اول تیموتائوس 5:1 - کتاب مقدس به زبان مازندرانی - گویش شرقی

¹ پیرِمَردی ره سَراکو نَکِن، بلکه وه ره شه پییِرِ واری تَشویق هاکان، و جوونون هم شه بِرارون واری،

گیله ماز

¹ پیرِ مَردَای رِه سَرامکو نَکُن، بلکه اونه تیِ پیَرِ مِثان نَصیحت هَکُن، و جَوانان ایتا تیِ اَداشانِ مِثان،

کتاب مقدس به زبان مازندرانی - گویش غربی

¹ پیر مردی رِه سراکو نَکِن، بَلگی وِرِه هِتی شی پیری تَرا تشویق هاکِن، و جَوونِنَم هِتی شی بِرارِنی تَرا،

اول تیموتائوس 5:1 Iomraidhean Croise

اِنجیلِ مَتّی 23:8

ولی نییِلین شِما ره 'اِسّا' بارِن، چوون که شِما فِقَط یِتا اِسّا دارنِنی و شِما هَمدییِهِ هِمراه بِرارِنی.

اعمال رَسولان 14:23

وِشون هر کلیسائه دِله مَشایخی ره ایموندارونِ وِسه بییشتِنه و دِعا و روزهِ هِمراه وِشونِ خِداوندی که وه ره ایمون بیارده بینهِ دَس بِسپارِسِنه.

اعمال رَسولان 15:4

وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

اعمال رَسولان 15:6

پَس رَسولون و مشایخ جَمع بَینه تا این قضیه ره بررسی هاکانِن.

اعمال رَسولان 20:17

وه میلیتوسِ جِم یِتا پِیغوم اَفِسُسِ وِسه بَفرِسیه و کلیسائه مشایخِ شه پَلی صدا هاکارده.

رومی ایشون 13:7

هر کسِ حَقِّ وه ره هادین: اگه مالیاتِ، مالیات هادین، اگه خَراجِ، خَراج هادین، اگه اِحترامِ، اِحترام بییِلین، و اگه حِرمَتِ، حِرمَت بییِلین.

غَلاطیان 6:1

ای بِرارون، اگه یه نَفِر یِتا خِطا هاکانه، شِما که خِدائه روحِ دارنِنی وِنه مِلایمِ روحِ هِمراه وه ره راسِ راهِ سَمت بَردِگاردِنین. با این وجود، تِ حِواس شه ره بوئه که وَسوسهِ دِله نَکِفی.

اول تیموتائوس 5:17

مشایخی که خوار رهبری هاکارده بوئِن، دِ بِرابر حِرمتِ لیاقت دارنِنه، مخصوصاً اونایی که موعظه و تعلیمِ وِسه زَحمِت کَشِنِنه.

اول تیموتائوس 5:2

و پیرِ زَن ها ره مارائه واری، و جِوونِ زَن ها ره شه خواخِرونِ واری، تِمومِ پاکیِ دِله.

تیتوس 2:2

پیرِ مَردیا هوشیار بوئن، باوقار بوئِن، شه دَمِ دارِن، و ایمون و مِحَبَّت و پایداریِ دِله، دِرِس رِفتار هاکانِن.

تیتوس 2:6

همین طی جوونِ مَردها ره هم اصرار هاکان تا شه دَمِ دارِن.

یعقوبِ نامه 3:17

ولی اون حِکمتی که آسِمونِ جِم هَسه، اَوِّل پاکِ، بعد صِلح‌ آمیز و آرووم و نصیحت‌ِ اِشنُنه، و خوارِ ثَمِرات و رحمتِ جِم پِرِ، و فَرق بییِشتِن و ریائه جِم دورِ!

یعقوبِ نامه 5:14

شِمه میون کِسی مَریضِ؟ بییِل کلیسائه گَت گَتِ ره صدا هاکانه و وِشون وه وِسه دعا هاکانِن و خِداوندِ اسمِ هِمراه وه ره راغونِ هِمراه مَسح هاکانِن.

اول پِطرُس 5:1

مِن که شه، یِتا از مشایخِمه و مَسیحِ رَنج هائه شاهد بیمه و اون جِلالی دِله که ظاهر بونه شریکِمه، مشایخی که شِمه میون دَرِنه ره سفارش کامبه:

دوم یوحنا 1:1

شیخِ جِم، مِحتَرَمِ خانِم و وه وَچونِ که ’حَییقَتِ‘ دِله وِشونِ دوس دارمه - و نا فِقَط مِن، بلکه تِمومِ اونایی که حَییقَتِ بِشناسینه -

سوّم یوحنا 1:1

شیخِ جِم، عزیزِ گایوسِ که مِن وه ره ’حَییقتِ‘ دِله دوس دارمه.

یوحنایِ مکاشفه 4:4

اون تَختِ دور تا دور، بیست و چهار تا تخت دَییه و اون تختائه سَر بیست و چهار تا پیر نیشته بینه. که اسبه لِواس شه تَن و طِلا تاج شه سَر داشتِنه.