اول تیموتائوس 5:22 - کتاب مقدس به زبان مازندرانی - گویش شرقی

²² اینِ وِسه که یه نَفِرِ خِدمِتِ تعیین هاکانی، عجله نَکِن و بَقیهِ گِناهونِ دِله شَریک نَواش، شه ره پاک دار.

گیله ماز

²² اینه وَسین که یِنَفرِ خِدمتِ وَسین تعیین هَکُنی عجله نَکُن، بَقیِه یه گُناهانِ دِلهِ شریک نَبو، تِرِه پاک بِدار.

کتاب مقدس به زبان مازندرانی - گویش غربی

²² هینِسه گه یَنَفری خِدمتِ تعیین هاکِنی عجله نَکِن، بَقیِه ای گِناهِنی دِلِه شریک نَواش، شِخدِرِه پاک دار.

اول تیموتائوس 5:22 Iomraidhean Croise

اعمال رَسولان 13:3

اون وَخت، بعد از روزه و دِعا، اون دِتائه سَر دَس بییِشتِنه و وِشونِ سَفِرِ وِسه راهی هاکاردِنه.

اعمال رَسولان 18:6

ولی وَختی یَهودیون، پولُسِ هِمراه مِخالفت هاکاردِنه و عیسی ره ناسِزا بااوتِنه، پولُس اون شَهرِ گردِ خاکِ شه لِواسِ جِم بَتِکاندیه و وِشونِ بااوته: «شِمه خون شه شِمه گَردِن دَووه! مِن تقصیرکار نیمه. از این بعد، غیریهودیونِ پَلی شومبه.»

اعمال رَسولان 20:26

پَس اَمروز شِمه وِسه شِهادت دِمبه که مِن همهِ خونِ جِم پاکِمه،

اعمال رَسولان 6:6

این مَردا ره رسولونِ پَلی بیاردِنه و رسولون وِشونِ وِسه دِعا هاکاردِنه و وِشونِ سَر دَس بییِشتِنه و اونا ره این خِدمتِ سَر بییِشتِنه .

اِفِسُسیان 5:11

تاریکیِ بی فایده کارهائه دِله شَریک نَووین، بلکه اونا ره بَرمِلا هاکانین.

اول تیموتائوس 3:10

و وِشون وِنه اَوِّل آزمود بَووِن و بعد اگه ثابت هاکاردِنه که بی عیبِنه، بییِلین شَماسیِ کارِ دِله خِدمِت هاکانِن.

اول تیموتائوس 3:2

پَس، یِتا ناظِر وِنه هیچی وه زندگیِ دِله دَنی بوئه که اونِ خاطِری سَرکوفت بَخُره، یِتا زِنا داره، هوشیار بوئه شه دَمِ داره، با آبِرو بوئه، مِهمون‌ دوس بوئه و بَتونه تَعلیم هاده؛

اول تیموتائوس 3:6

و تازه ایمون نیارده بوئه، نَکِنه مَغرور بَووه و اِبلیسِ واری مَحکوم بَووه.

اول تیموتائوس 4:12

نییِل تِ جَوونی ره هیچ‌کی کِچیک بِشماره، بلکه گَب بَزوئِنِ دِله، کِردارِ دِله، مِحبّتِ دِله، ایمونِ دِله و پاکیِ دِله، تِمومِ ایموندارونِ وِسه سرمخش باش.

اول تیموتائوس 4:14

اون عَطایی که تِ دِله دَره ره بی‌اعتنایی نَکِن، عَطایی که نَبِوّتِ هِمراه به دَس بیاردی، اون مووقه که مَشایخِ شورا تِ سَر دَس بییِشتِنه.

دوم تیموتائوس 1:6

اینِ وِسه، تِ یاد یارمه که خِدائه اون عطیه که مِ دَس گذاری خاطِری، تِ دِله بییَمو ره وه تَشِ اَلوکِ زیاد هاکانی.

دوم تیموتائوس 2:2

و اون چیایی که خَله شاهِدونِ روب رو مِ جِم بِشنُسی ره، وِفادارِ آدِمونِ بِسپار که توندِنی بَقیه ره هم یاد هادین.

نامِه مَسیحینی عبرانی نِژادی سِه 6:2

و غسلِ تعمیدهائه یاد هِدائِن، دسگذاری‌ها، مِرده هائه جِم زنده بَیِّن و اَبدی داوِری ره بییِلیم.

دوم یوحنا 1:11

چوون اونی که وه ره خِش بییَموئی باره، وه شَریرِ اَعمالِ دِله شَریک بونه.

یوحنایِ مکاشفه 18:4

بعد یِتا دییه صِدا آسمونِ جِم بِشنُسِمه که گاته: «ای مِ قوم، اون شَهرِ جِم بیرون بِئین، نَووه که وه گِناهونِ دِله شَریک بَووین، نَووه که وه بِلاها شِمه سَر هم بِیّه،