اول تیموتائوس 5:20 - کتاب مقدس به زبان مازندرانی - گویش شرقی

²⁰ اونایی که گِناهِ دِله پافِشاری کاندِنه ره، همهِ پَلی سَراکو هاکان تا بَقیه بَتِرسِن.

گیله ماز

²⁰ اوشانیکه گُناه دِلِه پافشاری کانَن رِه، همه یه ور سَرامکو هَکُن تا بَقیِه بَتِرسِن.

کتاب مقدس به زبان مازندرانی - گویش غربی

²⁰ اونانیگه گِناهی دِلِه پافشاری کِنِنِه رِه، هَمه ای وَر سَراکو هاکِن تا بَقیِه بَتِرسِن.

اول تیموتائوس 5:20 Iomraidhean Croise

اعمال رَسولان 19:17

اَفِسُسِ شَهرِ تِمومِ مَردِم، چه یَهودی و چه یونانی، این جَریانِ جِم خَوِردار بَینه، وِشون همه ره تَرس بَییته، جوری که از اون بعد عیسیِ خِداوندِ اسمِ خَله اِحترام اییِشتِنه.

اعمال رَسولان 5:11

بعد یِتا گَتِ تَرس، تِمومِ کلیسا و اونایی که اینِ بِشنُسِنه ره بَییته.

اعمال رَسولان 5:5

وَختی حَنانیا این گَب ها ره بِشنُسه، بِنهِ سَر دَکِته و دَرجا جان هِدا! تِمومِ اونایی که اینِ بِشنُسِنه خَله بَتِرسینه.

دوّمین نامه قرنتیانِ وَسین 7:11

چوون که بَوینین این غُصّه ای که خِدائه وِسه بییه، شِمه دِله چه شور و شوقی بار بیارده: البته همین شور و شوقِ که نِشون دِنه که تقصیرکار نینی. چه غیظِ دِله چه تَرسِ دِله چه حَسرتِ دِله، چه غیرتِ دِله و چه مِجازاتِ دِله. هر لحاظِ جِم ثابت هاکاردینی که اون قضیهِ دِله بی‌تقصیر بینی.

اِفِسُسیان 5:11

تاریکیِ بی فایده کارهائه دِله شَریک نَووین، بلکه اونا ره بَرمِلا هاکانین.

اول تیموتائوس 1:20

هیمِنائوس و اسکندر این دسه جِم‌ هَسِنه، که وِشونِ شیطانِ دَس هِدامه تا یاد بَیرِن که کفر نارِن.

دوم تیموتائوس 4:2

خِدائه کِلامِ اِعلام هاکان و وَخت و بی وَخت آماده باش و خَله صبر و کاملِ تعلیمِ هِمراه، اِصلاح و سَراکو و تَشویق هاکان.

تیتوس 1:13

این شهادت راسِ. پَس وِشونِ بَدجور سَراکو هاکان تا ایمونِ دِله دِرِس بوئِن.

تیتوس 2:15

این چیا ره اِعلام هاکان و تِمومِ اقتدارِ هِمراه تَشویق و سَراکو هاکان، و نییِل هیچ کس تِ ره کِچیک بِشماره .