اوّل تِسالونیکیان 2:18 - کتاب مقدس به زبان مازندرانی - گویش شرقی

¹⁸ چوون اِما خواسیمی شِمه پَلی بِئیم - مِن، شه پولُس، چَن کَش خواسِمه بِیِّم - ولی شیطان نییِشته.

گیله ماز

¹⁸ چون اَما خَسّیم شیمی ورجه بیئیم - مَن، خودَم پولُس، چَن دفه خَسَّم بییَم - ولی شِیطان نُذاشته.

کتاب مقدس به زبان مازندرانی - گویش غربی

¹⁸ چون اَما خوایسِمی شِمه وَر بیئیم - مِن، شِه پولُس، چَن کَش خوایسِمه بیئِم - ولی شِیطان نِشتِه.

اوّل تِسالونیکیان 2:18 Iomraidhean Croise

اِنجیلِ مَتّی 4:10

عیسی اِبلیسِ بااوته: «دور بَواش اِی شِیطان! توراتِ دِله بَنوِشته بَییه: «”خِداوَند، شه خِدا ره وِنه پَرَسِش هاکانی و فِقَط وه ره خِدمِت هاکانی.“»

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 15:22

همینِ خاطِریِ که چَن کَش خواسِمه شِمه پَلی بِیِّم، ولی نَییه.

اوّلین نامِه قُرنتیانی سِه 16:21

مِن، پولُس، شه دَسِ هِمراه این سِلامِ شِمه وِسه نِویسِمبه.

فیلیپیان 4:16

حَتَّی اون مووقه که تِسالونیکیِ شَهرِ دِله دَیمه، شِما مِ احتیاجاتِ وِسه، کُمِک بَفرِسینی، اَی هم بَفرِسینی.

کولُسیان 4:18

مِن، پولُس، این سلامِ شه دَسِ هِمراه نِویسِمبه. مِ زَنجیلا ره این زِندونِ دِله شه یاد بیارین. فِیض شِمه هِمراه دَووه.

دوّم تِسالونیکیان 3:17

مِن، پولُس، شه دَسِ هِمراه این سِلامِ نِویسِمبه. این تِمومِ مِ نامه‌هائه نشونه ئه. مِن این طی نِویسِمبه.

فیلیمون 1:9

با این وجود، مِحَبَّتِ خاطِری صِلاح دومبه تِ جِم خواهش هاکانِم. مِن، پولُس که یِتا پیرمَردیمه و اَلان هم مَسیحْ عیسیِ زندونیمه،

یوحنایِ مکاشفه 2:10

اون عِذاب هائه جِم که خَله زود کَشِنی، نَتِرس. هارِش، اِبلیس خَله زود شِمه جِم بَعضیا ره زِندونِ دِله دِم دِنه تا آزمود بَووین و ده روز عِذاب بَکِشین. تا مَرگ وِفادار بَمون، که مِن زندگیِ تاجِ تِ ره دِمبه.