دوّمین نامه قرنتیانِ وَسین 10:12 - کتاب مقدس به زبان مازندرانی - گویش شرقی

¹² نا اینکه اِما جِرأت هاکانیم شه ره اون کِسایی جِم بَدونیم که شه جِم تَعریف کاندِنه و شه ره هَمدییهِ هِمراه مقایسه کاندِنه. ولی اون مووقه اونایی که شه ره هَمدییهِ هِمراه سَبِک سنگین کاندِنه و شه ره هَمدییه هِمراه مقایسه کاندِنه نِفَهمِنه.

گیله ماز

¹² اَما جُرأت نُکانیم خودِمان رِه اون کَسانِ جی بِدانیم که خودِشانه جی تعریف کانَن یا خودِشان رِه همدیگَرِه هَمرَه قیاس کانَن. ولی اون موقِه اوشانیکه خودِشان رِه همدیگرِ هَمره سبک سنگین کانَن و خودِشان رِه همدیگَرِ همره قیاس کانَن، نفَهمِنَن

کتاب مقدس به زبان مازندرانی - گویش غربی

¹² نا هَینگه اَما جِرأت هاکِنیم شِرِه هون کَسایی جا دِنّیم گه شیجا تعریف کِنِنِه یا شِرِه همدیری هَمرا قیاس کِنِنِه. ولی هون موقِه اونانیگه شِرِه همدیری هَمرا سَبِک سنگین کِنِنِه و شِرِه همدیری هَمرا قیاس کِنِنِه، نِفَهم هَسِّنِه.

دوّمین نامه قرنتیانِ وَسین 10:12 Iomraidhean Croise

لوقا 18:11

فریسی اِیست هاکارده و شه هِمراه این طی دِعا هاکارده: ”خِدایا، تِ ره شکر کامبه که، دییهِ مَردِمِ واری دِز و ظالِم و زِنا کار نیمه، حَتّی این خراجگیرِ واری هم نیمه.

رومی ایشون 15:18

چوون جِرأت نَکامبه هیچیِ جِم گَب بَزِنِم، اِلّا اونچی که مَسیح مِ طریق اِنجام هِدا تا غیرِ یَهودیونِ، ایمونِ مطیع هاکانِم، شه گَب ها و کارهائه طَریقِ جِم

دوّمین نامه قرنتیانِ وَسین 10:11

بییِل اونی که این طی گانه بِفَهمه که هر اونچی شه دَنی بوئِنِ مووقه، شه نامه هائه دِله گامبه، وَختی که بِیِّم هَمون کارِ کامبه.

دوّمین نامه قرنتیانِ وَسین 10:18

چوون اونی که شه جِم تَعریف هاکانه، قبول نَبونه بلکه اون آدِمی قبول بونه که خِدا وه جِم تَعریف هاکانه.

دوّمین نامه قرنتیانِ وَسین 3:1

مگه اَت کَش دییه شه خَوِری تَعریف هاکاردِنِ شِروع کامبی؟ یا بَعضیائه واری، لازمِ شِما ره سفارش نامه هادیم یا شِمه جِم سفارش‌نامه بَیریم؟

دوّمین نامه قرنتیانِ وَسین 5:12

اِما نِخوامبی اَت کَش دییه شه خَوِری تَعریف هاکانیم، بلکه خوامبی یِتا دلیل بیاریم که اِما ره اِفتخار هاکانین، تا بَتونین کساییِ جِوابِ که ظاهرِ اِفتخار کاندِنه ره هادین، نا اونچی که دِلِ دِله دَره ره.