اول پِطرُس 3:15 - کتاب مقدس به زبان مازندرانی - گویش شرقی

¹⁵ بلکه شه دلِ دِله خِداوند مَسیحِ، قُدّوس بِشمارین و وه ره اِحترام بییِلین و هَمِش آماده بوئین تا هر کی اون امیدِ دلیلِ، که شِمه دِله دَره ره، بَپِرسه، وه ره جِواب هادین، البته اِحترام و نرمیِ هِمراه.

گیله ماز

¹⁵ بلکه شیمی دِلِ میَن خُداوند مَسیحِ قدّوس بِشمارین و اونه احترام بَنین و هَمَش آمادِه هَبین تا هر کی اون اُمیدِ دلیل که شِیمی دِلِه میَن دَرِه رِه بَپُرسِه، اونه جَواب هَدین، اَلبَتَر احترام و نرمی یه هَمرَه.

کتاب مقدس به زبان مازندرانی - گویش غربی

¹⁵ بَلگی شی دِلی دِلِه خِداوند مَسیحِ قدّوس بِشمارین و وِرِه احترام بِلین و هَمِش آمادِه ووئین تا هر کی هون اِمیدی دلیل گه شِمِه دِلی دِلِه دَرِه رِه بَپُرسِه، وِرِه جِوابِ هادین، اَلبتِه احترام و نرمی ای هَمرا.

اول پِطرُس 3:15 Iomraidhean Croise

اعمال رَسولان 21:39

پولُس جِواب هِدا: «مِن یَهودیمه و کیلیکیهِ تارسوسِ ‌جِم هَسِمه، شهری که بی‌نام و نِشون نییه. خواهش کامبه اِجازه هادین مَردِمِ هِمراه گَب بَزِنِم.»

اعمال رَسولان 24:25

وَختی پولُس؛ صالح بییَن و پرهیزگاری و آیندهِ داوِریِ جِم گَب میون بیارده، فِلیکْس هَراسون بَییه و بااوته: «فعلاً وَسّه! توندی بُوری. اَی اَت کَش دییه تِ ره شه پَلی صدا کامبه.»

کولُسیان 1:23

اگه راس راسی شِما ایمونِ دِله، محکم و پابرجا بوئین و اون انجیلِ امیدِ جِم تِکون نَخُرین، هَمون انجیل که آسمونِ بِنِ تِمومِ خلقتِ وِسه اِعلام بَییه، و مِن، پولُس، اونِ نوکِر بَیمه.

کولُسیان 1:27

خِدا این طی بَخواسه که وِشونِ بِشناسونه که این راز، غیرِ یَهودیونِ میون چه گَتِ جلالیه، این راز اینِ که مَسیح شِمه میون، جِلالِ امیدِ.

کولُسیان 1:5

که اینا اون امیدی جِم سرچشمه گِرنه که شِمه وِسه آسِمونِ دِله داشتِنه. اون امید که قبلتر اونِ خَوِری، حَییقَتِ کِلامِ یعنی انجیلِ بِشنُسینی،

کولُسیان 4:6

شِمه گَب ها هَمِش فیضِ جِم پِر و سنجیده بوئه، تا بَدونین هر کیِ چی طی جِواب هادین.

تیتوس 1:2

و اون حییقَت طبقِ امید، اَبدی زندگیِ وِسه هَسه که خِدایی که هیچ وَخت دِراغ نَزِندِنه، قبل از اینکه دِنیا خَلق بَووه، اونِ وَعده ره اِما ره هِدا

نامِه مَسیحینی عبرانی نِژادی سِه 3:6

ولی مَسیح، یِتا ریکائه واری خِدائه سِره سَر وِفادارِ، و اِما وه سِره هَسیمی، اگه راس راسی شه اِطمینان و افتخارِ شه امیدِ دِله قایم داریم.

نامِه مَسیحینی عبرانی نِژادی سِه 6:1

پَس بِئین مَسیحِ اَوِّلین تَعلیم ها ره پِشتِ سَر بییِلیم، بالغ بَیِّنِ سَمت جلو بوریم، اِما نَوِسه اَت کَش دییه پِیِ تووبه هاکاردِن و بیخودی کارا و خِدا ره ایمون داشتن،

اول پِطرُس 1:17

اگه وه ره پییِر گانِنی که هر کسِ بدونِ اینکه وه جِم هواخواهی هاکانه، وه ره وه اَعمالِ جِم داوِری کانده، پَس خِدائه ترسِ هِمراه شه غریبی دورانِ سَر هاکانین،

اول پِطرُس 3:2

وَختی که وِشون شِمه پاک و محترمانه رفتارِ ویندِنه.

اول پِطرُس 3:4

بلکه بییِلین شِمه قشنگی شِمه اون درونی آدِم بوئه که شِمه دِلِ دِلِئه و نَونه اونِ چِشِ هِمراه بَدیئِن، و یِتا آرووم و ملایمِ روح هِمراه قشنگ بَییه، که این طی قَشِنگی خِدائه نَظِر خَله با ارزشِ.