دوّمین نامه قرنتیانِ وَسین 11:28 - کتاب مقدس به زبان مازندرانی - گویش شرقی

²⁸ علاوه بر اینا، تِمومِ کلیساهائه نِگرونیِ بارِ، که مِ دوشِ سَر سنگینی کانده.

گیله ماز

²⁸ علاوِه بر ایشان، تمام کلیساهانِ دلواپسی بار، که هَمَش می دوش سَر سنگینی کانه.

کتاب مقدس به زبان مازندرانی - گویش غربی

²⁸ علاوِه بر هَینِن، دِشتِه کلیساهایی نِگرونی ای بارِ، گه می دوشی سَر سنگینی کِنِّه.

دوّمین نامه قرنتیانِ وَسین 11:28 Iomraidhean Croise

اعمال رَسولان 15:36

بعد از چَن وَخت، پولُس، بَرنابا ره بااوته: «اون شهرهایی که خِداوندِ کِلامِ اونجه اِعلام هاکاردیمی، بَردَگِردیم و بِرارونِ سَر بَزِنیم تا بَوینیم چه وَضعی دارنِنه.»

اعمال رَسولان 18:23

چَن وَخت اونجه بَمونِسه و اَی سَفِرِ راهی بَییه، وه تِمومِ غَلاطیه و فْریجیهِ مَنطقهِ جا به جا ره گِردِسه و تِمومِ شاگردونِ تَقویت کارده.

اعمال رَسولان 20:2

پولُس اون مَنطقهِ جِم رَد بَییه، شه گَب هائه هِمراه ایموندارونِ خَله دلگرمی هِدا، تا یونان بَرِسیه

اعمال رَسولان 9:31

این طی کلیسا تِمومِ یهودیه و جلیل و سامِره دِله آرامش بَییته و قِوَّت گِته. وِشون خِداوندِ تَرسِ دِله زندگی کاردِنه و روح‌القُدُسِ تشویقِ هِمراه وِشونِ تعداد ویشتر بونِسه.

رومی ایشون 1:14

مِن شه ره هم یونانیون هم بَربَرها هم حَکیمون و هم نادونونِ مدیون دومبه.

رومی ایشون 11:13

اِسا، شِما غیر یَهودیونِ هِمراه گَب زَمبه. از اونجه که مِن غیر یَهودیونِ رَسولِمه، شه خِدمِت سَر خَله اِفتخار کامبه،

رومی ایشون 15:16

که غیرِ یَهودیونِ وِسه مَسیحْ عیسیِ نوکِر بوئِم و خِدائه اِنجیلِ خِدمِت هاکاردِنِ وِسه، کاهنی هاکانِم، تا غیرِیهودیون یِتا قابل قبولِ هَدیه خِدائه پَلی بوئِن که روح القُدُسِ طریقِ جِم تَقدیس بَییه.

رومی ایشون 16:4

وِشون شه جانِ مِ خاطِری خَطِرِ دِله دِم هِدانه، و نا فِقَط مِن، بلکه تِمومِ غیرِ یَهودیونِ کلیساها وِشونِ جِم ممنون دارِنه.

اوّلین نامِه قُرنتیانی سِه 7:17

فِقَط، هر کی هَمون طی زندگی هاکانه که خِداوند وه وِسه در نَظِر بَییته و خِدا اونِ وِسه وه ره دَعوِت هاکارده. این حکمیِ که مِن تِمومِ کلیساهائه دِله گامبه.

کولُسیان 2:1

خوامبه بَدونین که شِمه وِسه و اونایی وِسه که لائودیکیهِ مَنطقهِ دِله دَرِنه، و تِمومِ اونایی وِسه که مِ ره نَدینه، چی طی تَقِلّا کامبه،