اوّل تِسالونیکیان 3:11 - کتاب مقدس به زبان مازندرانی - گویش شرقی

¹¹ اِسا اَمه پییِر، شه خِدا و اَمه خِداوند عیسی، اَمه راهِ شِمه سَمت بَکِشونه

گیله ماز

¹¹ اَسِه اَمیی پیَر، خودِ خُدا، و اَمی خُداوند عیسی، اَمیی راهِ شیمی سَمت هموار هَکونه.

کتاب مقدس به زبان مازندرانی - گویش غربی

¹¹ اِسا اَمِه پیر، شِه خِدا، و اَمِه خِداوند عیسی، اَمِه راهِ شِمِه سَمت بَکِشانِه.

اوّل تِسالونیکیان 3:11 Iomraidhean Croise

اِنجیلِ مَتّی 6:14

«چوون اَگه شِما مَردِمِ خَطا ره بِبَخشین، شِمه آسِمونی پییِر هَم شِما ره بَخشِنه.

اِنجیلِ مَتّی 6:18

تا مَردِم نِفَهمِن تِ روزه دارنی، بلکه فِقَط تِ پییِر كه پِنهونِ، اونِ دونده، پییِری كه هیچ چی وه دیدِ جِم قایِم نییه، تِ ره اَجر دِنه.

اِنجیلِ مَتّی 6:26

پَرِنده ها ره هارِشین: وِشون نا کارِنِنه، نا دِرو کاندِنه و نا اِمباری دِله اِمبار کاندِنه، با این وجود شِمه آسِمونی پییِر وِشونِ روزی ره دِنه. مَگه شِمه ارزِش وِشونِ جِم ویشتَر نییه؟

اِنجیلِ مَتّی 6:32

چوون این دِنیائه تِمومِ قوما، این چیائه دِمبال دَرِنه، ولی شِمه آسِمونی پییِر دونده كه شِما تِمومِ این چیا ره اِحتیاج دارنِنی.

اِنجیلِ مَتّی 6:4

تا تِ کُمِک جا هِدا بَمونه و تِ آسِمونی پییِر که جا هِدا چی ره وینده، تِ ره اَجر دِنه.

اِنجیلِ مَتّی 6:6

هَر وَخت تِ دِعا کاندی شه اُتاقِ دِله بور، دَرِّ دَوِند و شه نَدیئه پییِرِ پَلی دِعا هاکان. تِ آسِمونی پییِر که هر جا هِدا چی ره وینده، تِ ره اَجر دِنه .

مَرقُس 1:3

یه نَفِر صَحرائه دِله داد زَنده: ”خِداوندِ راهِ آماده هاکانین! وه راه ها ره هِموار هاکانین»

لوقا 12:30

چوون این دِنیائه خِدانَشناسِ مَردِم، این چیائه دِمبال دَرِنه، ولی شِمه پییِر که آسِمونِ دِله دَره دونده که شِما، همهِ اینا ره احتیاج دارنِنی.

لوقا 12:32

«ای کِچیکِ گَلّه، نَتِرسین، چوون شِمه آسِمونی پییِرِ خِشالی، اینِ که پادشاهی ره شِما ره هاده.

اِنجیلِ یوحنا 20:17

عیسی وه ره بااوته: «مِ کَش نَخُر، چوون هَمتی پییِرِ پَلی بالا نَشیمه. ولی مِ بِرارونِ پَلی بور و وِشونِ بار که مِن شه پییِر و شِمه پییِر و شه خِدا و شِمه خِدائه پَلی شومبه.»

رومی ایشون 1:3

و وه ریکائه خَوِری، که جسماً داوودِ نَسلِ جِم دِنیا بییَمو،

دوّمین نامه قرنتیانِ وَسین 6:18

«مِن شِمه پییِر بومبه و شِما مِ ریکائون و کیجائون بونِنی، خِداوندِ قادرِ مطلق اینِ گانه.»

غَلاطیان 1:4

که شه جانِ اَمه گِناهونِ وِسه هِدا تا اَمه پییِر و خِدائه ارادهِ هِمراه، این شرِّ دورانِ جِم آزاد هاکانه.

کولُسیان 1:2

مَسیحِ دِلهِ مِقدّسین و وِفادارِ بِرارون که کولُسیِ شَهرِ دِله دَرِنه: فِیض و صِلح و سِلامتی، اَمه پییِر خِدائه طَرِفِ جِم، شِمه وِسه بِیّه.

اوّل تِسالونیکیان 3:13

و شِمه دِلِ پایدار هاکانه، تا اون مووقه که اَمه خِداوند عیسی، شه تِمومِ مقدّسینِ هِمراه اِنه، اَمه خِدا، آسِمونی پییِرِ حِضور بی عیب و مِقَدَّس بوئین.

اوّل تِسالونیکیان 4:16

چوون خِداوند شه، یِتا حِکم که بِلِندِ دادِ هِمراهِ، فرشته هائه رَئیسِ صدائه هِمراه و خِدائه شیپورِ صدائه هِمراه، آسمونِ جِم جِر اِنه. و اَوِّل مِرده ها، مَسیحِ دِله زنده بونِنه.

اوّل تِسالونیکیان 5:23

اِسا خِدائه صِلح و سِلامتی، شه شِما ره کاملاً تَقدیس هاکانه و شِمه روح و جان و تَن، تا اَمه خِداوند عیسی مَسیحِ بییَموئِنِ مووقه بی‌عیب بَمونه.

دوّم تِسالونیکیان 2:16

اِسا، شه اَمه خِداوند عیسی مَسیح و اَمه پییِر خِدا که اِما ره دوس داشته و فیضِ طریق، اِما ره اَبدی تَسلّی و خوارِ امید هِدا

دوّم تِسالونیکیان 3:16

اِسا، خداوندِ صِلح و سِلامتی، شه، هر مووقه و هر وضعِ دِله شِما ره صِلح و سِلامتی دِنه. خِداوند شِما همهِ هِمراه دَووه.

دوّم تِسالونیکیان 3:5

خِداوند شِمه دِل ها ره، خِدائه مِحَبَّت و مَسیحِ پایداری هِمراه هدایت هاکانه.

اوّل یوحنا 3:1

هارِشین پییِر چَنده اِما ره مِحَبَّت هاکارده تا خِدائه وَچون بااوته بَوویم! و همین طی هم هَسیمی! اینِ وِسه ئه که دِنیا اِما ره نِشناسِنه، چوون که وه ره نِشناسیه.

یوحنایِ مکاشفه 21:3

و تَختِ جِم، یِتا بِلِندِ صِدا بِشنُسِمه که گاته: «هارِش، خِدائه سِره آدِمونِ هِمرائه، و وه وِشونِ هِمراه موندِنه؛ و وِشون وه قوم بونِنه، و خِدا شه وِشونِ هِمرائه و وِشونِ خِدا بونه.