اوّل تِسالونیکیان 5:18 - کتاب مقدس به زبان مازندرانی - گویش شرقی

¹⁸ هر وضعِ دِله شِکر هاکانین، چوون خِدائه خواسه مَسیحْ عیسیِ دِله، شِمه وِسه اینِ.

گیله ماز

¹⁸ هر وضعیت دِلِه شُکر هَکُنید، چون خُدایِ خواسِّه مسیحْ عیسی یِه دِلِه شیمی وَسین اینه.

کتاب مقدس به زبان مازندرانی - گویش غربی

¹⁸ هر وضعی دِلِه شِکر هاکِنین، چون خِدایی خواسِه مَسیحْ عیسایی دِلِه شِمِنِه هَینِه.

اوّل تِسالونیکیان 5:18 Iomraidhean Croise

اِفِسُسیان 5:20

هَمِش خِدائه پییِرِ، اَمه خِداوند عیسی مَسیحِ اسمِ هِمراه، همه چیِ وِسه شِکر هاکانین.

فیلیپیان 4:6

هیچیِ وِسه دلواپس نَبوئین، بلکه هر چیِ دِله، دِعا و خواهش تَمِنّا و شِکر هاکاردِنِ هِمراه، شه خواسه ها ره خِدا ره بارین.

کولُسیان 3:17

و هر کاری که کاندینی، چه بااوتِنِ دِله و چه رفتارِ دِله، همه ره خِداوندْ عیسیِ اسمِ هِمراه هاکانین، و وه طریق خِدائه پییِرِ شکر‌ هاکانین.

اوّل تِسالونیکیان 4:3

چوون خِدائه اِراده اینِ یعنی شِمه مِقدّس بییَن: که شه ره بی عفتیِ جِم دور دارین.

نامِه مَسیحینی عبرانی نِژادی سِه 13:15

پَس بِئین عیسیِ طریق همین طی یَک سَرِ شِکر هاکاردِنِ قِروونی ره خِدائه وِسه پیشکش هاکانیم. این قِروونی اون تِک هائه ثَمَرِئه که وه اسمِ اِعتراف کاندِنه.

اول پِطرُس 2:15

چوون خِدائه خواسه اینِ که، شه خواری هاکاردِنِ هِمراه، نادونِ مَردِمِ احمقانه گَبِ دَمِ بَیرین.

اول پِطرُس 4:2

و بَقیهِ عمرِ جِسمِ دِله، نا آدِمی هِوا و هوسِ هِمراه، بلکه خِدائه ارادهِ دِله زندگی کانده.

اوّل یوحنا 2:17

دِنیا و وه هِوا و هوس ها گُذِرنه، ولی اونی که خِدائه اِراده ره به جا یارنه، تا اَبد به جا موندِنه.