اول پِطرُس 5:13 - کتاب مقدس به زبان مازندرانی - گویش شرقی

¹³ خواخِری که بابِلِ دِله دَره، وه که شِمه واری انتخاب بَییه شِمه وِسه سِلام رِسِندِنه و همین طی مِ ریکا مَرقُس.

گیله ماز

¹³ خاخُری که بابِلِ دِلِه دَرِه، اونیکه شیمی مِثان اِنتخاب هَبا، و همینجور می ریکا مَرقُس شِمِرِه سلام رِساندِنِن

کتاب مقدس به زبان مازندرانی - گویش غربی

¹³ خاخِری گه بابِلی دِلِه دَرِه، ویگه شِمِه تَرا اِنتخاب بَوِه، شِمِنِه سلام رَسانِّه و همینجور می ریکا مَرقُس.

اول پِطرُس 5:13 Iomraidhean Croise

اعمال رَسولان 12:12

وَختی پِطرُس اینِ بِفَهمِسه، مریِم، یوحنائه مَعروف به مَرقُسِ مارِ سِره بُورده. اونجه خَله مَردِم جَمع بَییه بینه و دَینه دِعا کاردِنه.

اعمال رَسولان 12:25

وَختی بَرنابا و شائول شه مأموریتِ تِموم هاکاردِنه، اورشَلیمِ جِم بَردَگِردِسِنه و یوحنائه مَعروف به مَرقُسِ هَم شه هِمراه بیاردِنه.

اعمال رَسولان 15:37

بَرنابا خواسه یوحنائه معروف به مَرقُس هَم وِشونِ هِمراه بوره،

اعمال رَسولان 15:39

اونجه پولُس و بَرنابائه میون بَدجور اِختلاف دَکِته که هَمدییه جِم سیوا بَینه. برنابا، مَرقُسِ بَییته و دریائه راهِ جِم قِبرس بوردِنه؛

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

فیلیمون 1:24

همین طی مِ همکارون، مَرقُس، آریستارخوس، دیماس و لوقا تِ وِسه سِلام رِسِندِنِنه.

دوم یوحنا 1:1

شیخِ جِم، مِحتَرَمِ خانِم و وه وَچونِ که ’حَییقَتِ‘ دِله وِشونِ دوس دارمه - و نا فِقَط مِن، بلکه تِمومِ اونایی که حَییقَتِ بِشناسینه -

دوم یوحنا 1:13

تِ مِحتَرَمِ خواخِرِ وَچون، تِ وِسه سِلام رِسِندِنِنه.[آمین!]

یوحنایِ مکاشفه 17:5

و وه پیشونیِ سَر این مرموزِ اسم بَنوِشته بَییه بییه: «گَتِ بابِل، فاحشه ها و زِمینِ زِشتی هائه مار.»

یوحنایِ مکاشفه 18:2

یِتا بِلِندِ صِدائه هِمراه داد بَزو که: «له بورده! گَتِ بابِل له بورده! اون دیوهائه سِره بَییه! و هر ناپاکِ اِرواحِ مَقَر، و هر ناپاک پَرِندهِ کِلی و هر وحشی جانورِ کِلی که ناپاک و نفرت انگیزِ.