اوّل تِسالونیکیان 3:5 - کتاب مقدس به زبان مازندرانی - گویش شرقی

⁵ اینِ وِسه، چوون دییه نَتونِسِمه طاقت بیارِم، تیموتائوسِ راهی هاکاردِمه تا شِمه ایمونِ جِم باخَوِر بَووِم، چوون اونِ تَرسِ داشتِمه که اون وسوسه‌گر یعنی اِبلیس یه جوری شِما ره وَسوسه هاکارده بوئه، و اَمه زَحمِت ‌هَدِر بورده بوئه.

گیله ماز

⁵ اینِه وَسین، چون دِ نَتَّنِسَّم طاقت بیارِم، تیموتائوسِ روانه هَکُردَم تا شیمی ایمان جی باخَبَر هَبوُم، چون اونه جی تَرسِنه بام که اون وَسوسِه گر یعنی اِبلیس یِجوری شِمِره وَسوسِه هَکُردهِ بو، وَ اَمیِ زَحمت هَدر بَشَه بو.

کتاب مقدس به زبان مازندرانی - گویش غربی

⁵ هَینِسه، چون دِ نَتِنسمِه طاقت بیارِم، تیموتائوسِ راهی هاکِردِمِه تا شِمِه ایمونی جا باخَوَر بَووم، چون اونی تَرسِ داشتِمِه گه هون وَسوسِه گر یَعنی اِبلیس یَجوری شِمارِ وَسوسِه هاکِرد وو، و اَمِه زَحمت هَدر بُورد وو.

اوّل تِسالونیکیان 3:5 Iomraidhean Croise

اِنجیلِ مَتّی 4:3

اون وَخت وَسوسه گَر وه ره نَزیک بَییه بااوته: «اَگه تِ خدائه ریکایی، این سَنگا ره بار نون بَووِن.»

اعمال رَسولان 15:36

بعد از چَن وَخت، پولُس، بَرنابا ره بااوته: «اون شهرهایی که خِداوندِ کِلامِ اونجه اِعلام هاکاردیمی، بَردَگِردیم و بِرارونِ سَر بَزِنیم تا بَوینیم چه وَضعی دارنِنه.»

اوّلین نامِه قُرنتیانی سِه 7:5

هَمدییه ره بی نَصیب نییِلین، به جِز اینکه اَت کم و هَمدییهِ رضایتِ هِمراه بوئه تا شه وَختِ دِعائه وِسه بییِلین. ولی بعد اَی هم هَمدییه هِمراه دَووین، نَکِنه شِیطان شِما ره اینِ خاطِری که نَتوندِنی شه دَمِ دارین وَسوسهِ دِله دم هاده.

دوّمین نامه قرنتیانِ وَسین 2:11

تا شیطان اِما ره گول نَزِنه، چوون اِما وه نخشه هائه جِم بی خَوِر نیمی.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

غَلاطیان 2:2

مِن یِتا مکاشِفهِ خاطری بییه که بوردِمه. و اِنجیلی که غیریَهودیونِ دِله موعظه کارده بیمه ره وِشونِ وِسه توضیح دامه؛ البته خلوتِ دِله، و فِقط وِشونی که مِ نَظِر با نفوذ بینه ره بااوتِمه، چوون نگرون بیمه که نَکِنه بی خودی دوو بَییته بوئِم.

غَلاطیان 4:11

تَرسِمبه زَحمِتی که شِمه وِسه بَکِشیمه، بیخودی بوئه.

اِفِسُسیان 4:14

پَس دییه کچیکِ وَچونِ واری نَبومبی که موج هائه هِمراه هر طَرِف پرتاب بَوویم و جورواجورِ تعالیم و آدِمونِ دوز و کَلِکِ وا، اون نخشه‌هایی دِله که گمراهیِ وِسه کَشِنِنه، اِما ره این‌ طَرِفِ و اون طَرِف بَوِره.

فیلیپیان 2:16

زندگی کِلامِ قایم دارین، تا مَسیحِ بَردَگِردِسِنِ روزِ دِله اِفتخار هاکانِم که بیخودی دوو نَییتِمه و بیخودی زحمِت نَکِشیمه.

فیلیپیان 2:19

خِداوندْ عیسیِ دِله امید دارمه که تیموتائوسِ خله زود شِمه پَلی بَفرِسِم تا شِمه حال و اَحوالِ جِم با خَوِر بَووِم و مِ دِل خِشال بَووه.

اوّل تِسالونیکیان 2:1

ای بِرارون، شِما شه دوندِنی که اَمه بییَموئِن شِمه پَلی بیخودی نَییه.

اوّل تِسالونیکیان 3:6

ولی اِسا که تیموتائوس شِمه پَلیِ جِم اَمه پَلی بَردَگِردِسه و شِمه ایمون و مِحبَّتِ جِم، اَمه وِسه خوارِ خَوِر بیارده. و خَوِر هِدا که شِما هَمِش اَمه جِم خواریِ هِمراه یاد کاندینی و اَمه بَدیئِنِ وِسه ذوق دارنِنی، هَمون طی که اِما هم شِمه بَدیئِنِ وِسه ذوق دارمی.