونِ وِسه دِعائه خیر کامبی؛ و وَختی آزار بَوینیم، تِحَمّل کامبی؛

اوّلین نامِه قُرنتیانی سِه 9:6

فِقَط مِن و برنابا هَسیمی که وِنه شه زندگیِ وِسه کار هاکانیم؟

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

فیلیپیان 4:18

شِمه کُمِک ها مِ دَس بَرِسیه و شه احتیاجِ جِم ویشتر دارمه. اِسا که شِمه کُمِک اِپافْرودیتوسِ طریق که مِ وِسه بَفرِسینه ره، بَییتِمه، همه چیِ جِم فِراوون دارمه. شِمه هَدیه، خِشبو عطر و قابلِ قبولِ قِروونی ای هَسه که خِدا ره راضی کانده.