اول تیموتائوس 1:18 - کتاب مقدس به زبان مازندرانی - گویش شرقی

¹⁸ مِ وَچه، تیموتائوس، این حِکمِ طِبق اون نَبِوّتهایی که قبلاً تِ خَوِری بااوته بَییه بییه ره، تِ ره اِسپارِمبه تا اونائه ‌طریق اون خوارِ جنگِ اِنجام هادی،

گیله ماز

¹⁸ می وَچِه، تیموتائوس، این حُکمِ طبقِ اون نَبُوّت هایی که پیشتَر تی بارِه باَگوته هَبا با، تِرِه اِسِپاردِنَم، تا اوشانِ طریق اون خُجیرِ جنگِ انجام هَدی،

کتاب مقدس به زبان مازندرانی - گویش غربی

¹⁸ می وَچِه، تیموتائوس، هَین حِکمِ طبقِ هون نَبِوَّتهایی گه پِشتر تی خَوَری بُتِه بَوِه وِه رِه، تِرِه اِسپارمِه، تا اونِنی طریق هون خِبِ جنگِ اَنجام هادی،

اول تیموتائوس 1:18 Iomraidhean Croise

اعمال رَسولان 16:1

پولُس اَوِّل دِربِه و بعد لِستْرهِ شَهر بُورده. اونجه یِتا شاگِرد که وه اسمِ تیموتائوس بییه زندگی کارده که وه مار یَهودی و ایموندار بییه، ولی وه پییِر یونانی بییه.

اوّلین نامِه قُرنتیانی سِه 4:17

همینِ وِسه تیموتائوسِ که مِ عزیزِ وچه ئه و خِداوندِ دِله وِفادارِ ره شِمه پَلی بَفرِسیمه. تا مِ راه ها ره مَسیحْ عیسیِ دِله شِمه یاد بیاره، هَمون طی که اون راه ها ره تِمومِ کلیساهائه دِله، همه جا تَعلیم دِمبه.

اوّلین نامِه قُرنتیانی سِه 9:7

کِدوم سربازِ که شه خَرجیِ خِدمِتِ هاده؟ کیِ که یِتا انگور باغ دِرِس هاکانه و وه میوهِ جِم نَخُره؟ کیِ که یِتا گَلّه ره چَپونی هاکانه و وه شیرِ جِم نَخُره؟

فیلیپیان 2:22

ولی شِما دوندِنی که تیموتائوس شه آزمودِ پَس هِدا که چی طی مِ هِمراه، یِتا ریکائه واری، شه پییِرِ هِمراه، اِنجیلِ کارِ دِله خِدمِت هاکارده.

اول تیموتائوس 1:2

تیموتائوسِ وِسه، مِ حَییقی ریکا ایمونِ دِله: فِیض و رَحمِت و صِلح و سِلامتی خِدائه پییِر و اَمه خِداوند مَسیحْ عیسیِ طَرِفِ جِم شِمه وِسه بِیّه.

اول تیموتائوس 1:5

اَمه منظور این دستورِ جِم مِحبَّتِ، مِحبَّتی که پاکِ دِل، خوارِ وجدان و خالِصِ ایمونِ جِم اِنه.

اول تیموتائوس 4:14

اون عَطایی که تِ دِله دَره ره بی‌اعتنایی نَکِن، عَطایی که نَبِوّتِ هِمراه به دَس بیاردی، اون مووقه که مَشایخِ شورا تِ سَر دَس بییِشتِنه.

اول تیموتائوس 4:4

چوون هر چی که خِدا خَلق هاکارده، خوارِ و هیچی ره نَوِسه رَد هاکاردِن، اگه شِکر هاکاردِنِ هِمراه قبول بَووه،

اول تیموتائوس 6:20

ای تیموتائوس، اون اَمانتی که تِ ره بِسپارِسه بَییه ره حِفظ هاکان. مِفتِ گَب هائه جِم و مخالفِ فکرایی جِم که اشتباهاً، معرفت بااوته بونه، دوری هاکان؛

دوم تیموتائوس 1:2

مِ عزیزِ ریکا، تیموتائوسِ وِسه: فِیض و رَحمِت و صِلح و سِلامتی خِدائه پییِر و اَمه خِداوند مَسیحْ عیسیِ طَرِفِ جِم تِ وِسه بِیّه.

دوم تیموتائوس 4:7

مِن خوارِ جنگِ دِله بَجِنگِسِمه، شه مسابقه ره تِموم هاکاردِمه و شه ایمونِ حِفظ هاکاردِمه.

تیتوس 1:4

تیتوس وِسه، که طبقِ ایمونی که اِما همهِ نَصیب بَییه، مِ حَییقی وچه ئه: فِیض و صِلح و سِلامتی خِدائه پییِرِ و اَمه نِجات​دهنده مَسیحِ عیسیِ طَرِف جِم تِ وِسه بِیّه.

فیلیمون 1:10

شه وَچه اونیسیموسِ خَوِری که زِندونِ دِله وه پییِر بَیمه، تِ جِم یِتا خواهش دارمه.