دوّمین نامه قرنتیانِ وَسین 11:10 - کتاب مقدس به زبان مازندرانی - گویش شرقی

¹⁰ اون مَسیحِ حَییقَتِ که مِ دِله دَره ره قَسِم، که هیچ کس اَخائیه مَنطقهِ دِله مِ این افتخارِ مِ جِم نَینه.

گیله ماز

¹⁰ اون مَسیحِ حقیقت که می دِلِه دَرِه رِه قَسَم، که هیچکَس اَخائیه یه منطقه دِلِه می این افتخارِ میجی نَگیرنه.

کتاب مقدس به زبان مازندرانی - گویش غربی

¹⁰ هون مَسیحی حَیقت گه می دِلِه دَرِه رِه قَسَم، گه هیچکَس اَخائیه ای مَنطقِه ای دِلِه می هَین افتخارِ میجا نَئیرنِه.

دوّمین نامه قرنتیانِ وَسین 11:10 Iomraidhean Croise

اعمال رَسولان 18:12

ولی اون مووقه که گالیو، اَخائیهِ مَنطقه حاکم بییه، یَهودیون هَمدَس بَینه، پولُسِ سَر دَکِتِنه و وه ره مَحکمه بیاردِنه،

اعمال رَسولان 18:27

وَختی آپولُس قَصد هاکارده اَخائیهِ مَنطقه بوره، بِرارون وه ره تَشویق هاکاردِنه و شاگردونِ وِسه بَنوِشتِنه وه ره ‌گرمیِ هِمراه قبول هاکانِن. وَختی آپولُس اونجه بَرِسیه، اونایی که فیضِ جِم ایمون بیارده بینه ره خَله کُمِک هاکارده.

رومی ایشون 1:9

چوون خِدایی که وه ره تِمومِ شه دِل و جانِ هِمراه وه ریکائه انجیلِ کارِ دِله دَره خِدمِت کامبه، مِ وِسه گِواهی دِنه که چی طی یه سِره شه دِعاهائه دِله شِما ره یاد یارمبه

رومی ایشون 16:5

همین طی کلیسایی که وِشونِ سِره دِله که هَمدییهِ هِمراه جَمع بونِنه ره سِلام بَرِسونین. مِ عزیزِ رَفِق اِپینِتوسِ سِلام بَرِسونین. وه اَوِّلین نَفِری بییه که آسیائه دِله مَسیح ره ایمون بیارده.

رومی ایشون 9:1

مِن مَسیح دِله راس گامبه، دِراغ نَزِمبه، و مِ وِجدان روحُ القدوسِ طَریقِ جِم مِ وِسه گِواهی دِنه

اوّلین نامِه قُرنتیانی سِه 16:15

دوندِنی که اِستِفاناسِ خانواده اَوِّلین کِسایی بینه که اَخائیهِ مَنطقهِ دِله ایمون بیاردِنه، و وِشون شه ره مِقدَّسینِ خِدمِتِ وِسه وَقف هاکاردِنه. ای بِرارون، شِمه جِم خواهش کامبه

دوّمین نامه قرنتیانِ وَسین 1:1

پولُسِ طَرِف جِم که خِدائه خواسِ هِمراه مَسیحِ عیسیِ رَسولِ، و اَمه بِرار تیموتائوس، خِدائه کلیسائه وِسه قُرِنتُسِ شَهرِ دِله، و اَخائیهِ مَنطقهِ سرتاسرِ تِمومِ مقدّسینِ وِسه:

دوّمین نامه قرنتیانِ وَسین 1:23

خِدا ره گِواه گِرمه که فِقَط اینِ وِسه که شِما ره نارِحَت نَکِنِم، قُرِنتُسِ شَهر بَرنَگِردِسِمه.

دوّمین نامه قرنتیانِ وَسین 10:15

اِما شه حدِّ دومبی و اونچیِ جِم که بَقیه زَحمِت بَکِشینه ره اِفتخار نَکامبی. ولی امید دارمی که هر چی شِمه ایمون گَت تِر بَووه، اَمه خِدمِت هاکاردِن هم شِمه میون ویشتر بونه،

دوّمین نامه قرنتیانِ وَسین 11:12

و شه این کارِ ادامه دِمبه تا اونایی که اِدعا کاندِنه که خوانِنه اون طی که اِما خِدمِت کامبی خِدمِت هاکانِن و اینِ اِفتخار کاندِنه ره هیچ هاکانِم. اونایی جِم که تقِلّا کاندِنه تا شه ره اونچیِ دِله که اونِ اِفتخار کاندِنه اَمه هِمراه برابر هاکانِن.

دوّمین نامه قرنتیانِ وَسین 11:31

خِداوند عیسیِ پییِر، خِدا که وه ره تا اَبد شِکر گامبه، دونده که دِراغ نَزِمبه.

دوّمین نامه قرنتیانِ وَسین 12:19

مگه تا اینجه این فِکرِ دِله دَئینی که تَقِلّا کامبی شِمه روب رو شه جِم دفاع هاکانیم؟ اِما خِدائه پَلی کِسایی واری گَب زَمبی که مَسیح دِله دَرِ‌نه، و هر اونچی کامبی، ای عزیزون، شِمه ایمونِ تقویتِ وِسه هَسه.

دوّمین نامه قرنتیانِ وَسین 9:2

چوون دومبه چه ذوق و شوقی این کارِ وِسه دارنِنی و اینِ وِسه هم مقدونیهِ ایموندارونِ پَلی شِما ره اِفتخار هاکاردِمه. وِشونِ بااوتِمه که شِما پارسال تا اَلان، اَخائیهِ مَنطقهِ دِله هَدیه هِدائِنِ وِسه حاضر بینی. شِمه این غیرت، خَله از وِشونِ هم، این کارِ وِسه تحریک هاکارده.

غَلاطیان 1:20

خِدائه حِضور، شِما ره اِطمینان دِمبه که اونچی نِویسِمبه دِراغ نییه.

غَلاطیان 2:20

مِن مَسیحِ هِمراه صَلیبِ سَر مصلوب بَیمه، و این دییه مِن نیمه که زندگی کامبه، بلکه مَسیحِ که مِ دِله زندگی کانده؛ و این زندگی که الان جِسمِ دِله دَره کامبه؛ خِدائه ریکائه ایمونِ هِمرائه که مِ ره دوس داشته و شه جانِ مِ خاطِری هِدا.

اوّل تِسالونیکیان 2:10

شِما شاهدِنی و خِدا هم شاهدِ که اِما شِما ایموندارونِ هِمراه چی طی مِقَدَّس و صالح و بی عیب رِفتار هاکاردیمی.

اوّل تِسالونیکیان 2:5

چوون اِما هیچ وَخت چاپلوسیِ هِمراه گَب نَزومی، هَمون طی که دوندِنی، خِدا سَر شاهدِ- اَمه گَب طِمَعِ بهونه وِسه نَییه.

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.