اول تیموتائوس 4:13 - کتاب مقدس به زبان مازندرانی - گویش شرقی

¹³ تا مِن بِیِّم، شه ره اینِ وَقف هاکان که خِدائه کِلامِ مَردِمِ وِسه بَخونی و وِشونِ تَشویق هاکانی و تعلیم هادی.

گیله ماز

¹³ تا مَن بییَم، تِرِه اینهِ وقف هَکُن که خُدایِ کلامِ مَردمِ وَسین بُخانی و اوشانه تشویق هَکُنی و تعلیم هَدی.

کتاب مقدس به زبان مازندرانی - گویش غربی

¹³ تا مِن بیئِم، شِرِه هَینی وقف هاکِن گه خِدایی کلامِ مَردنی سِه بَخونی و وِشونِه تشویق هاکِنی و تعلیم هادی.

اول تیموتائوس 4:13 Iomraidhean Croise

اِنجیلِ یوحنا 5:39

شِما مِقدَّسِ بَنوِشته ها ره دِقّتِ هِمراه خوندِنِنی، چوون خیال کاندینی اونِ طَریقِ جِم اَبدی زندگی دارنِنی و اِسا اون که اینا هم مِ خَوِری شِهادت دِنِنه.

اعمال رَسولان 17:11

این یَهودیون اون یَهودیونِ جِم که تِسالونیکیِ دِله دَینه نَجیب‌تر بینه، وِشون اِشتیاقِ هِمراه پِیغومِ قبول هاکاردِنه و هر روز مِقَدَّسِ نوِشته ها ره خوندِسِنه تا بَوینِن پولُس و سیلاسِ گَب خِدائه کِلامِ واری هَسه یا نا.

اعمال رَسولان 6:4

ولی اِما شه ره دِعا هاکاردِن و خِدائه کِلامِ خِدمِت وِسه وَقف کامبی.»

رومی ایشون 12:8

اونی که تَشویق کانده، تَشویق هاکانه. اونی که کُمِک کانده، دَس دِلوازی هِمراه کُمِک هاکانه. اونی که رَهبِری کانده، این کارِ غیرتِ هِمراه هاکانه. و اونی که بَقیه ره رَحم و مِهروونی کانده، خِشالیِ هِمراه این کارِ هاکانه.

اوّلین نامِه قُرنتیانی سِه 14:26

پَس ای بِرارون منظور چیه؟ وَختی که هَمدییه هِمراه جَمع بونِنی، هر کی حمد و ثِناءِ سرودی، تعلیمی، مکاشفه‌ای، زِوونی و یا ترجمه‌ای دارنه. بییِلین اینا همه ایمونِ تقویتِ وِسه به‌کار بوره.

اوّلین نامِه قُرنتیانی سِه 14:3

ولی اونی که نَبِوَّت کانده، آدِمونِ هِمراه گَب زَنده، تا وِشونِ ایمونِ تَقویت و تَشویق هاکانه و اونا ره دِلداری هاده.

اوّلین نامِه قُرنتیانی سِه 14:6

اِسا اِی بِرارون، اگه مِن شِمه پَلی بِیِّم و دییه زِوون هائه هِمراه گَب بَزِنِم، چه مَنفِعتی شِما ره رِسِندِمبه، مگه اینکه مُکاشفه یا مَعرفت یا نَبِوَّت یا تعلیمی شِمه وِسه دارِم؟

اول تیموتائوس 4:16

خوار تِ حِواس، شه ره و اون تعلیمی که دِنی ره، بوئه. اینِ دِله پابرجا باش، چوون این کارِ هِمراه هم شه ره و هم اونایی که تِ گَبِ اِشنُنِنه ره نِجات دِنی.

اول تیموتائوس 4:6

اگه این چیا ره بِرارونِ یاد هادی، مَسیحْ عیسیِ نوکِر بونی، که ایمونِ کِلامِ دِله و خوارِ تَعلیم که اونِ دِمبال دَری تَربیت بونی.

دوم تیموتائوس 3:15

و چی طی از وَچِگی مِقدَّسِ نوِشته ها ره دونِسی که تونده تِ ره حِکمت هاده و ایمونِ طریق که مَسیحْ عیسیِ دِله دَره، نِجاتِ بَرِسه.

دوم تیموتائوس 4:2

خِدائه کِلامِ اِعلام هاکان و وَخت و بی وَخت آماده باش و خَله صبر و کاملِ تعلیمِ هِمراه، اِصلاح و سَراکو و تَشویق هاکان.

تیتوس 2:15

این چیا ره اِعلام هاکان و تِمومِ اقتدارِ هِمراه تَشویق و سَراکو هاکان، و نییِل هیچ کس تِ ره کِچیک بِشماره .