دوّمین نامه قرنتیانِ وَسین 1:7 - کتاب مقدس به زبان مازندرانی - گویش شرقی

⁷ اَمه امید شِمه خَوِری پا برجائه، چوون دومبی هَمون‌ طی که اَمه رَنج هائه دِله سَهم وَرنِنی، اَمه تسلّیِ دِله هم سَهم وَرنِنی.

گیله ماز

⁷ اَمیی اُمید شیمی بارِه پا برجائِه، چون دانیم هَمونجور که اَمیی رَنجهای دِلهِ سهم بَرنین، اَمیی تسلی یه دِلهِ هم سهم بَرنین.

کتاب مقدس به زبان مازندرانی - گویش غربی

⁷ اَمِه اِمید شِمِه خَوَری پابرجائه، چون دِمّی هَمونجور گه اَمِه رَنجهایی دِلِه سهم وَرِنی، اَمِه تسلّی ای دِلِه هَم سهم وَرِنی.

دوّمین نامه قرنتیانِ وَسین 1:7 Iomraidhean Croise

اِنجیلِ مَتّی 23:30

و گانِنی: 'اَگه اِما شه پییِرونِ دورِه دَییمی، هیچ وَخت پِیغَمبِرونِ بَکوشتِنِ وِسه وِشونِ هِمراه هَمدَسی نَکاردیمی.'

اوّلین نامِه قُرنتیانی سِه 10:13

هیچ آزمودی شِمه وِسه نییَمو که بَقیه آدِمونِ وِسه نییَمو بوئه. خِدا وِفادارِ؛ وه نییِلنه شه تِوانِ جِم ویشتر، آزمود بَووین، ولی آزمودِ دِله، یِتا راه فِرار هم اییِلنه تا شِما بَتونین طاقِت بیارین.

دوّمین نامه قرنتیانِ وَسین 1:14

هَمون‌ طی که شِما اِما ره تا حدّی بِشناسینی، تا اَمه خِداوند عیسیِ روزِ دِله شِما اِما ره اِفتخار هاکانین، هَمون طی که اِما شِما ره اِفتخار کامبی.

دوّمین نامه قرنتیانِ وَسین 12:20

چوون اونِ تَرسِ دارمه که شِمه پَلی بِیِّم و شِما ره اون طی که اِنتِظار دارمه، نَوینِم، و شِما هم مِ ره اون طی که اِنتِظار دارنِنی، نَوینین- شاید شِمه میون دَعوا مرافه، حسودی، غیظ، دِشمنی، تِهمَت، غیبت، غیرت، غرور و هر کی هر کی بَوینِم.

دوّمین نامه قرنتیانِ وَسین 7:9

ولی اَلان خِشالِمه، نا اینِ وِسه که غُصّه دار بَینی، بلکه شِمه این غُصّه تووبهِ باعث بَییه. چوون شِمه غُصّه خِدائه وِسه بییه، تا اَمه جِم هیچ ضرری شِما ره نَرِسه.

دوم تیموتائوس 2:12

اگه طاقت بیاریم، وه هِمراه سلطَنِت هم کامبی. اگه وه ره اِنکار هاکانیم، وه هم اِما ره اِنکار کانده.

دوم تیموتائوس 3:11

و اون رَنج و آزار اذیّتی که اَنطاکیه، قونیه و لِستْرهِ شهرهائه دِله مِ سَر بییَمو و اون رَنج و آزار اذیّتیِ که طاقت بیاردِمه، ولی خِداوند تِمومِ این چیائه جِم نِجات هِدا.

یعقوبِ نامه 1:12

خِش به حال اونی که آزمودِ بارِ بِن استقامتِ هِمراه اِسِّنه، چوون وَختی آزمودِ دِله استقامتِ هِمراه هرِسه، وه زندگیِ تاجِ گِرنه اون تاجی که خِدا شه دوسدارونِ وَعده هِدا.

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.