اوّل تِسالونیکیان 5:9 - کتاب مقدس به زبان مازندرانی - گویش شرقی

⁹ چوون خِدا اِما ره غَضِبِ وِسه تعیین نَکارده، بلکه اَمه خِداوند عیسی مَسیحِ طریق، نِجات به دَس بیاردِنِ وِسه تعیین هاکارده،

گیله ماز

⁹ چون خُدا اَمَرِه غضبِ وَسین تعیین نَکُردِه، بلکه اَمی خُداوند عیسی مسیحِ طریق، نِجاتِ بِدَس بیاردنِ وَسین تعیین هَکُردِه

کتاب مقدس به زبان مازندرانی - گویش غربی

⁹ چون خِدا اَمارِه غضبی سِه تعیین نَکِردِه، بَلگی اَمِه خِداوند عیسی مسیحی طریق، نِجاتی بِدَس بیاردنی سِه تعیین هاکردِه

اوّل تِسالونیکیان 5:9 Iomraidhean Croise

اِنجیلِ مَتّی 26:24

اِنسانِ ریکا هَمون طی که وه خَوِری بَنوِشته بَییه، مییِرنه، ولی وای به حال اون کَس که انسانِ ریکا ره دِشمِنِ تَسلیم کانده. وه وِسه بهتر بییه که هیچ وَخت دِنیا نییَمو بییه.

اعمال رَسولان 1:20

«مَزامیرِ کِتابِ دِله بَنوِشته: « وه سِره خِرابه بَووه و دییه هیچ کس اونجه زندگی نَکِنه،“ و «وه مقام و مَنصبِ، یه نَفِر دییه گِرنه.“

اعمال رَسولان 1:25

تا این خِدمِت و رسول بییِنِ بَیره، خِدمِتی که یَهودا اونِ پَس بَزو و جایی که وه دِل دَییه بُورده.»

اعمال رَسولان 13:48

وَختی غیرِ یَهودیون اینِ بِشنُسِنه، خِشال بَینه و خِداوندِ کِلامِ حِرمت بییِشتِنه؛ و اونایی که اَبدی زندگی وِسه انتخاب بَییه بینه، ایمون بیاردِنه.

رومی ایشون 11:30

دِرِس همون‌طی که شِما یه وَختی نسبت به خِدا نافرمون بینی، ولی اَلان یَهودیونِ نافرمونیِ خاطِری، خِدائه رَحمت شِمه وِسه بییَمو،

رومی ایشون 11:7

بعد چی؟ اینکه اِسرائیلِ قوم اونچیِ که ذوق و شوقِ هِمراه وه دِمبال دَییه ره به‌دَس نیارده. اِنتخاب بَییه ها اونِ به‌دَس بیاردِنه و ولی بَقیه سَنگ دِل بَینه.

اوّل تِسالونیکیان 1:10

تا آسِمونِ جِم خِدائه ریکائه بییَموئِنِ اِنتظارِ بَکِشین، که خِدا مِرده هائه جِم وه ره زنده هاکارده، یعنی عیسی، که اِما ره اون غَضِبِ جِم که بعداً اِنه آزاد کانده.

اوّل تِسالونیکیان 3:3

تا هیچ‌کَس این سختیهائه وِسه سِست نَووه، چوون شِما شه خوار دوندِنی که اِما اینِ وِسه تَعیین بَیمی.

اول تیموتائوس 1:13

با اینکه قبلاً، کفر گاتِمه و عِذاب دامه و توهین کاردِمه، ولی مِ ره رَحم بَییه، چوون بی‌ایمونیِ دِله نادونی کاردِمه.

اول تیموتائوس 1:16

ولی اینِ خاطِری، مِ ره رَحم بَییه تا عیسی مَسیحْ شه کاملِ صَبرِ، مِ وِسه، که گِناهکارونِ دِله گَتتِرین بیمه ره سِراغ هاده، تا اونایی که ابدی زندگیِ وِسه وه ره ایمون یارنِنه ره سَرمَخش بَووِم.

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.

اول پِطرُس 2:10

قبلتر قومی نَبینی، ولی اَلان خِدائه قومِنی؛ یه مووقه خِدائه رحمِتِ جِم محروم بینی، ولی اَلان خِدائه رَحمِتِ بَییتینی.

اول پِطرُس 2:8

و هم، اِشعیائه کتابِ دِله بَنوِشته بَییه: «یِتا سَنگ که دَکِتِنِ باعث بَووه، و یِتا صخره‌ که دَکِتِن باعث بَووه.» وِشون کَفِنِنه چوون خِدائه کِلامِ جِم اِطاعت نَکاندِنه، هَمون طی که این کارِ وِسه تعیین بَینه.

پطرسی دِوّمین نامِه 1:1

شَمعونِ پِطرُسِ طَرِف جِم، عیسی مَسیحِ نوکِر و رَسول، کِسایی که خِدائه عِدالَتِ طریق و اَمه نجات‌دهنده عیسی مَسیح، ایمونی اَمه ایمونِ واری، وِشونِ نَصیب بَییه:

پطرسی دِوّمین نامِه 2:3

و شه طِمَعِ راهِ دِله، دِراغی گَب هائه هِمراه، شِما ره غارِت کاندِنه. وِشونِ محکومیت که قبلتر تعیین بَییه بییه، بیکار نَنیشته و وِشونِ نابودی نَخواته!

یهودائه نامه 1:4

چوون مَردِمی که وِشونِ مَحکومیت از قدیم تعیین بَییه، یواشِکی شِمه میون نفوذ هاکاردِنه. اینا بی دینونی هَسِنه که اَمه خِدائه فیضِ، به عیاشی تبدیل کاندِنه و عیسی مَسیح تنها اَرباب و اَمه خِداوندِ اِنکار کاندِنه.