اول پِطرُس 5:9 - کتاب مقدس به زبان مازندرانی - گویش شرقی

⁹ وه روب رو اِیست هاکانین و ایمونِ دِله پابرجا بوئین، چوون دوندِنی که شِمه بِرارون دِنیائه دِله این عِذاب هائه هِمراه روب رونه.

گیله ماز

⁹ اونه پِیش بییَسید، ایمان دِلهِ پابرجا هَبین، چون دانید که شیمی اَداشان دُنیایِ دِلهِ این عذابانِ هَمرَه روبِروئِن.

کتاب مقدس به زبان مازندرانی - گویش غربی

⁹ وی پِش هِرِسین، ایمونی دِلِه پابرجا ووئین، چون دِنِّنی گه شِمِه بِرارِن دِنیایی دِلِه هَین عذابایی هَمرا روبِرونِه.

اول پِطرُس 5:9 Iomraidhean Croise

لوقا 22:32

ولی مِن تِ وِسه دِعا هاکاردِمه تا تِ ایمون از بین نَشوئه. پَس وَختی که اَی بَردَگِردِسی، شه بِرارونِ قِوَّت هاده.»

اِنجیلِ یوحنا 16:33

اینا ره شِما ره بااوتِمه تا مِ دِله آرامش دارین. دِنیائه دِله زَحمِت و عِذاب، شِمه وِسه دَره؛ ولی شِمه دِل قِرص بوئه، چوون مِن دِنیا ره پیروز بَیمه.»

اعمال رَسولان 14:22

اون شهرهائه دِله شاگردونِ جانِ قِوَّت هِدانه، وِشونِ تَشویق کاردنه شه ایمونِ دِله بَمونِن و نصیحت کاردِنه که «وِنه خَله مِصیبت ها ره تِحَمُّل هاکانیم تا خِدائه پادشاهی دِله بُوریم.»

اوّلین نامِه قُرنتیانی سِه 10:13

هیچ آزمودی شِمه وِسه نییَمو که بَقیه آدِمونِ وِسه نییَمو بوئه. خِدا وِفادارِ؛ وه نییِلنه شه تِوانِ جِم ویشتر، آزمود بَووین، ولی آزمودِ دِله، یِتا راه فِرار هم اییِلنه تا شِما بَتونین طاقِت بیارین.

اِفِسُسیان 4:27

و اِبلیسِ فرصت نَدین.

اِفِسُسیان 6:16

هر وضعِ دِله، ایمونِ سِپَرِ بَیرین، تا بَتونین اونِ هِمراه، اون شَریرِ، تِمومِ تَش دارِ تیرها ره دَکوشین.

کولُسیان 2:5

چوون هرچَن جسماً شِمه پَلی دَنیمه ولی روحِ دِله شِمه هِمراه دَرِمبه، و شِمه منظم و قرصِ ایمون که مَسیحِ دارنِنی ره، ویمبه، خِشالِمه.

اوّل تِسالونیکیان 3:3

تا هیچ‌کَس این سختیهائه وِسه سِست نَووه، چوون شِما شه خوار دوندِنی که اِما اینِ وِسه تَعیین بَیمی.

اول تیموتائوس 6:12

ایمونِ خوارِ جنگِ دِله جَنگ هاکان. اون اَبدی زندگی که اونِ وِسه دَعوِت بَئی و اونِ خَله از شاهِدونِ پَلی، اِعترافِ هاکاردی ره، بَچِسب.

دوم تیموتائوس 3:12

راس راسی، تِمومِ اونایی که بِخوائِن مَسیحْ عیسیِ دِله دینداریِ هِمراه زندگی هاکانِن، عِذاب کَشِنِنه؛

دوم تیموتائوس 4:7

مِن خوارِ جنگِ دِله بَجِنگِسِمه، شه مسابقه ره تِموم هاکاردِمه و شه ایمونِ حِفظ هاکاردِمه.

نامِه مَسیحینی عبرانی نِژادی سِه 11:33

که ایمونِ هِمراه، مملکت ها ره فتح هاکاردِنه، عِدالَتِ برقِرار هاکاردِنه، و وعده‌ها ره به‌دَس بیاردِنه؛ شیرهائه دِهونِ دَوِسِنه،

نامِه مَسیحینی عبرانی نِژادی سِه 12:8

اگه شِما تریبت نَینی، در حالی که همه اونِ جِم سهمی داشتِنه، پَس شِما حروومزادِنی، نا حَییقی ریکائون.

یعقوبِ نامه 4:7

پَس شه ره خِدائه تَسلیم هاکانین. ابلیسِ روب رو اِیست هاکانین و وه شِمه جِم دَر شونه.

اول پِطرُس 1:6

و اینِ خاطِری خَله خِشالِنی، هر چَن مجبور بَینی یه مِدّتِ کِتاه جورواجورِ آزمودهائه دله غم و غصّهِ جِم پِر بَووین،

اول پِطرُس 2:21

چوون، شِما اینِ وِسه دَعوِت بَینی، چوون مَسیح هم شِمه وِسه عِذاب بَکِشیه و شِمه وِسه یِتا سَرمخش بییِشته تا اون راهی که وه بورده شِما هم بورین.

اول پِطرُس 3:14

ولی اگه حَتّی صالح بییَنِ وِسه عِذاب بَکِشینی، بَرکَت گِرنِنی! «اونچیِ جِم که وِشون تَرسِنِنه، شِما نَتِرسین و دِلواپس نَبوئین.»

اول پِطرُس 4:13

بلکه اینِ وِسه که مَسیحِ عِذاب هائه دِله شَریک بَینی، خِشال بوئین تا اون مووقه که وه جِلال دیار بَووه، شِما هم خِشالی هاکانین و شاد بوئین.

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.

یوحنایِ مکاشفه 6:11

و هر کِدوم از وِشونِ، اسبهِ قَوا هِدا بَییه و وِشونِ بااوته بَییه که اَت کم ویشتر آروم بَیرین تا وِشونِ هم خِدمتون و بِرارونِ تعداد که قرارِ وِشونِ واری بَکوشته بَووِن، کامل بَووه.

یوحنایِ مکاشفه 7:14

مِن وه ره جواب هِدامه: «اِی آقا، اینِ تِ دوندی» و وه مِ ره بااوته: «اینا همونایینه که اون گَتِ عِذابِ جِم بیرون بییَمونه و شه قواها ره وَرهِ خونِ دِله بَشُسِنه و اسبه هاکاردِنه.