اول تیموتائوس 6:17 - کتاب مقدس به زبان مازندرانی - گویش شرقی

¹⁷ این دِنیائه پولدارونِ بار که مَغرور نَبوئِن و شه امیدِ این دِنیائه مالِ سَر نییِلین که نَموندِنه، بلکه وِشونِ امید خِدا ره بوئه که همه چی ره فَت و فِراوون اَمه وِسه فِراهم کانده تا اونائه جِم کیف هاکانیم.

گیله ماز

¹⁷ این دُنیایِ پولدارانِ باگو که مغرور نَبون، و خودِشانِه اُمیدِ این دُنیایِ مالِ سَر نُذارَن که نُماندِنه. بلکه اوشانه اُمید خُداییِ رِه هَبو که همه چیره فَت و فَراوان اَمی وَسین فَراهَم کانه تا اوشانه جی کِیف هَکُنیم.

کتاب مقدس به زبان مازندرانی - گویش غربی

¹⁷ هَین دِنیایی پولدارِنِ بُو گه مغرور نَووئَن، و شی اِمیدِ هَین دِنیایی مالی سَر نِلِن گه نَمونِّه. بَلگی وِشونی اِمید خِدایی رِه ووئه گه هَمه چیره فَت و فِراوون اَمسِه فِراهَم کِنِّه تا اونانی جا کیف هاکِنیم.

اول تیموتائوس 6:17 Iomraidhean Croise

اِنجیلِ مَتّی 12:32

هَر کی اِنسانِ ریکائه علیه گَبی بَزِنه، بیامِرزی بونه ولی هَر کی روح القدسِ علیه گَب بَزِنه، اَصلاً بیامِرزی نَوونه، نا این دوره و نا اون دورهِ دِله.

اِنجیلِ مَتّی 19:23

اون وَخت عیسی شه شاگِردونِ بااوته: «حَییقَتِاً شِما ره گامبه پولدارونِ بُوردِن، آسمونِ پادشاهیِ دِله خَله سَختِ.

اِنجیلِ مَتّی 25:16

اون مَردی که شه صَد سالِ دَسمِزِ اِندا بَییته بییه، دَرجا بُورده و اونِ هِمراه تجارت هاکارده و شه اَربابِ پولِ دِ بِرابر هاکارده.

اِنجیلِ مَتّی 27:57

نِماشون، یِتا مال و مِنالدارِ مَردی رامهِ جِم که وه اسمِ یوسِف و عیسیِ شاگِرد بییه،

اِنجیلِ مَتّی 6:32

چوون این دِنیائه تِمومِ قوما، این چیائه دِمبال دَرِنه، ولی شِمه آسِمونی پییِر دونده كه شِما تِمومِ این چیا ره اِحتیاج دارنِنی.

مَرقُس 10:24

شاگِردون وه این گَب هائه جِم تَعَجِّب هاکاردِنه. ولی عیسی اَت کَش دییه وِشونِ بااوته: «وَچون، خِدائه پادشاهی دِله بُوردِن، چَنده سَختِ!

لوقا 19:2

اونجه یِتا پولدارِ مَردی که وه اسم زََکّا بییه دَییه، وه خراجگیرونِ رئیس بییه.

لوقا 3:11

یحیی جِواب هِدا: «اونی که دِتا جِمه دارنه، یِتا ره اونی ره هاده که نِدارنه، و اونی که غِذا دارنه هم این طی هاکانه.»

اعمال رَسولان 14:17

ولی با این حال شه ره بی شِهادت نییِشته؛ وه آسِمونِ جِم وارش بَفرِسییِن و پِر بارِ فصلهائه بِبَخشییِنِ هِمراه، شِما ره خواری هاکارده، خَله خِراک شِما ره هِدا و شِمه دِل ها ره خِشالیِ جِم پِر هاکارده.»

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اعمال رَسولان 17:25

آدِمیِ دَس نَتونده وه ره خِدمِتی هاکانه، جوری که گانی یه چیِ مِحتاج بوئه، چوون شه وه ئه که تِمومِ آدِمونِ زندگی و نَفَس و هر چیِ دییه ره بِبَخشیه.

رومی ایشون 11:20

راس گانی. ولی اونا بی‌ایمونیِ خاطِری بَوری بَینه و تِ فِقَط ایمونِ سَر پابرجائی. پَس مَغرور نَواش، بلکه بَتِرس.

اِفِسُسیان 5:5

چوون مطمئِن بوئین که هیچ بی حیا یا ناپاک یا طِمَعکارِ آدِم، که هَمون بِت‌پرس بوئه، خِدا و مَسیحِ پادشاهیِ دِله سَهمی نِدارنه.

کولُسیان 3:16

مَسیحِ کِلام شِمه دِله فِراوونیِ هِمراه بَمونه؛ تِمومِ حِکمتِ هِمراه هَمدییه ره نصیحت هاکانین و تَعلیم هادین؛ مزامیر، سرودها و آوازهائه هِمراه که خِدائه روحِ جِم هَسه، و شِکر هاکاردِنِ هِمراه شه دِلهائه دِله خِدائه وِسه بَخونین.

اوّل تِسالونیکیان 1:9

چوون وِشون شه از این که چی طی شِما گرمِیِ هِمراه اَمه پیشواز بییَمونی، گَب زَندِنه و این که چی طی بِتهائه جِم دَس بَکِشینی و خِدائه سمت بَردَگِردِسینی تا زنده و حییقی خِدا ره خِدمِت هاکانین

اول تیموتائوس 1:3

هَمون طی که وَختی مقدونیهِ مَنطقه دَیی شیمه، تِ جِم خواهش هاکاردِمه، اَت کش دییه اَی تِ جِم خوامبه که اَفِسُسِ شَهرِ دِله بَمونی تا بَعضیا ره دَستور هادی که هیچ جورواجورِ تعلیمی نَدِن

اول تیموتائوس 3:15

تا اگه مِ بییَموئِن عَقِب دَکِته، بَدونی که خِدائه خانوادهِ میون که زِنده خِدائه کلیسا و حَییقَتِ سِتون و پِی هَسه، چی طی وِنه رِفتار هاکارد.

اول تیموتائوس 4:10

چوون اِما اینِ وِسه زَحمِت کَشِمبی و تَقِلّا کامبی، چوون اِما شه امیدِ، زنده خِدائه سَر بییِشتیمی که تِمومِ آدِمونِ نجات‌دهنده ئه، بخصوص اونایی که ایمون دارنِنه.

اول تیموتائوس 5:21

خِدا و مَسیحْ عیسی و اِنتخاب بَییه فرشته هائه حِضور، تِ جِم خواهش کامبه که این قانونا ره بدونِ هیچ غرضی، رعایت هاکانی و هیچ کاری ره طَرِفداریِ سَر نَکِنی.

اول تیموتائوس 6:13

مِن خِدائه حِضور که همه چی ره زندگی دِنه، و مَسیحْ عیسی که پُنتیوس پیلاتُسِ پَلی خوارِ اِعتراف هاکارده، جدّی تِ ره سفارش کامبه

اول تیموتائوس 6:9

ولی اونایی که پولدار بَیِّنِ آرزو ره دارنِنه، وسوسهِ دِله و تَله دِله کَفِنِنه، و خَله بیخودی خواسه هائه دِله کَفِنِنه که ضَرِر رِسِندِنِنه که مَردِمِ نابودی و هِلاکتِ سَمت کَشِنه.

دوم تیموتائوس 4:10

چوون دیماس این دِنیائه دوس داشتنِ خاطِری مِ ره وِل هاکارده و تِسالونیکیِ شَهر بورده. کْریسکیس غَلاطیهِ مَنطقه بورده و تیتوس هم دَره دَلماتیهِ مَنطقه شونه.

تیتوس 2:12

و اِما ره یاد دِنه که بی‌دینی و دِنیائه هوا و هوسِ جِم دَس بَکِشیم، شه دَمِ داریم و صالحی و دینداری هِمراه این دِنیائه دِله زندگی هاکانیم،

تیتوس 3:6

که خِدا اون مِقَدِّسِ روحِ اَمه نِجات دهنده عیسی مَسیحِ طَریقِ جِم، فَت و فِراوون اَمه سَر دَشِندیه،

پطرسی دِوّمین نامِه 1:11

و این طی، شِما ره کاملاً اِجازه دِنِنه که خِداوند و اَمه نجات‌دهنده عیسی مَسیحِ اَبدی پادشاهیِ دِله بورین.