اوّل تِسالونیکیان 4:1 - کتاب مقدس به زبان مازندرانی - گویش شرقی

¹ سَر آخِر پَس، ای بِرارون، اِما خِداوند عیسیِ دِله شِمه جِم خوامبی و اِلتماس کامبی هَمون طی که اَمه جِم شِما ره بَرِسیه که چی طی وِنه زندگی هاکانین و خِدا ره راضی هاکانین، همین طی هم که اِنجام دِنِنی، این کارِ ویشتر و ویشتر هاکانین.

گیله ماز

¹ سَرآخر پس، اِی اَداشان، شما اَمی جی یاد بِیتین که چطور زندگی هَکونید تا خُدا رِه خوشحال هَکونید هَمینجورم که انجام دَنید. اَسِه خُداوند عیسی یِه دِلهِ شیمی جی خَنیم و اِلتماس کانیم هرچه بیشتر اینه باره تَقلّا هکونید.

کتاب مقدس به زبان مازندرانی - گویش غربی

¹ سَرآخر پس، اِی بِرارِن، اَما خِداوند عیسایی دِلِه شِمِه جا خوایمی و اِلتماس کِمّی هَمونجور گه اَمِه جا شِمارِ بَرسیِه گه چِتی وِنِه زندگی هاکِنین و خِدارِه راضی هاکِنین، هَمینجورم گه اَنجام دِنِنی، هَین کارِ ویشتَر و ویشتَر هاکِنین.

اوّل تِسالونیکیان 4:1 Iomraidhean Croise

اِنجیلِ یوحنا 15:2

هر اَنگور رَزی که میوه نیاره، مِ پییِر اونِ وِرینه، و هر اَنگور رَزی که میوه بیاره، اونِ هَرَس کانده تا وِیشتر میوه بیاره.

اعمال رَسولان 20:27

چوون مِن هیچ کسِ حَق کِتاهی نَکاردِمه بلکه خِدائه تِمومِ پیغومِ همه ره بَرِسِندیمه.

رومی ایشون 8:8

اونایی که جِسم وِشونِ سَر حِکم کانده، نَتوندِنه خِدا ره راضی هاکانِن.

اوّلین نامِه قُرنتیانی سِه 11:23

چوون مِن اونچی که شِما ره بِسپارِسِمه ره، خِداوندِ جِم بَییتِمه، که عیسیِ خِداوند اون شویی دِله که وه ره دِشمِنِ تَسلیم هاکاردِنه، نونِ بَییته

اوّلین نامِه قُرنتیانی سِه 15:1

اِی بِرارون، ولی اَلان خوامبه اِنجیلیِ که شِمه وِسه موعظه هاکاردِمه ره شِمه یاد بیارِم، هَمون اِنجیلی که قبول هاکاردینی و اونِ دِله قرص اِسّانی

اوّلین نامِه قُرنتیانی سِه 15:58

پَس، مِ عزیزِ بِرارون، پابرجا و پایدار بوئین، هَمش خِداوندِ کارِ ویشتر و ویشتر اِنجام هادین، چوون دوندِنی شِمه زَحمِت خِداوندِ دِله بیخودی نییه.

دوّمین نامه قرنتیانِ وَسین 10:1

مِن، پولُس شه، مَسیحِ نرمی و مهروونیِ هِمراه شِمه جِم خواهش کامبه- مِنی که شِمهِ جِم خَیلیا گانِنه وَختی شِمه پَلی دَرِمبه سَربِزیرِمه و اون مووقه که شِمه پَلی دَنیمه شجاعِمه!

دوّمین نامه قرنتیانِ وَسین 13:11

سرآخِر، ای بِرارون، خِشال بوئین. شِمه فکر این بوئه که اَی دِواره جان بَیرین و هَمدییه ره تَسِلّی هادین، هَمدییه هِمراه هم نَظِر بوئین؛ صِلح و سِلامتیِ دِله زندگی هاکانین؛ که خِدائه مِحَبَّت و صِلح و سِلامتی شِمه هِمراه موندِنه.

دوّمین نامه قرنتیانِ وَسین 5:9

پَس چه تَنِ دِله زندگی هاکانیم و چه اونِ جِم دور بوئیم، اَمه نیّت اینِ که وه ره راضی هاکانیم.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

غَلاطیان 6:1

ای بِرارون، اگه یه نَفِر یِتا خِطا هاکانه، شِما که خِدائه روحِ دارنِنی وِنه مِلایمِ روحِ هِمراه وه ره راسِ راهِ سَمت بَردِگاردِنین. با این وجود، تِ حِواس شه ره بوئه که وَسوسهِ دِله نَکِفی.

اِفِسُسیان 4:1

پَس مِن که خِداوندِ خاطِری زِندونِ دِله دَرِمبه، خواهش کامبه که شِمه رِفتار، اون دعوتی که شِمه جِم بَییه ئه، لایق بوئه.

اِفِسُسیان 4:20

ولی شِما این طی مَسیحِ یاد نَییتینی،

اِفِسُسیان 5:17

پَس نادون نَبوئین، بلکه بِفَهمین که خِداوندِ اِراده چیه.

فیلیپیان 1:27

فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

فیلیپیان 1:9

مِ دعا اینِ که شِمه مِحَبَّت ویشتر و ویشتر بَووه و معرفت و فَهمِ کاملِ هِمراه بوئه،

فیلیپیان 3:14

هدفِ بَرِسییِنِ وِسه تقلّا کامبه، تا جایزه ای‌ ره که خِدا اونِ مَسیحْ عیسیِ دِله مِ ره به بالا دَعوت هاکارده ره به دَس بیارِم.

کولُسیان 1:10

تا شِمه رِفتار، خِداوندِ لایق بوئه، و بَتونین وه ره کاملاً خِشال هاکانین: هر خوارِ کارِ دِله ثمر بیارین و خِدائه بِشناسییَنِ دِله رشد هاکانین

کولُسیان 2:6

پَس هَمون‌ طی که مَسیحْ عیسیِ خِداوندِ قبول هاکاردینی، وه دِله زندگی هاکانین:

اوّل تِسالونیکیان 3:12

و هَمون‌ طی که اَمه مِحَبَّت، شِما ره ویشتر بونه، خِداوند شِمه مِحَبَّتِ، هَمدییه ره و تِمومِ مَردِم وِسه زیاد و سَرمشت هاکانه.

اوّل تِسالونیکیان 4:2

چوون شِما دوندِنی که چه حِکم هایی خِداوند عیسیِ طریق، شِما ره هِدامی.

اوّل تِسالونیکیان 5:12

اِسا ای بِرارون، شِمه جِم خوامبی اونایی که شِمه میون زَحمِت کَشِنِنه و خِداوندِ دِله شِمه رَهبِر هَسِنه، و شِما ره نصیحت کاندِنه ره اِحترام بییِلین،

دوّم تِسالونیکیان 1:3

اِی بِرارون، اِما هَمش وِنه خِدا ره شِمه خاطِری شِکر هاکانیم، و دِرِس هم اینِ، چوون شِمه ایمون این طی رشد کانده و هر کِدوم از شِمائه مِحَبَّت هَمدییه ره ویشتر بونه.

دوّم تِسالونیکیان 2:1

اِسا اِی بِرارون، اَمه خِداوند عیسی مَسیحِ بردَگِردِسِن خَوِری و اَمه جَمع بَیِّن وه پَلی، شِمه جِم خواهش کامبی

دوّم تِسالونیکیان 3:1

سَر آخِر، اِی بِرارون، اَمه وِسه دِعا هاکانین تا خِداوندِ کِلام تِن پیش بوره و اونِ احترامِ دارِن، هَمون‌ طی که شِمه میون این طی بَییه،

دوّم تِسالونیکیان 3:13

و ولی شِما ای بِرارون، خواری هاکاردِنِ جِم خَسِّه نَووین.

اول تیموتائوس 5:21

خِدا و مَسیحْ عیسی و اِنتخاب بَییه فرشته هائه حِضور، تِ جِم خواهش کامبه که این قانونا ره بدونِ هیچ غرضی، رعایت هاکانی و هیچ کاری ره طَرِفداریِ سَر نَکِنی.

دوم تیموتائوس 4:1

مِن خِدا و مَسیحْ عیسیِ روب رو که مِرده ها و زنده ها ره داوِری کانده، و وه بییَموئِن و وه پادشاهی‌ِ خاطِری، تِ ره سفارش کامبه که

نامِه مَسیحینی عبرانی نِژادی سِه 11:6

و بدون ایمون نَبونه خِدا ره راضی هاکاردِن، چوون هر کی خِدا ره نزیک بونه، وِنه ایمون داره که وه دَره و اونایی که وه دِمبال گِردِنِنه، پاداش گِرنِنه.

نامِه مَسیحینی عبرانی نِژادی سِه 13:16

خواری هاکاردِنِ جِم و بَقیه ره شَریک هاکاردِن، اونچیِ دِله که دارنِنیِ جِم کِتاهی نَکِنین، چوون خِدا این طی قِروونی هائه جِم راضیِ.

نامِه مَسیحینی عبرانی نِژادی سِه 13:22

ای بِرارون، شِمه جِم خوامبه مِ گَبِ که پند و نصیحتِ ره تِحَمُّل هاکانین، چوون خلاصه شِمه وِسه بَنوِشتِمه.

پطرسی دِوّمین نامِه 3:18

بلکه اَمه خِداوند و نجات‌دهنده، عیسی مَسیحِ فِیض و بِشناسییِنِ دِله رشد هاکانین، که وه ره از اَلان تا اَبد جِلال بوئه! آمین.

اوّل یوحنا 3:22

و هر چی وه جِم بِخوائیم، گِرمی، چوون وه اَحکامِ عَمِل کامبی و اونچی که وه ره خِشال کانده ره کامبی.