اوّل تِسالونیکیان 2:10 - کتاب مقدس به زبان مازندرانی - گویش شرقی

¹⁰ شِما شاهدِنی و خِدا هم شاهدِ که اِما شِما ایموندارونِ هِمراه چی طی مِقَدَّس و صالح و بی عیب رِفتار هاکاردیمی.

گیله ماز

¹⁰ شُما شاهِدین و خُدا هم شاهدِ که اَما چِطور شُما ایماندارانِ هَمرَه مُقدّس و صالح و بی عیب رفتار هَکُردیم.

کتاب مقدس به زبان مازندرانی - گویش غربی

¹⁰ شِما شاهِدِنی و خِدا هَم شاهدِ گه اَما شِما ایموندارنی هَمرا چِتی مِقدّس و صالح و بی عیب رفتار هاکِردِمی.

اوّل تِسالونیکیان 2:10 Iomraidhean Croise

لوقا 23:41

اَمه مِکافات به حَقِّ، چوون اَمه اَعمالِ سزائه. ولی این مَردی هیچ خِطایی نَکارده.»

اعمال رَسولان 20:18

وَختی بییَمونه، پولُس وِشونِ بااوته: «شِما شه هم خَوِر دارنِنی که هَمون اَوِّلین روز که آسیائه مَنطقهِ دِله لینگ بییِشتِمه، چی طی شه تِمومِ وَختِ شِمه هِمراه سَر هاکاردِمه.

اعمال رَسولان 20:26

پَس اَمروز شِمه وِسه شِهادت دِمبه که مِن همهِ خونِ جِم پاکِمه،

اعمال رَسولان 24:16

اینِ وِسه، خَله تَقِلّا کامبه تا خِدا و مَردِمِ پَلی پاکِ وجدانِ هِمراه زندگی هاکانِم.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

دوّمین نامه قرنتیانِ وَسین 11:11

و چه وِسه؟ یعنی این که شِما ره دوس نِدارمه؟ خِدا دونده که شِما ره دوس دارمه!

دوّمین نامه قرنتیانِ وَسین 11:31

خِداوند عیسیِ پییِر، خِدا که وه ره تا اَبد شِکر گامبه، دونده که دِراغ نَزِمبه.

دوّمین نامه قرنتیانِ وَسین 4:2

بلکه جا هِدا و شرم آور راه هائه جِم دوری هاکاردیمی و حِقّه بازیِ هِمراه رِفتار نَکامبی و خِدائه کِلامِ دَسکاری نَکامبی، بلکه حَییقتِ، آشکارا گامبی و تَقِلّا کامبی خِدائه حِضور، همهِ وجدانِ پَلی، تایید بَوویم.

دوّمین نامه قرنتیانِ وَسین 5:11

پَس چوون خِداوندِ تَرسِ مَعنی ره دومبی، مَردِمِ قانع کامبی. ولی اونچی هَسیمی خِدائه وِسه دیارِ و اُمید دارمه شِمه وجدانِ وِسه هم دیار بوئه.

دوّمین نامه قرنتیانِ وَسین 7:2

اِما ره شه دلِ دِله جا هادین. اِما هیچ کیِ حَق، بَدی نَکاردیمی، هیچ کیِ خِراب نَکاردیمی و هیچ کیِ جِم سوء استفاده نَکاردیمی.

اوّل تِسالونیکیان 1:5

چوون اَمه اِنجیل فِقَط گَبِ هِمراه شِما ره نَرِسیه، بلکه قِوَّت دِله و روح‌القدسِ دِله و اطمینانِ کاملِ هِمراه شِما ره بَرِسیه، هَمون طی که دوندِنی شِمه خاطِری چی طی شِمه میون رِفتار هاکاردیمی.

اوّل تِسالونیکیان 2:5

چوون اِما هیچ وَخت چاپلوسیِ هِمراه گَب نَزومی، هَمون طی که دوندِنی، خِدا سَر شاهدِ- اَمه گَب طِمَعِ بهونه وِسه نَییه.

دوّم تِسالونیکیان 3:7

چوون شِما شه دوندِنی که چی طی وِنه اَمه جِم سرمخش بَیرین. چوون اون مووقه ای که اِما شِمه هِمراه دَیمی، تَنبِل نَبیمی

اول تیموتائوس 4:12

نییِل تِ جَوونی ره هیچ‌کی کِچیک بِشماره، بلکه گَب بَزوئِنِ دِله، کِردارِ دِله، مِحبّتِ دِله، ایمونِ دِله و پاکیِ دِله، تِمومِ ایموندارونِ وِسه سرمخش باش.

دوم تیموتائوس 3:10

ولی تِ، مِ تَعلیم و مِ رِفتار و مِ هدف و مِ ایمون و مِ صَبر و مِ مِحَبَّت و مِ طاقتِ از نزدیک شاهد بیئی

اول پِطرُس 5:3

نا اینکه کِسایی ره که شِمه ‌دَس بِسپارِسه بَینه ره، سروری هاکانین، بلکه اون گلّهِ وِسه نمونه بوئین،