اوّل تِسالونیکیان 2:15 - کتاب مقدس به زبان مازندرانی - گویش شرقی

¹⁵ وِشون که خِداوند عیسی و پِیغَمبِرونِ بَکوشتِنه و اِما ره هم بیرون هاکاردِنه. وِشون خِدا ره راضی نَکاندِنه و تِمومِ مَردِمِ هِمراه دِشمِنی کاندِنه،

گیله ماز

¹⁵ اوشانَ جی که خُداوند عیسی و پیغمبَرانِ بَکوشتَن و اَمَرِه هَم دِرگا هَکُردَن. اوشان خُدا رِه راضی نُکانَن و تمام مَردُم هَمرَه دُشمَنی کانَن،

کتاب مقدس به زبان مازندرانی - گویش غربی

¹⁵ وِشون گه خِداوند عیسی و پِیغمبَرِنِ بَکوشتِنِه و اَمارِه هَم دیرگا هاکِردِنِه. وِشون خِدارِه راضی نَکِنِنِه و دِشتِه مَردِنی هَمرا دِشمَنی کِنِنِه،

اوّل تِسالونیکیان 2:15 Iomraidhean Croise

اِنجیلِ مَتّی 23:37

«اِی اورشَلیم، اِی اورشَلیم، اِی شَهری که پِیغَمبِرونِ کُشِنی و رَسولونِ سَنگسار کاندی! چَن کَش خواسِمه کِجِ کِرکِ واری که شه چینیکاها ره شه پَر و بالِ بِن گِرنه تِ وَچونِ جَمع هاکانِم، ولی نِخواسی.

اِنجیلِ مَتّی 27:25

تِمومِ مَردِم جِواب هِدانه: «وه خون اَمه گَردِن و اَمه وَچونِ گَردِن دَووه!»

اِنجیلِ مَتّی 5:12

خِشال بوئین و خَله شادی هاکانین، چوون آسِمونِ دِله شِمه اَجر زیادِ، چوون پِیغَمبِرونی که شِمه جِم قبلتر دَیینه ره هَم همین طی ظِلم رِسِندینه.

لوقا 24:20

ولی اَمه مَعبدِ گَت گَتِ کاهِنون و رَئیسون وه ره تَسلیم هاکاردِنه تا مَرگِ مَحکوم بَووه و وه ره مَصلوب هاکاردِنه.

اعمال رَسولان 12:3

و وَختی بَدیئه که یَهودیون این کارِ جِم خِشال بَینه، پِطرُسِ هم دسگیر هاکارده، این کار فطیرِ عیدِ مووقه اِتّفاق دَکِته.

اعمال رَسولان 2:23

این عیسی طِبق خِدائه اِراده و نَخشه، شِمه تَسلیم بَییه و شِما کافِرونِ دَس وه ره صلیب بَکِشینی و بَکوشتینی.

اعمال رَسولان 3:15

شِما زندگیِ سرچشمه ره بَکوشتینی، ولی خِدا وه ره مِرده هائه جِم زِنده هاکارده و اِما اینِ شاهِدیمی.

اعمال رَسولان 4:10

پَس شِما همه و تِمومِ یَهودِ مَردِم بَدونین که عیسیِ مَسیحِ ناصریِ اسمِ هِمراهِ که این مَردی شِمهِ پَلی سالِم اِیست هاکارده، هَمونِ اسمِ هِمراه که شِما وه ره صلیبِ بَکِشینی، ولی خِدا وه ره مِرده هائه جِم زنده هاکارده.

اعمال رَسولان 5:30

اَمه پییِرونِ خِدا، هَمون عیسی که شِما صلیبِ بَکِشینی و بَکوشتینی ره مِرده هائه جِم زنده هاکارده

اعمال رَسولان 7:52

کِدوم یِتا از پِیغَمبرونِ که شِمه پییِرونِ دَسِ جِم آزار نَدیئه بوئه؟ وِشون پِیغَمبِرونی ره که اون صالحِ ظِهورِ پیشگویی هاکارده بینه ره بَکوشتِنه؛ و اَلان شِما شه وه ره تَسلیم هاکاردینی و وه ره بَکوشتینی،

اوّلین نامِه قُرنتیانی سِه 10:5

با این وجود، خِدا ویشترِ وِشونِ جِم راضی نَییه، اینِ وِسه وِشونِ جنازه ها تِمومِ صَحرائه دِله پَخشِ پلا بَییه.

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛